Efesobi 1:18 - BAIBLO ALOO NGMAMI KLƆUKLƆU Ɔ

¹⁸ I kpaa Mawu pɛɛ nɛ e bli nyɛ mumi mi hɛngmɛ. Kɛkɛ ɔ, níhi nɛ Mawu wo si kaa e ma ha nyɛ benɛ e tsɛ nyɛ, nɛ nyɛ ngɔ nyɛ hɛ ngɔ fɔ nɔ ɔ, nyɛ maa na. Nyɛ maa le hu kaa níhi nɛ Mawu wo si kaa e ma ha e ni klɔuklɔu ɔmɛ ɔ, a hɛ mi ngɛ nyami babauu.

Somi He Ɔ

¹⁸ nɛ nyɛ mi hɛngmɛ ɔ nɛ bli, konɛ nyɛɛ le nɔ nɛ ji e tsɛmi ɔ hɛ kɛ nɔ fɔmi ɔ, kɛ e weye ni ɔ hiɛmi ngɛ ni klɔuklɔu ɔmɛ a mi,

Efesobi 1:18 ပူးပေါင်းရင်းမြစ်များ

Hiob 42:5

Jamɛ a be ɔ, níhi nɛ nihi de mi ngɛ o he kɛkɛ lɛ i le, se amlɔ nɛ ɔ lɛɛ i na mo paa kɛ imi nitsɛ ye hɛngmɛ.

La 119:18

Bli ye hɛngmɛ, konɛ ma na nyakpɛ níhi nɛ ngɛ o mlaa a mi.

Yesaya 11:2

Yawɛ mumi ɔ maa ba e nɔ. E ma ha lɛ sane se kɔmi, nile, kɛ ga nɛ e kɛ maa ye e ma a nɔ. E maa le Yawɛ suɔmi nya ní, nɛ e maa bu lɛ.

Yesaya 29:10

Yawɛ ha mahe vii nɔ nyɛ nɔ, nɛ nyɛ hwɔ mahe kulaa. Nyɛ gbali ɔmɛ ɔ, Mawu kɛ nɔ́ bu a hɛ mi, nɛ e ha a yi nɔ.

Yesaya 29:18

Jamɛ a be ɔ, tuekpokutsɛ maa nu nɛ a ngɛ womi kanee, nɛ hɛ yuyuili nɛ ngɛ diblii kpii mi ɔ, a hɛngmɛ maa hyɛ nɔ ekohu.

Yesaya 32:3

Jamɛ a be ɔ mi ɔ, nɔ tsuaa nɔ hɛngmɛ maa hyɛ nɔ́ paa, nɛ e tue hu maa nu nɔ́ saminya.

Yesaya 42:7

O ma bli hɛ yuyuili a hɛngmɛ, nɛ nihi nɛ a wo mɛ tsu, nɛ a hii si ngɛ diblii mi ɔ, o ma ha a maa ye a he.

Yesaya 6:10

E ya nɔ nɛ e de mi ke, “Ha nimli nɛ ɔmɛ a tsui nɛ ti; a tue nɛ wa, nɛ a hɛngmɛ hu nɛ ma, bɔ nɛ pee nɛ a hɛngmɛ ko hyɛ nɔ́, nɛ a tue hu ko nu nɔ́, konɛ a ko nu nɔ́ sisi, nɛ a ba kpale kɛ ba nɛ a tsa mɛ.”

Mateo 13:15

Nimli nɛ ɔmɛ kplii a tsui; A wa tue, konɛ a ko nu nɔ́. A ma a hɛngmɛ, konɛ a ko hyɛ nɔ́. A pee kikɛ nɛ ɔ, konɛ a ko nu níhi a sisi; nɛ a ba kpale kɛ ba ye ngɔ nɛ ma tsa mɛ.’

Marko 10:17

Benɛ Yesu je kpo kɛ ma blɔ ɔ nɔ ekohu ɔ, nyumu ko sa fo kɛ ba na lɛ. E ba kpla si ngɛ e hɛ mi, nɛ e bi lɛ ke, “Tsɔɔlɔ kpakpa, mɛni ma pee nɛ ma ná neneene wami?”

Luka 24:45

Jehanɛ ɔ, e bli a juɛmi nya, konɛ a nu ngmami ɔmɛ a sisi.

Ni Tsumi 16:14

A ti nɔ kake ji Lidia. Yo nɛ ɔ je Tiatira ma a mi, nɛ e juaa bo tsu he jua wawɛ. Mawu jalɔ ji lɛ; nɛ Nyɔmtsɛ ɔ bli e juɛmi nya nɛ́ nɔ́ nɛ Paulo ngɛ dee ɔ, e bu tue saminya.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Romabi 11:29

Ejakaa ke Mawu tsɛ nɔ ko nɛ e gbaa lɛ ɔ, e tsakee we e yi mi hu.

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Galatabi 5:5

Wɔɔ lɛɛ wa hemi kɛ yemi ji Mawu ma dla waa kɛ lɛ wa kpɛti. Mawu mumi ɔ nɛ tsuɔ ní ngɛ wa mi ɔ lɛ ha wa ngɛ nɔ́ nɛ ɔ blɔ hyɛe ɔ nɛ.

Efesobi 1:11

Nɔ́ nɛ Mawu suɔ kaa e maa pee, kɛ nɔ́ nɛ e to kaa e ba mi ɔ, lɔ ɔ e peeɔ. Mawu hla wɔ, konɛ wa ba pee lɛ nitsɛ e nihi, nɛ́ waa kɛ Kristo nɛ pee kake. Mawu suɔmi nya ní, kɛ yi mi nɛ e to kɛ je sisije tɔɔ ji nɛ ɔ nɛ.

Efesobi 1:7

Ejakaa Kristo ngɔ e he ngɔ sã bɔ, nɛ e kɛ e muɔ kpɔ wɔ, nɛ e dloomi babauu ɔ nya a, a e ngɔ wa he yayami ɔmɛ ngɔ pa wɔ.

Efesobi 2:12

Jamɛ a be ɔ, nyɛ li Kristo. Nihi nɛ Mawu hla a, nyɛ be a kpɛti; lɔ ɔ he ɔ, nibwɔhi ji nyɛ. Somi nɛ Mawu kɛ e ni ɔmɛ so, kɛ si nɛ e wo mɛ ɔ, nyɛ piɛ we he. Nyɛ hi si ngɛ je ɔ mi kɛkɛ, nɛ nyɛɛ kɛ nyɛ hɛ fɔ we nɔ́ ko nɔ; Mawu nitsɛ tete nyɛ li lɛ.

Efesobi 3:16

I kpaa Mawu pɛɛ, konɛ kɛ gu e ní babauu nɛ hɛ mi ngɛ nyami ɔ nɔ ɔ, e ha nɛ e Mumi Klɔuklɔu ɔ nɛ wo nyɛ mumi mi he wami.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Efesobi 4:1

Lɔ ɔ he ɔ, imi nɛ a wo mi tsu ngɛ Nyɔmtsɛ ɔ nɛ i ngɛ sɔmɔe ɔ he ɔ, i kpa nyɛ pɛɛ nɛ nyɛɛ ba nyɛ je mi saminya, bɔ nɛ maa sa ní tsumi nɛ Mawu tsɛ nyɛ ke nyɛ ba tsu ɔ.

Efesobi 4:4

Nɔmlɔ tso kake kɛ mumi kake lɛ ngɛ. Jã nɔuu kɛ̃ nɔ́ kake too nɔ nyɛ ngɔ nyɛ hɛ ngɔ fɔ, nɛ lɔ ɔ he Mawu tsɛ nyɛ ngɛ ɔ nɛ.

Efesobi 5:8

Jinɛ sa a, nyɛ nitsɛmɛ nyɛ ngɛ diblii mi, se nɛ nyɛ ngɔ nyɛ he ba mɛtɛ Nyɔmtsɛ, he ɔ, nyɛ ba plɛ la. Lɔ ɔ he ɔ, nyɛɛ ba nyɛ je mi kaa nihi nɛ kɛ la ngɛ nyɛɛe.

Filipibi 3:14

Lɔ ɔ he ɔ, i ngɔ hɛ kɛ pi oti ɔ, konɛ ye nine nɛ su jlasi ɔ nɔ. Enɛ ɔ he nɛ Mawu tsɛ wɔ kɛ je hiɔwe tɔɔ kɛ gu Kristo Yesu nɔ.

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.

Kolosebi 1:5

Nyɛ nu momo kaa hɛ kɛ nɔ fɔmi ko ngɛ ha nyɛ, benɛ anɔkuale sɛ gbi nɛ ji sane kpakpa a ba su nyɛ ɔ. Lɔ ɔ he ɔ, nyɛ hemi kɛ yemi, kɛ nyɛ suɔmi nɛ ɔ daa si ngɛ nɔ́ nɛ nyɛ ngɔ nyɛ hɛ ngɔ fɔ nɔ kaa a kɛ to ha nyɛ ngɛ hiɔwe ɔ nɔ.

Kolosebi 2:2

I ngɛ enɛ ɔ pee nɛ ma kɛ wo mɛ bua, konɛ suɔmi nɛ ha a pee kake. Kɛkɛ ɔ, a maa nu ní kpakpahi nɛ a mi kuɔ ɔ tsuo a sisi saminya nɛ nɔ jemi be mi, nɛ a maa le Mawu laami sane ɔ. Mawu laami sane ɔ ji Kristo ɔ nɛ.

Kolosebi 3:15

He jɔmi nɛ Kristo haa a, nyɛ ha nɛ a na kaa e ngɛ ní tsue ngɛ nyɛ tsui mi. Ejakaa nyɛ nɛ nyɛ ngɛ nɔmlɔ tso kake ɔ mi ɔ, ní tsumi nɛ Mawu kpee nyɛ ke nyɛ ba tsu ɔ ji nɛ ɔ nɛ. E sa nɛ nyɛɛ na Mawu si.

1 Tesalonikabi 2:12

Wa wo nyɛ he wami; wa wo nyɛ bua, nɛ wa wo nyɛ ga kaa nyɛɛ ba nyɛ je mi bɔ nɛ sa Mawu hɛ mi. Lɛ nɛ e tsɛ nyɛ ke nyɛɛ ba lɛ nitsɛ e matsɛ yemi ɔ, kɛ e nyami ɔ mi.

1 Tesalonikabi 5:8

Se wɔɔ lɛɛ piani bimɛ ji wɔ, nɛ e hia kaa wa hɛ mi nɛ ka si. Wa hemi kɛ yemi, kɛ suɔmi ɔ mi nɛ wa kaa dama, nɛ hɛ kɛ nɔ fɔmi kaa a ma he wa yi wami ɔ, lɔ ɔ hu mi nɛ wa kaa dade pɛɛ.

2 Tesalonikabi 1:11

Enɛ ɔ he je ɔ, daa nɛ ɔ, wa kpaa Mawu pɛɛ ha nyɛ, konɛ nyɛ je mi bami nɛ sa nɔ́ nɛ he nɛ e tsɛ nyɛ ngɛ ɔ. Kɛkɛ ɔ, e maa wo nyɛ hemi kɛ yemi mi he wami, nɛ ní kpakpahi nɛ nyɛ to kaa nyɛ maa pee ɔ, nyɛ maa pee.

2 Tesalonikabi 2:16

Wa Nyɔmtsɛ Yesu Kristo nitsɛ, kɛ wa Tsɛ Mawu, nɔ nɛ suɔ wɔ kikɛ nɛ ɔ, nɛ e gu e dloomi ɔ nɔ, nɛ e wo wɔ he wami, nɛ e ha wɔ hɛ kɛ nɔ fɔmi nɛ nya wa a,

1 Timoteo 6:12

Hwuu hemi kɛ yemi ɔ he ta kpakpa a, konɛ o nine nɛ su neneene wami ɔ nɔ. Enɛ ɔ he nɛ Mawu tsɛ mo nɛ o ba ye Kristo he odase wawɛɛ ngɛ nihi babauu a hɛ mi ɔ nɛ.

Tito 2:13

be mi nɛ wa ngɛ gbaami nɛ wa ngɔ wa hɛ fɔ nɔ ɔ blɔ hyɛe ɔ. Jamɛ a be ɔ, wa Mawu kpetekpleenyɛ, kɛ wa kpɔlɔ Yesu Kristo hɛ mi nyami ɔ maa je kpo.

Tito 3:7

E pee enɛ ɔ, konɛ wɔ nɛ a wo wɔ nguɔ kɛ gu Yesu Kristo dloomi ɔ nɔ ɔ, neneene wami ɔ nɛ wa ngɔ wa hɛ ngɔ fɔ nɔ ɔ, wa nine nɛ su nɔ.

Hebribi 10:32

Nyɛ kai bɔ nɛ nyɛ hi si sa a. Benɛ nyɛ ba le Mawu ɔ, nyɛɛ kɛ hɛ mi miami na amanehlu babauu.

Hebribi 6:4

Nihi nɛ he we Kristo yi hu ɔ, kɛ nɔ ko maa pee kɛ tsake mɛ ekohu kɛɛ? Be ko ɔ, a na Mawu la a, Mawu nike ní ɔ hu a tso hyɛ, nɛ Mumi Klɔuklɔu ɔ hu ba a nɔ.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.