Efesobi 1:16 - BAIBLO ALOO NGMAMI KLƆUKLƆU Ɔ

¹⁶ i kpa we Mawu si nami ha nyɛ. Ke i ngɛ sɔlee ɔ, i kaiɔ nyɛ,

Somi He Ɔ

¹⁶ i jɔɔ we si nami ngɛ nyɛ he, se i kaii nyɛ ngɛ ye pɛɛ kpamihi a mi.

Efesobi 1:16 ပူးပေါင်းရင်းမြစ်များ

Mose I, 40:14

Se, i kpa mo pɛɛ, ke níhi a mi ya hi ha mo ɔ, mo kai mi nɛ o na mi mɔbɔ; moo tu ye he munyu kpakpa ha Farao ɔ, nɛ e ba je mi kɛ je tsu nɛ ɔ mi.

Yesaya 62:6

Yerusalem, i ngɔ buli ngɔ to o gbogbo ɔmɛ a nɔ. Nyɔ kɛ pia tsuo, a ko pee dii; se mohu a hi Yawɛ kaie ngɛ si ko nɛ e wo e ma a he, konɛ e hɛ ko je nɔ.

Kolosebi 1:3

Ke wa ngɛ sɔlee ha nyɛ ɔ, wa naa Mawu, wa Nyɔmtsɛ Yesu Kristo Tsɛ ɔ si daa.

Kolosebi 1:9

Enɛ ɔ he ɔ, kɛ je ligbi ɔ nɛ wa nu nyɛ he ɔ kɛ ba si amlɔ nɛ ɔ, wa jɔɔ we Mawu pɛɛ kpami ha nyɛ. Wa biɔ ke Mawu nɛ ha nɛ nyɛɛ le e suɔmi nya ní, nɛ nyɛ ná nile, kɛ nɔ́ sisi numi nɛ mumi ɔ haa nɔ ɔ.

1 Tesalonikabi 1:2

Wa naa Mawu si daa kɛ haa nyɛ tsuo, nɛ daa ke wa ngɛ sɔlee ɔ, wa woɔ nyɛ ta.

1 Tesalonikabi 5:17

nyɛɛ sɔle be tsuaa be;

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.

Samuel I, 12:23

Imi lɛɛ ma kpa Yawɛ pɛɛ ha nyɛ daa, nɛ ma tsɔɔ nyɛ nɔ́ nɛ hi, kɛ nɔ́ nɛ da, konɛ ma ko pee yayami kɛ si Yawɛ.

Samuel I, 7:8

nɛ a de Samuel ke, “Moo hi kue fae kɛ hi Yawɛ, wa Mawu ɔ hae, konɛ e je wɔ kɛ je Filisti bi ɔmɛ a dɛ mi.”