Efesobi 1:19 - BAIBLO ALOO NGMAMI KLƆUKLƆU Ɔ

¹⁹ Jehanɛ ɔ hu nyɛ ma yɔse kaa Mawu he wami kpetekpleenyɛ nɛ ngɛ ní tsue ngɛ wɔ nihi nɛ wa heɔ yeɔ ɔ wa mi ɔ,

Somi He Ɔ

¹⁹ kɛ nɔ́ nɛ ji e he wami ɔ klemi nɛ be nɔ babauu ha wɔ ninɛmɛ nɛ wa heɔ yeɔ ngɛ e nyɛmi ɔ he wami ni tsumi ɔ nya,

Efesobi 1:19 ပူးပေါင်းရင်းမြစ်များ

Yesaya 53:1

Ni ɔmɛ he nɔ ke, “Mɛnɔ ma he wa munyu nɛ ɔ maa ye? Mɛnɔ maa le kaa Yawɛ he ngɛ sane nɛ ɔ mi?

Yohane 3:6

Adesa lɛɛ adesa kɛkɛ e fɔɔ, se Mumi Klɔuklɔu lɛɛ e fɔɔ nɔ ehe.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Romabi 1:16

Sane kpakpa a he pee we mi zo, ejakaa e ji Mawu he wami nɛ haa nɔ tsuaa nɔ nɛ heɔ yeɔ ɔ yi naa wami, Yuda bi kekle, lɔ ɔ se ɔ, ma je li hulɔ.

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Efesobi 3:20

Mawu kɛ he wami kpetekpleenyɛ tsuɔ ní ngɛ wa mi, nɛ e peeɔ níhi nɛ hiɛ babauu kɛ be nɔ kɛ haa wɔ, níhi nɛ wa be nyɛe ma bi, kɛ ní nɛmɛ nɛ wa juɛmi sui he po.

Efesobi 3:7

Mawu dloo mi nike ní pɔtɛɛ ko kaa sane kpakpa a fiɛlɔ, nɛ ma kɛ sɔmɔ lɛ. E he wami ɔ nɛ e kɛ tsu nɔ́ nɛ ɔ.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Filipibi 2:13

Ejakaa be tsuaa be ɔ, Mawu ngɛ nyɛ he ní tsue, konɛ nyɛ na bua jɔmi nɛ nyɛ kɛ pee e suɔmi nya ní.

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

Kolosebi 1:29

Enɛ ɔ he ɔ, i kɛ Kristo he wami kpetekpleenyɛ ɔ nɛ ngɛ ye mi ɔ gboɔ dengme wawɛɛ kɛ tsuɔ ní.

Kolosebi 2:12

Nɛ a sɔle nyɛ ɔ, e tsɔɔ kaa a pu nyɛ ngɔ piɛ Kristo he; nɛ Mawu tle nyɛɛ kɛ Kristo tsuo si ekohu. Ejakaa nyɛ heɔ yeɔ kaa Mawu ngɛ he wami kpetekpleenyɛ, nɛ e tle Kristo si hulɔ.

1 Tesalonikabi 1:5

Sane kpakpa a nɛ wa ngɔ ba ha nyɛ ɔ, pi munyu kɛkɛ nɛ wa ba tu. Nɔ́ nɛ wa ba de nyɛ ɔ wo nyɛ he wami, nɛ Mumi Klɔuklɔu ɔ bli nyɛ juɛmi nya, nɛ nyɛ na kaa munyu ɔ nɛ wa kɛ ba a, anɔkuale sɔuu. Benɛ wa ngɛ nyɛ ngɔ ɔ, nyɛ le bɔ nɛ waa kɛ nyɛ hi si ha. Wa pee ja, konɛ e hi ha nyɛ nitsɛmɛ.

2 Tesalonikabi 1:11

Enɛ ɔ he je ɔ, daa nɛ ɔ, wa kpaa Mawu pɛɛ ha nyɛ, konɛ nyɛ je mi bami nɛ sa nɔ́ nɛ he nɛ e tsɛ nyɛ ngɛ ɔ. Kɛkɛ ɔ, e maa wo nyɛ hemi kɛ yemi mi he wami, nɛ ní kpakpahi nɛ nyɛ to kaa nyɛ maa pee ɔ, nyɛ maa pee.

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.