Efesobi 1:15 - BAIBLO ALOO NGMAMI KLƆUKLƆU Ɔ

¹⁵ Enɛ ɔ he je ɔ, kɛ je benɛ i nu kaa nyɛ heɔ Nyɔmtsɛ Yesu Kristo yeɔ saminya, nɛ Mawu we bi ɔmɛ hu nyɛ suɔ mɛ ja nɔuu ɔ,

Somi He Ɔ

¹⁵ Enɛ ɔ he je ɔ, imi hu, benɛ i nu nyɛ hemi kɛ yemi nɛ nyɛ ngɛ ngɛ Nyɔmtsɛ Yesu Kristo mi, kɛ nyɛ suɔmi nɛ nyɛɛ kɛ suɔ ni klɔuklɔu ɔmɛ kulaa he ɔ,

Efesobi 1:15 ပူးပေါင်းရင်းမြစ်များ

La 16:3

Hyɛ bɔ nɛ Yawɛ e ni klɔuklɔuhi nɛ ngɛ je ɔ mi ɔ a hɛ mi ngɛ nyami ha! Mɛ ji ni nɛmɛ nɛ i naa a he bua jɔmi.

Ni Tsumi 20:21

I tu munyu kɛ tsɔɔ Yuda bi, kɛ ma je li tsuo ke a kpa yayami peemi, nɛ a ba Mawu ngɔ, nɛ a he wa Nyɔmtsɛ Yesu Kristo nɛ a ye.

Romabi 1:8

Kekleekle ɔ, i gu Yesu Kristo nɔ kɛ ngɛ ye Mawu ɔ si nae ngɛ nyɛ tsuo nyɛ he, ejakaa a ngɛ hemi kɛ yemi nɛ nyɛ hɛɛ mi ɔ he odase yee ngɛ je ɔ mi he tsuaa he.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Efesobi 1:1

Imi Paulo, nɛ Mawu suɔmi nya nɛ i ba pee Kristo Yesu bɔfo ɔ, imi lɛ i ngma womi nɛ ɔ ya ha ni klɔuklɔu ɔmɛ nɛ ngɛ Efeso, nihi nɛ kɛ je be nɛ a ba le Kristo Yesu ɔ, a ngmɛɛ we a hemi kɛ yemi ɔ he kulaa a.

Efesobi 3:18

Kɛkɛ ɔ, nyɛɛ kɛ ni klɔuklɔu ɔmɛ tsuo nyɛ ma yɔse suɔmi nɛ Kristo ngɛ kɛ ha nyɛ ɔ mi blimi, e kami, kɛ e mi kuɔmi.

1 Tesalonikabi 1:3

Wa kaiɔ nyɛ ngɛ wa Tsɛ Mawu hɛ mi bɔ nɛ nyɛ hemi kɛ yemi ɔ jeɔ kpo ngɛ nyɛ ní tsumi mi, bɔ nɛ suɔmi nɛ nyɛ ngɛ ɔ ha nɛ nyɛ tsu ní wawɛɛ, kɛ bɔ nɛ nyɛ ngɔ nyɛ hɛ kɛ fɔ wa Nyɔmtsɛ Yesu Kristo nɔ wawɛɛ nitsɛ.

1 Tesalonikabi 4:9

Jehanɛ, suɔmi nɛ sa kaa e hi nyɛmimɛ nɛ heɔ yeɔ ɔ a kpɛti ɔ, e hia we kaa ma ngma nyɛ womi ngɛ lɔ ɔ he hu. Mawu tsɔɔ nyɛ momo kaa nyɛɛ suɔ nyɛ he,

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.

1 Timoteo 1:14

Se wa Nyɔmtsɛ ɔ dloomi babauu ɔ nya a, suɔmi, kɛ hemi kɛ yemi nɛ Mawu haa nihi tsuo nɛ ngɛ Kristo Yesu mi ɔ, imi hu i ná.

1 Timoteo 1:5

Nɔ́ nɛ i ngɛ mo fae ke o pee nɛ ɔ ma ha nɛ waa suɔ wa sibi kɛ tsui nɛ mi tsɔ; wa he nile be wɔ fɔ bue, nɛ wa ma he Kristo maa ye anɔkuale mi.

Filemon 1:5

Ejakaa suɔmi nɛ o jeɔ kpo kɛ tsɔɔ Mawu bimɛ ɔmɛ tsuo, kɛ hemi kɛ yemi nɛ o ngɛ ngɛ Nyɔmtsɛ Yesu Kristo mi ɔ, i nu he.

Hebribi 6:10

Mawu yi tue gbogboe sane. Ní nɛ nyɛ tsu, kɛ suɔmi nɛ nyɛ je kpo ha lɛ ɔ, e hɛ be nɔ jee gblegbleegble. Nyɛ pee enɛ ɔ kɛ sɔmɔ ní klɔuklɔu ɔmɛ, nɛ nyɛ ngɛ pee kɛ mwɔɔ.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

1 Yohane 3:17

Ke nɔ ko ngɛ je nɛ ɔ mi ní, nɛ e na e nyɛmi nɛ e fi lɛ, se e mi mi sãã we lɛ ngɛ e nyɛmi ɔ he nɛ e ye bua lɛ ɔ, anɛ e ma nyɛ de ke e suɔ Mawu lo?

1 Yohane 4:21

Mlaa nɛ Kristo wo wɔ ji nɔ tsuaa nɔ nɛ suɔ Mawu ɔ, e sa kaa e suɔ e nyɛmi hulɔ.