Fiɛlɔ 9:9 - BAIBLO ALOO NGMAMI KLƆUKLƆU Ɔ

⁹ Be bɔɔ nɛ Mawu ha mo ngɛ zugba nɛ ɔ nɔ ɔ, o kɛ o yo nɛ o suɔ lɛ saminya a, nyɛɛ ye e mi ngɔɔmi. Daa ligbi nɛ nɔ́ ko be mi ɔ, nyɛɛ ye mle. Ejakaa dengme tsuo nɛ o ngɛ gboe ɔ, nɔ́ nɛ o ma na kɛ je mi ji lɔ ɔ nɛ.

Fiɛlɔ 9:9 ပူးပေါင်းရင်းမြစ်များ

Mose I, 26:8

Benɛ Isak hi lejɛ ɔ be saii ɔ, ligbi ko ɔ, Filisti matsɛ, Abimelek ya buu si ngɛ saflɛ tue ngɛ nɔ́ hyɛe. Kɛkɛ nɛ e na Isak nɛ e ngɛ e yo Rebeka he fiɛe.

La 144:4

Nɔmlɔ adesa ngɛ kaa mumu nɛ a woɔ ɔ; e ligbi ɔmɛ ngɛ kaa hɔ̃ nɛ bee kɛ yaa.

La 39:5

Hyɛ kaa o pee ye wami be ɔ kpiti! Ye wami be ɔ tsuo pi nɔ́ ko kulaa ngɛ o hɛ mi. Niinɛ, adesa tsuo ngɛ kaa kɔɔhiɔ!

Abɛ Womi 18:22

Ke o ngɔ yo kɛkɛ o ná nɔ́ kpakpa, nɛ Yawɛ maa gbaa mo.

Abɛ Womi 19:14

We kɛ sika a, tsɛmɛ a dɛ mi nɛ a naa kɛ jeɔ kaa gbosi ní, se yo nɛ le ní ɔ, Yawɛ lɛ haa nɔ.

Fiɛlɔ 2:10

Nɔ́ tsuaa nɔ́ nɛ i ngɛ hlae ɔ, i naa. Nɔ́ tsuaa nɔ́ nɛ i suɔ kaa ma pee ɔ, i peeɔ; i tsi we ye nya kɛ ji bua jɔmi ko he. Ní tsumi nɛ he wa po, i naa he bua jɔmi. Niinɛ, kikɛmɛ a bua jɔmi nɛ ɔ pɛ ji ye se nami ngɛ dengme tsuo nɛ i gbo ɔ he.

Fiɛlɔ 2:24

Lɛɛ nɔ́ nɛ sa adesa peemi ji kaa e ye ní, nɛ e nu ní, nɛ e na bua jɔmi kɛ je e dengme gbomi ɔ mi. Se kɛ̃ ɔ, i na kaa enɛ ɔ hu je Mawu ngɔ.

Fiɛlɔ 3:13

E sa kaa nɔ tsuaa nɔ nɛ ye ní, nɛ e nu ní; nɛ e na bua jɔmi kɛ je níhi nɛ e gbo a he dengme ɔ mi. Mawu nike ní ji lɔ ɔ nɛ.

Fiɛlɔ 3:22

Lɔ ɔ he ɔ, i na kaa nɔ́ pɛ nɛ sa nɔmlɔ peemi ji kaa níhi nɛ e gbo a he dengme ɔ, e na a he bua jɔmi; e blɔ fa mi níhi ji lɔ ɔmɛ. Nɔ́ nɛ maa ba ngɛ nɔ ko gbenɔ se ɔ, blɔ ko be nɛ e kɛ maa le.

Fiɛlɔ 5:18

Hyɛ, nɔ́ nɛ i na kaa e hi, nɛ e sa kɛkɛ ji kaa nɔmlɔ nɛ ye ní, nɛ e nu ní, nɛ e na bua jɔmi. Wami be bɔɔ nɛ Mawu ha nɔmlɔ ngɛ je nɛ ɔ mi ɔ, dengme tsuo nɛ e gbo ɔ, e ye e mi ngɔɔmi; e blɔ fa mi nɔ́ ji lɔ ɔ nɛ.

Fiɛlɔ 6:12

Mɛnɔ lɛ le nɔ́ nɛ hi ha nɔmlɔ ngɛ e wami be bɔɔ nɛ ɔ mi? Nɔmlɔ wami pi nɔ́ ko kulaa; e ngɛ kaa nini nɛ bee kɛ yaa. Mɛnɔ ma nyɛ ma de nɔ ko nɔ́ nɛ maa ba ngɛ je ɔ mi ngɛ e gbenɔ se?

Fiɛlɔ 7:15

Ye wami be ɔ he be se nami ko lɛɛ, se níhi tsuo nɛ ngɛ mi ɔ, i le. E pɔɔ mi bami kaa dalɔ hɛ mi kpataa, be mi nɛ yayami peelɔ mohu wami se kɛɔ.

Malaki 2:15

O kɛ o yo ɔ, anɛ Mawu pee we nyɛ ni enyɔ ɔmɛ kake lo? Mɛni he je lɛ Mawu pee ja a? Mawu pee nɔ́ nɛ ɔ, bɔ nɛ pee nɛ nyɛ fɔ bimɛ nɛ ma ba pee lɛ nitsɛ e ma. Lɔ ɔ he ɔ, si nɛ nyɛ wo nyɛ nihe mi yi kpeekpee ɔmɛ ɔ, nyɛɛ hyɛ saminya nɛ nyɛ ti nɔ ko kó je se kɛ ya pee nɔ́ kpa.