Fiɛlɔ 9:3 - BAIBLO ALOO NGMAMI KLƆUKLƆU Ɔ

³ Níhi nɛ dɛ ngɛ je nɛ ɔ mi ɔ, a kpɛti kake ji kaa haomi baa nihi tsuo a nɔ fiee nɛ slɔɔto be mi; dali jio, yayami peeli jio. Daa nɛ ɔ, yayami kɛ godo hyi nimli adesahi a tsui mi ngɛ je ɔ mi. Kɛkɛ a gbo tlukaa.

Fiɛlɔ 9:3 ပူးပေါင်းရင်းမြစ်များ

Mose I, 6:5

Benɛ Yawɛ na kaa nimlihi a yi mi wa, nɛ nɔ́ yaya pɛ a susuɔ daa nɛ ɔ,

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Hiob 15:16

Nɛ mo, nɔmlɔ adesa nɛ o sa, nɛ se nami be o he ɔ! Mo nɛ o peeɔ yayami kaa bɔ nɛ a nuu nyu kumakuma a, kɛ maa pee kɛɛ nɛ moo o he ma tsɔ ngɛ Mawu hɛ mi?

Hiob 21:26

Nimli nɛ ɔmɛ tsuo gboɔ, nɛ a puɔ mɛ ngɛ zu mi, nɛ gɔgɔ ba haa mɛ tsuo a nɔ.

Hiob 9:22

O yeɔ fɔ jio, o yeɔ nguɔ jio, lɛ tsuo nɔ́ kake too. Mawu ma kpata wɔ tsuo wa hɛ mi.

La 51:5

Kɛ je be nɛ a fɔ mi ɔ, yayami peelɔ ji mi. Loko ye nyɛ ngɔ mi hɔ po, yayami ngɛ ye he.

La 64:7

Se Mawu ma tsɛ̃ mɛ e kɛ̃ɛ̃ ɔmɛ, nɛ e maa plaa mɛ tlukaa.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

Fiɛlɔ 1:17

I bɔ mɔde kaa ma hla slɔɔto nɛ ngɛ nile kɛ godo, aloo nile kɛ kuasia jemi a kpɛti. Se i na kaa nɔ́ nɛ ɔ hu ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 12:7

Wa nɔmlɔ tso ɔ maa kpale kɛ ya tabo zu mi he nɛ e je ɔ, nɛ mumi ɔ maa ya Mawu ngɔ. Mawu lɛ ha mumi ɔ nɛ.

Fiɛlɔ 2:14

Ní lelɔ le he nɛ e yaa; kuasia lɛɛ e li. Se kɛ̃ ɔ, amanehlu kake ɔ nɔuu lɛ baa mɛ ni enyɔ ɔmɛ tsuo a nɔ.

Fiɛlɔ 7:2

E hi kaa o maa ya we mi he nɛ a ngɛ kɔmɔ yee ngɛ, pe kaa o maa ya he nɛ a tsɛ ní yemi ngɛ. Ejakaa e hia kaa nihi nɛ ngɛ wami mi kɛ mwɔɔ ɔ, a kai be tsuaa be kaa gbenɔ ji wɔ tsuo wa nyagbe.

Fiɛlɔ 7:25

Jehanɛ, i ba bɔni ní kasemi, kɛ níhi a si kpami. I pee ye yi mi kaa ma na nile, nɛ ma na ye ní bimi ɔmɛ a heto. Nɔ́ nɛ i na ji kaa yi mi wami ɔ, e ji kuasia jemi, nɛ biɛmi hu godo.

Fiɛlɔ 8:11

Mɛni he je lɛ nihi a he sɔɔ kɛ peeɔ yayami ɔ? Ejakaa a gbla we a tue ngɛ be nɛ sa mi.

Fiɛlɔ 9:11

Nɔ́ kake hu nɛ i na ngɛ je nɛ ɔ mi ji: tsa pi nihi nɛ le fo tumi wawɛɛ ji nihi nɛ yeɔ kekleekle blɔ he be tsuaa be; pi katsɛmɛ ji ni nɛmɛ nɛ yeɔ kunimi ngɛ ta mi daa. Pi ní leli tsuo a dɛ nɛ niye ní ngɛ; pi juɛmitsɛmɛ tsuo ji matsɛmɛ, nɛ gali hu, pi mɛ tsuo nɛ a hɛ mi baa nyami. Haomi baa mɛ tsuo a nɔ fiee.

Fiɛlɔ 9:2

Sane nɛ maa ba nɔ kake nɔ ɔ, lɔ ɔ kɛ̃ lɛ maa ba nɔ kpa hu nɔ; dalɔ jio, yayami peelɔ jio; nɔmlɔ kpakpa jio, nɔmlɔ yayami jio; nɔ nɛ he tsɔ jio, nɔ nɛ he tsɔ we jio; nɔ nɛ sãã bɔ jio, nɔ nɛ sɛ̃ bɔ jio; nɔ́ nɛ maa ba nɔ kake nɔ ɔ, lɔ ɔ kɛ̃ lɛ maa ba nɔ kpa hu nɔ. Nɔmlɔ kpakpa kɛ yayami peelɔ ɔ, slɔɔto be a kpɛti; kita kalɔ kɛ nɔ nɛ sume kaa e ma ka kita hu, jã nɔuu.

Fiɛlɔ 9:4

Se nɔ nɛ piɛɔ hɛ kali a he ngɛ je ɔ mi ɔ, hɛ nɔ kami ngɛ ha lɛ. Ejakaa gbe hɛ ngmengmle hi pe jata gbogboe.

Yeremia 16:12

Se nyɛɛ lɛɛ nyɛ nɔ́ pa pe nyɛ nɛmɛ ɔmɛ a nɔ́ ɔ po. Nyɛ tsuo pɛpɛɛpɛ nyɛ tue wa; nyɛ peeɔ yayami bɔ nɛ nyɛ suɔ, nɛ nyɛ bui mi fɛɛ.

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

Yeremia 17:9

“Mɛnɔ maa le nɔmlɔ adesa tsui mi? E nɔ nɔ sisilɔ ko be ɔ, e hiɔ ɔ hu be tsa ba.

Luka 15:17

Benɛ e hɛ mi ba tsɔ lɛ ɔ, e de e he ke, ‘Tsaatsɛ we apaatsɛmɛ ɔmɛ tsuo ngɛ niye ní babauu nɛ a pee we he nɔ́ ko, nɛ imi lɛɛ i ngɛ hiɛ ɔ, nɛ hwɔ miɔ nɛ e maa gbe mi!

Luka 6:11

Se ni ɔmɛ lɛɛ a mi mi wo la wawɛɛ, nɛ a bɔni Yesu yi nɔ somi ngɛ a ní sɛɛmi mi ke, “Kɛ wa maa pee Yesu nɛ ɔ kɛɛ?”

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.

Ni Tsumi 26:11

I ha nɛ a wa mɛ yi mi si abɔ ngɛ kpe he ɔmɛ tsuo; nɛ i bɔ mɔde kaa a ngmɛɛ a hemi kɛ yemi ɔ he. Ye hɛ dɔ wo mɛ, nɛ i tiu mɛ kɛ ya ma se zugbahi a nɔ tɔɔ ya wa mɛ yi mi.

Ni Tsumi 26:24

Benɛ Paulo je e nya kikɛ nɛ ɔ, Festo de kɛ ngmlaa kɛ wo lɛ ke, “Paulo, o yi mi ngɛ puɛe pɛ! Womi kasemi sɔuu lɛ wo mo godo nɛ ɔ nɛ!”

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

2 Petro 2:16

se a ka e hɛ mi ngɛ yayami nɛ e pee ɔ he. Gbalɔ ɔ teji ɔ pã e nya mi, nɛ e tu munyu kaa nɔmlɔ, nɛ e tsi godo ní tsumi nɛ gbalɔ ɔ miɔ nɛ e ma tsu ɔ nya.