Efesobi 1:13 - BAIBLO ALOO NGMAMI KLƆUKLƆU Ɔ

¹³ Nyɛ hu, benɛ nyɛ nu anɔkuale sɛ gbi ɔ nɛ ji sane kpakpa a nɛ ma ha nɛ a he nyɛ yi wami ɔ, nyɛ he Kristo ye, nɛ Mawu ha nɛ Mumi Klɔuklɔu ɔ nɛ e wo he si ɔ ba nyɛ nɔ. Mawu pee enɛ ɔ, nɛ e kɛ kadi nyɛ kaa e nihi ji nyɛ niinɛ.

Somi He Ɔ

¹³ Kristo ɔ nɔuu nɔ nyɛ hu nyɛ ngɔ nyɛ hɛ ngɔ fɔ, benɛ nyɛ nu anɔkuale munyu ɔ nɛ ji nyɛ yi wami hemi ɔ he sane kpakpa a; lɛ nɔuu e mi a kɛ Mumi Klɔuklɔu ɔ nɛ a wo he si ɔ sɔu nyɛ nya ngɛ benɛ nyɛ he ye ɔ,

Efesobi 1:13 ပူးပေါင်းရင်းမြစ်များ

La 119:43

Ha nɛ ma nyɛ ma tu anɔkuale be tsuaa be; ejakaa i ngɔ ye hɛ kɛ fɔ o mlaa amɛ a nɔ.

Yoel 2:28

“Pee se ɔ, ma plɛ ye mumi ɔ kɛ pue nɔ tsuaa nɔ nɔ; nyɛ binyumu ɔmɛ kɛ nyɛ biyi ɔmɛ maa fiɛ ye sɛ gbi ɔ; nyɛ nimowi ɔmɛ maa nla nlamihi, nɛ nyɛ nihewi ɔmɛ maa na ninahi.

Luka 11:13

Ke nyɛ nimli yayamihi po nyɛ le bɔ nɛ nyɛ haa nyɛ bimɛ ní kpakpahi ɔ, nyɛ Tsɛ nɛ ngɛ hiɔwe ɔ lɛɛ e maa ngɔ Mumi Klɔuklɔu ɔ kɛ ha nihi nɛ biɔ lɛ ɔ kulaa pe kikɛ nɛ ɔ po!”

Luka 24:49

nɛ ma ha Mumi Klɔuklɔu ɔ maa ba nyɛ nɔ kaa bɔ nɛ Tsaatsɛ wo si ɔ. Se nyɛɛ hi Yerusalem ma a mi kɛ yaa si he wami nɛ je hiɔwe ɔ maa ba nyɛ nɔ.”

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Yohane 14:26

Tsɛ ɔ maa wo Mumi Klɔuklɔu ɔ blɔ kɛ ba nyɛ ngɔ. Hepiɛlɔ nɛ ɔ maa ba ngɛ ye biɛ mi, nɛ nɔ́ tsuaa nɔ́ nɛ hia kaa nyɛɛ le ɔ, e maa tsɔɔ nyɛ; nɛ nihi tsuo nɛ i de nyɛ ɔ, e ma kai nyɛ.

Yohane 15:26

“Se Hepiɛlɔ ɔ maa ba. Lɛ ji Mumi ɔ nɛ haa a leɔ anɔkuale nɛ kɔɔ Mawu he ɔ nɛ. Ma tsɔ lɛ kɛ je Tsɛ ɔ ngɔ kɛ ba nyɛ ngɔ, nɛ e ma ba ye ye he odase.

Yohane 3:33

Nɔ tsuaa nɔ nɛ heɔ e munyu ɔ yeɔ ɔ, yeɔ odase kaa Mawu tuɔ anɔkuale.

Yohane 6:27

Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”

Ni Tsumi 1:4

Benɛ a nya ba bua ngɛ he kake ɔ, e fa mɛ ke, “Nyɛ ko je Yerusalem; se mohu nyɛɛ mlɛ kɛ yaa si be nɛ si nɛ Tsaatsɛ wo ɔ maa ba mi kaa bɔ nɛ i de nyɛ momo ɔ.

Ni Tsumi 13:26

“Ye nyɛmimɛ Abraham nina Israel bi, kɛ nyɛ ma je li nɛ nyɛ jaa Mawu, nɛ nyɛ ba bua nyɛ he nya ngɛ hiɛ ɔ, wɔ a kɛ kikɛmɛ a yi wami hemi munyu nɛ ɔ ba ha.

Ni Tsumi 2:33

A wo e nɔ kɛ ho e Tsɛ Mawu ɔ hiɔ nɔ ya, nɛ e ná Mumi Klɔuklɔu nɛ a wo he si ɔ kɛ je e dɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ngɛ nue nɛ ɔ, Yesu lɛ ha nɛ e ba.

Romabi 1:16

Sane kpakpa a he pee we mi zo, ejakaa e ji Mawu he wami nɛ haa nɔ tsuaa nɔ nɛ heɔ yeɔ ɔ yi naa wami, Yuda bi kekle, lɔ ɔ se ɔ, ma je li hulɔ.

Romabi 4:11

Pomi nɛ a po lɛ ɔ ji okadi ko kɛkɛ nɛ maa nɔ mi kaa hemi kɛ yemi nɛ Abraham ngɛ he je ɔ, Mawu he lɛ momo kaa nɔ nɛ da, be mi nɛ a na we nɛ a po lɛ tete. Lɔ ɔ he ɔ, nihi tsuo nɛ heɔ Mawu yeɔ, nɛ pohu a pui mɛ, nɛ Mawu buu mɛ dali ɔ, Abraham peeɔ a tsɛ.

Romabi 6:17

Se wa naa Mawu si! Jinɛ sa a, yayami ye nyɛ nyɔguɛ, se jehanɛ lɛɛ nyɛ ngɛ Mawu sɔmɔe. Ní nɛ a tsɔɔ nyɛ ɔ, nyɛ he lɛ kɛ nyɛ tsui tsuo.

2 Korintobi 1:22

nɛ e wo wa he so. Lɛ nɛ e ngɔ Mumi Klɔuklɔu ɔ ngɔ wo wa tsui mi kɛ ma níhi tsuo nɛ e wo si ke e ma ha wɔ ɔ a nɔ mi.

2 Korintobi 6:7

anɔkuale munyu tumi, kɛ Mawu he wami nɛ ngɛ ní tsue ngɛ wa mi ɔ tsɔɔ kaa Mawu tsɔli ji wɔ. Wa peeɔ nɔ́ nɛ da, nɛ lɔ ɔ ji wa ta hwumi ní nɛ waa hɛɛ hiɔ kɛ muɔ nɛ wa kɛ faa wa he.

Galatabi 3:14

Kristo pee enɛ ɔ, bɔ nɛ pee nɛ gbaami nɛ Mawu wo Abraham si ngɛ he ɔ, kɛ gu Kristo nɔ ɔ, ma je li ɔmɛ a nine nɛ su nɔ. Kɛkɛ ɔ, kɛ gu hemi kɛ yemi nɔ ɔ, Mumi ɔ nɛ Mawu wo he si ɔ, wa nine maa su nɔ.

Efesobi 4:21

Niinɛ, nyɛ nu Kristo he, nɛ nyɛ ba pee e se nyɛɛli; nɛ anɔkuale ɔ nɛ kɔɔ e he ɔ, a tsɔɔ nyɛ.

Efesobi 4:30

Nyɛ ko wo Mawu Mumi Klɔuklɔu ɔ mi mi la. Ejakaa mumi ɔ ngɛ kaa so ko nɛ Mawu ngɔ kɛ kadi nyɛ kɛ tsɔɔ kaa be ma nɛ Mawu ma ha nɛ nyɛ maa ye nyɛ he.

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.

2 Timoteo 2:15

Bɔɔ mɔde wawɛɛ kaa ní tsulɔ kpakpa, konɛ Mawu nɛ ná o he bua jɔmi. E ko pee mo zo kulaa kaa o maa tsɔɔ anɔkuale munyu ɔ saminya.

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

2 Timoteo 3:15

O kai kaa kɛ je o jokuɛ mi tɔɔ o le ngmami klɔuklɔu ɔ. Ngmami klɔuklɔu ɔ ma ha nɛ o maa le ní, nɛ Kristo Yesu nɛ o heɔ yeɔ ɔ ma he o yi wami.

Tito 2:11

Ejakaa Mawu je e dloomi ɔ nɛ e kɛ ma he adesahi tsuo a yi wami ɔ kpo ngɔ tsɔɔ.

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.

Yakobo 1:21

Lɔ ɔ he ɔ, je mi bami yaya nɛ woɔ nɔ he mu ɔ, nyɛ kpa lɛ tsuo, nɛ nyɛ ko pee nyɛ sibi yi wu tso nihi hu. Nyɛɛ kɛ he si bami nɛ he munyu ɔ nɛ a du kɛ wo nyɛ mi ɔ, ejakaa lɔ ɔ nɛ ma he nyɛ klaa yi wami.

1 Petro 2:10

Sa a, pi Mawu e ma ji nyɛ; se amlɔ nɛ ɔ, e ma ji nyɛ. Sa a, Mawu nɛ́ nyɛ mɔbɔ; se amlɔ nɛ ɔ, e na nyɛ mɔbɔ.

Kpojemi 7:2

I na bɔfo kpa ko hu nɛ ngɛ kuɔe kɛ je pu site he kɛ ma, nɛ e hɛɛ Mawu hɛ kalɔ ɔ nɔ́ nya sɔumi nɔ́. E kpa ngmlaa wawɛɛ, nɛ e de bɔfo eywiɛ ɔmɛ nɛ Mawu ha mɛ he wami ke a kpata zugba a, kɛ wo ɔ a hɛ mi ɔ ke,