Fiɛlɔ 9:7 - BAIBLO ALOO NGMAMI KLƆUKLƆU Ɔ

⁷ Yaa nɛ o ya ye ní, nɛ o na bua jɔmi. Yaa nu wai, nɛ o tsui nɛ nɔ o mi; o ní tsumi ɔ sa Mawu hɛ mi momo.

Fiɛlɔ 9:7 ပူးပေါင်းရင်းမြစ်များ

Mose I, 12:19

Mɛni he je o de mi ke o nyɛmiyo ji lɛ, nɛ i ngɔ lɛ ngɔ pee ye yo ɔ? Hyɛ, o yo ɔ ji nɛ ɔ nɛ; ngɔɔ lɛ, nɛ o kɛ lɛ nɛ je hiɛ ɔ!”

Matsɛmɛ I, 8:66

Ligbi nɛ ji kpaanyɔ ɔ, Salomo ha ma a nane. Mɛ tsuo a je e yi saminya, nɛ a ho a wehi a mi ya kɛ bua jɔmi ngɛ ní kpakpahi tsuo nɛ Yawɛ pee ha e tsɔlɔ, David, kɛ e ma, Israel ɔ he.

Fiɛlɔ 10:19

A tsɛɔ ní yemi konɛ a fiɛ nɛ a muɔ; dã haa nɔ bua jɔmi, se sika lɛ peeɔ nɔ́ tsuaa nɔ́.

Fiɛlɔ 11:8

Ke nɔ ko ye jeha babauu ngɛ je mi ɔ, e ná bua jɔmi daa ligbi. Se mohu, e kai kaa ke e gbo ɔ, be nɛ e maa ye ngɛ lejɛ ɔ hiɛ kulaa pe be nɛ e maa ye ngɛ je nɛ ɔ mi. Níhi nɛ maa ba a tsuo ji yaka níhi.

Fiɛlɔ 5:18

Hyɛ, nɔ́ nɛ i na kaa e hi, nɛ e sa kɛkɛ ji kaa nɔmlɔ nɛ ye ní, nɛ e nu ní, nɛ e na bua jɔmi. Wami be bɔɔ nɛ Mawu ha nɔmlɔ ngɛ je nɛ ɔ mi ɔ, dengme tsuo nɛ e gbo ɔ, e ye e mi ngɔɔmi; e blɔ fa mi nɔ́ ji lɔ ɔ nɛ.

Fiɛlɔ 7:14

Ke níhi a mi hi ha mo ɔ, nya. Ke haomi ba hu, kai kaa Mawu lɛ pee bua jɔmi ɔ kɛ haomi ɔ tsuo, bɔ nɛ pee nɛ nɔmlɔ adesa nɛ ko le nɔ́ nɛ maa ba hwɔɔ se.

Fiɛlɔ 8:15

Lɔ ɔ he ɔ, i na kaa e sa kaa nɔmlɔ adesa nɛ na bua jɔmi; ejakaa nɔ́ ko pa be je nɛ ɔ mi ha lɛ, pe kaa e ye ní, nɛ e nu ní, nɛ e na bua jɔmi. Ke nɔmlɔ ngɛ dengme gboe ngɛ je nɛ ɔ mi, ngɛ wami bɔɔ nɛ Mawu ha lɛ ɔ mi ɔ, nɔ́ nɛ e ma nyɛ maa pee ji nɛ ɔ nɛ.

Mose IV, 6:20

Nyagbe ɔ, osɔfo ɔ nɛ fɔ ní ɔmɛ kɛ ya kɛ ba ngɛ Yawɛ hɛ mi kaa bɔ nɛ a fɔɔ kɛ yaa kɛ baa. Mlaa nya a, ní nɛ ɔmɛ, kɛ agbosu ɔ gugue, kɛ fiɔ ɔ peeɔ osɔfo ɔ nike ní klɔuklɔu. Enɛ ɔ se ɔ, Nazir no ɔ ngɛ he blɔ nɛ e nuɔ dã faa.

Marko 7:29

Yesu de lɛ ke, “Nɔ́ nɛ o de nɛ ɔ he ɔ, yaa! Mumi yayami ɔ je o biyo ɔ mi.”

Luka 11:41

Mohu ɔ, nyɛɛ ngɔ níhi nɛ ngɛ nyɛ kplu ɔmɛ, kɛ nyɛ kã amɛ a mi ngɔ ha ohiatsɛmɛ, nɛ nɔ́ tsuaa nɔ́ nɛ nyɛ ngɛ ɔ he ma tsɔ ha nyɛ.

Yohane 4:50

Yesu de lɛ ke, “Yaa, o bi ɔ yi na wami.” Munyu ɔ nɛ Yesu tu nyumu ɔ, e he ye, nɛ e pue nɔ kɛ ho.

Ni Tsumi 10:35

Se mohu ma tsuaa ma mi ɔ, nɔ nɛ yee Mawu gbeye, nɛ e peeɔ nɔ́ nɛ da a, lɛ ji nɔ nɛ saa e hɛ mi.

Mose V, 12:12

Nyɛɛ kɛ nyɛ bimɛ ɔmɛ, nyɛ tsɔli nyumu ɔmɛ, nyɛ mawayi ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ tsuo nyɛ nya ngɛ Yawɛ, nyɛ Mawu ɔ hɛ mi; nyɛ kai kaa Levi bi ɔmɛ lɛɛ a be zugba ko nae kaa mɛ nitsɛmɛ a nɔ́.

Mose V, 12:7

Nyɛɛ kɛ nyɛ we ɔmɛ tsuo maa ye ní ngɛ lejɛ ɔ, nɛ nyɛ bua maa jɔ niba ní kpakpahi nɛ Yawɛ, nyɛ Mawu ɔ kɛ gbaa nyɛ dengme gbomi nɔ ha nyɛ ɔ a he.

Rut Womi 3:7

Benɛ Boaz ye ní nɛ e nu nɔ́ ko, nɛ e bua jɔ e he ɔ, e ho nɛ e ya hwɔ si ngɛ ngma nɛ a bua nya a kasa nya. Rut pee blɛuu nɛ e ya kpa bo ngɛ e nane he, nɛ e hwɔ lejɛ ɔ.