Efesobi 1:4 - BAIBLO ALOO NGMAMI KLƆUKLƆU Ɔ

⁴ Benɛ a na we nɛ a bɔ je ɔ tete po ɔ, Mawu hla wɔ ngɔ pee lɛ nitsɛ e nihi momo ngɛ Kristo mi. E pee enɛ ɔ, konɛ wa he nɛ tsɔ, nɛ piami ko kó hi wa he ngɛ e hɛ mi. Mawu suɔ wɔ saminya, enɛ ɔ he ɔ,

Somi He Ɔ

⁴ E hla wɔ ngɛ Kristo mi loko a to je ɔ sisi, konɛ waa pee klɔuklɔu nɛ piami ko ko hi wa he ngɛ e hɛ mi.

Efesobi 1:4 ပူးပေါင်းရင်းမြစ်များ

Samuel II, 22:24

E le kaa i da kɛ pi si; e le kaa i pee we yayami ko.

La 135:4

Yawɛ nitsɛ lɛ hla Yakob kɛ ha e he; e hla Israel kɛ pee e ma.

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Mose III, 19:2

e de Israel ma kpekpemi ɔ tsuo ke, “Nyɛɛ pee nyɛ he klɔuklɔu, ejakaa imi Yawɛ, nyɛ Mawu ɔ, i ngɛ klɔuklɔu.

Mose III, 20:7

Lɔ ɔ he ɔ, nyɛɛ tsukɔ nyɛ he nɛ nyɛɛ pee klɔuklɔu, ejakaa imi ji Yawɛ, nyɛ Mawu ɔ nɛ.

Mateo 24:22

Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Mateo 24:31

Titimati nguaa a maa pɛ, nɛ Nɔmlɔ Bi ɔ maa tsɔ e bɔfo ɔmɛ kɛ ya je ɔ kɔ nya eywiɛ ɔmɛ. A ma ya bua nihi nɛ e hla a a nya kɛ maa je he kake kɛ maa ya he kake.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Yohane 10:16

I ngɛ to kpa komɛ hulɔ, se mɛɛ a piɛ we kuu nɛ ɔ he. Ma ngɔ mɛ hu kɛ ba; a maa nu ye gbi, nɛ a maa pee to kuu kake, kɛ hyɛlɔ kake.

Yohane 15:16

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.

Ni Tsumi 13:48

Benɛ ma je li ɔmɛ nu enɛ ɔ, a na bua jɔmi, nɛ a wo Nyɔmtsɛ ɔ hɛ mi nyami; nɛ ni nɛmɛ nɛ Mawu hla ngɔ to neneene wami ɔ he ye.

Ni Tsumi 15:18

Nyɔmtsɛ ɔ, nɔ nɛ ha nɛ a le enɛ ɔmɛ tsuo kɛ je blema lokoo ɔ lɛ de.’ ”

Ni Tsumi 18:10

ejakaa i kɛ mo ngɛ. Nɔ ko nɔ ko be nyɛe maa pee mo yayami ko; ejakaa i ngɛ we bi babauu ngɛ ma nɛ ɔ mi.”

Romabi 8:33

Nihi nɛ Mawu hla a, mɛnɔ maa po a nya? Mawu nitsɛ lɛ woɔ nɔ nguɔ.

1 Korintobi 1:8

Mawu nitsɛ maa hɛɛ nyɛ kɛ maa ya nyagbe, konɛ ligbi ɔ nɛ wa Nyɔmtsɛ Yesu Kristo maa ba a, piami ko piami ko kó hi nyɛ he.

Galatabi 5:13

Ye nyɛmimɛ, nyɛɛ lɛɛ pe a hla nyɛ, konɛ nyɛ ba ye nyɛ he. Nyɛ he nɛ nyɛ ye nɛ ɔ, nyɛ ko ngɔ lɛ kaa blɔ nya nɛ nyɛ na nɛ nyɛɛ kɛ maa pee níhi nɛ nyɛ nɔmlɔ tso ɔ suɔ. Mohu ɔ, nyɛ ha nɛ nyɛ suɔmi ɔ nɛ je kpo ngɛ nyɛmimɛ a sɔmɔmi mi.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Efesobi 3:17

I kpaa pɛɛ nɛ nyɛ he ye, nɛ Kristo nɛ hi nyɛ tsui mi, konɛ nɔ́ tsuaa nɔ́ nɛ nyɛ ngɛ pee ɔ, nyɛɛ pee kɛ suɔmi nɛ mi wa.

Efesobi 4:2

Nyɛɛ ba nyɛ he si; nyɛɛ pee nyɛ he humi, nɛ nyɛɛ to nyɛ tsui si. Nyɛɛ na ha nyɛ sibi nɛ nyɛ kɛ tsɔɔ kaa nyɛ suɔ nyɛ he niinɛ.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Efesobi 5:27

E pee enɛ ɔ, konɛ e ngɔ asafo ɔ ngɔ pee lɛ nitsɛ e nɔ́. Asafo ɔ ngɛ kaa nɔ ko nɛ he ngɛ fɛu saminya; sé ko be e he ɔ, e hɛ mi kuã we, nɛ nɔ́ yaya kpa ko hu be e he. Ee, asafo ɔ maa hi klɔuklɔu nɛ piami ko piami ko be e he hie.

Filipibi 2:15

Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

Kolosebi 1:22

Se amlɔ nɛ ɔ, kɛ gu e Bi ɔ nɛ ba ngɛ he lo mi ɔ gbenɔ ɔ nɔ ɔ, e kɛ nyɛ ba kpata. E pee enɛ ɔ, bɔ nɛ pee nɛ nyɛɛ pee klɔuklɔu, nɛ piami, loo sé ko kó hi nyɛ he ngɛ e hɛ mi.

Kolosebi 2:2

I ngɛ enɛ ɔ pee nɛ ma kɛ wo mɛ bua, konɛ suɔmi nɛ ha a pee kake. Kɛkɛ ɔ, a maa nu ní kpakpahi nɛ a mi kuɔ ɔ tsuo a sisi saminya nɛ nɔ jemi be mi, nɛ a maa le Mawu laami sane ɔ. Mawu laami sane ɔ ji Kristo ɔ nɛ.

Kolosebi 3:12

Mawu nihi nɛ e hla, nɛ e suɔ ji nyɛ, nɛ nyɛ ngɛ klɔuklɔu. Lɔ ɔ he ɔ, nyɛ ha nɛ a na subai nɛ ɔmɛ ngɛ nyɛ he kaa tade nɛ nyɛ wo: mi mi jɔmi, mɔbɔ nami, he si bami, kpoo peemi, kɛ tsui si tomi.

1 Tesalonikabi 3:12

Nyɔmtsɛ ɔ nɛ ha nyɛ suɔmi ɔ mi nɛ wa, konɛ nyɛɛ suɔ nyɛ sibi, kɛ nimli adesahi tsuo kaa bɔ nɛ wɔ hu wa suɔ nyɛ ɔ.

1 Tesalonikabi 4:7

Mawu tsɛ we wɔ nɛ wa ba tsu mu ní, se mohu bɔ nɛ pee nɛ wa he nɛ tsɔ.

2 Timoteo 1:9

Mawu he wa yi wami, nɛ e tsɛ wɔ, konɛ wa ba pee e nihi. Pi nɔ́ kpakpa ko nɛ wa pee he je, se mohu lɛ nitsɛ e yi mi tomi nya nɛ e dloo wɔ. Wa ná kikɛmɛ a dloomi nɛ ɔ kɛ gu Kristo Yesu nɔ blema lokoo loko a bɔ je ɔ.

2 Timoteo 2:10

Enɛ ɔ he je nɛ i toɔ ye tsui si ngɛ nɔ́ tsuaa nɔ́ mi, nɛ i naa nɔ́ ngɛ nihi nɛ Mawu hla a a he, konɛ kɛ gu Kristo Yesu nɔ ɔ, a he mɛ hu a yi wami, nɛ a nine nɛ su hɛ mi nyami nɛ ngɛ kɛ yaa neneene ɔ nɔ.

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

1 Petro 1:2

Tsɛ Mawu hla nyɛ kaa bɔ nɛ e to ke e maa pee ɔ, nɛ e Mumi Klɔuklɔu ɔ pee nyɛ ma klɔuklɔu, konɛ nyɛɛ bu Yesu Kristo tue, nɛ e muɔ ɔ nɛ tsu nyɛ he. Mawu dloomi kɛ he jɔmi nɛ hiɛ fuu ha nyɛ.

1 Petro 1:20

Mawu hla lɛ momo loko a to je ɔ sisi, nɛ a je lɛ kpo ngɛ nyagbe be nɛ ɔmɛ a mi ngɛ nyɛ he.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

2 Petro 3:14

Lɔ ɔ he ɔ, ye nyɛmimɛ nɛ i suɔ! Be mi nɛ nyɛ ngɛ ní nɛ ɔmɛ blɔ hyɛe ɔ, nyɛɛ bɔ mɔde nɛ Mawu ko na mu, loo piami nɔ́ ko ngɛ nyɛ he; nyɛɛ kɛ lɛ nɛ hi si ngɛ he jɔmi mi.

1 Yohane 4:16

Suɔmi nɛ Mawu ngɛ kɛ ha wɔ ɔ, wɔ nitsɛmɛ wa le, nɛ wa ji he nɔ́. Mawu ɔ, suɔmi ji lɛ, nɛ nɔ tsuaa nɔ nɛ suɔ nɔmlɔ kɛ e tsui tsuo ɔ, e hii Mawu mi, nɛ Mawu hu hii e mi.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 17:8

Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.