Efesobi 2:1 - BAIBLO ALOO NGMAMI KLƆUKLƆU Ɔ

¹ Sa a, nyɛ ngɛ kaa nihi nɛ gbo, ejakaa nyɛ gbo Mawu tue, nɛ nyɛ pee yayami kɛ si lɛ.

Somi He Ɔ

¹ Sa a, nyɛ ji ni gbogboehi ngɛ tue gbomi kɛ yayamihi a mi.

Efesobi 2:1 ပူးပေါင်းရင်းမြစ်များ

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Mateo 8:22

Se Yesu de lɛ ke, “Ba nyɛɛ ye se! Ha nɛ ni gbogboe ɔmɛ nɛ a pu mɛ nitsɛmɛ a ni gbogboehi.”

Luka 15:24

Ejakaa ye binyumu nɛ ɔ gbo, se e kpale ba wami mi ekohu; e laa, se a na lɛ.’ Nɛ a bɔni nyami.

Luka 15:32

Se e sa kaa wa nya, nɛ wa na bua jɔmi, ejakaa o nyɛmi nɛ ɔ gbo, se e kpale ba wami mi ekohu; e laa, se a na lɛ.’ ”

Yohane 10:10

Se julɔ ɔ lɛɛ ke e ba a, e ba juɔ; e gbeɔ to ɔmɛ, nɛ e kpataa a hɛ mi. Imi lɛɛ i ba, konɛ nyɛ na wami, nɛ nyɛ na kɛ be nɔ.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 5:21

Kaa bɔ nɛ Tsɛ ɔ tleɔ gbogboe si, nɛ e ngɔɔ wami woɔ mi ɔ, jã nɔuu Bi ɔ hu haa níhi nɛ e suɔ mɛ ɔ wami.

Yohane 5:25

I ngɛ nyɛ dee anɔkuale mi ke be ma, pohu e su ta, nɛ gbogboehi maa nu Mawu Bi ɔ gbi, nɛ a maa ba wami mi ekohu.

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

1 Korintobi 15:45

Ngmami ɔ ke, “A bɔ kekleekle Adam ɔ nɔmlɔ hɛngmengmletsɛ,” nɛ nyagbe Adam ɔ ba pee mumi nɛ haa nɔ wami.

2 Korintobi 5:14

Suɔmi nɛ Kristo ngɛ kɛ ha wɔ ɔ woɔ wɔ he wami. Kristo gbo ha wɔ tsuo. Nɛ wa heɔ yeɔ kaa gbenɔ nɛ nɔ kake gbo ha nihi tsuo nɛ ɔ tsɔɔ kaa ni ɔmɛ tsuo gbo.

Efesobi 4:18

se sisi numi be he. Wami he ɔ nɛ Mawu haa nɔ ɔ, mɛɛ a blɔ nya be mi; ejakaa a li nɔ́ ko nɔ́ ko, nɛ a tsui hu kplii.

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Kolosebi 2:13

Sa a, nyɛ ngɛ kaa ni komɛ nɛ gbo, ejakaa nyɛ peeɔ yayami, nɛ he lo nya a, a pui nyɛ. Se amlɔ nɛ ɔ, Mawu ha nɛ nyɛɛ kɛ Kristo tsuo ba wami mi ekohu; ee, Mawu ngɔ wɔ tsuo wa he yayami ɔmɛ ngɔ pa wɔ.

1 Timoteo 5:6

Se yalɔyo nɛ fiɛɔ e yi nɔ ɔ, e hɛ ngɛ lɛɛ, se e gbo momo.

1 Yohane 3:14

Wa le kaa wa be kaa ni gbogboehi hu, se wa je gbenɔ mi kɛ ba wami mi, ejakaa wa suɔ wa nyɛmimɛ ɔmɛ. Nɔ tsuaa nɔ nɛ sume e nyɛmi ɔ, e ngɛ gbenɔ mi.

Kpojemi 3:1

“Bɔfo ɔ nɛ ngɛ asafo ɔ nya ngɛ Sarde ɔ, ngmaa womi nɛ ɔ ya ha lɛ ke, “Nɔ nɛ yeɔ Mawu mumi kpaago ɔmɛ a nɔ, nɛ e hɛɛ dodoe kpaago ɔmɛ ɔ, sɛ gbi nɛ je e ngɔ ji nɛ ɔ nɛ. I le ní nɛ o ngɛ tsue ɔ. I le kaa o he biɛ kaa nɔ nɛ hɛ ngɛ, pohu o gbo.