Fiɛlɔ 9:15 - BAIBLO ALOO NGMAMI KLƆUKLƆU Ɔ

¹⁵ Nyumu ko ngɛ ma a mi. Nɔ́ ko be e dɛ lɛɛ, se e le ní bɔ nɛ e kɛ e nile ɔ he ma a yi wami. Se nɔ ko nɔ ko susuu we e he.

Fiɛlɔ 9:15 ပူးပေါင်းရင်းမြစ်များ

Fiɛlɔ 4:13

Niheyo ohiatsɛ nɛ le ní ɔ, e hi hluu pe nɔkɔtɔma kuasia nɛ ngɛ tsɛ yee, nɛ́ jehanɛ hu e bui ga womi tue.

Mose I, 40:23

Se dã nɔ hyɛlɔ nɔkɔtɔma a kai we Yosef hu; e hɛ je e nɔ pɛsɛpɛsɛ.

Samuel II, 20:22

Kɛkɛ nɛ yo ɔ ho nɛ e ya wo ma mi bi ɔmɛ ga; nɛ a po Sheba yi nɛ a fɔ ngɔ mane Yoab. Yoab kpa titimati, nɛ e we bi ɔmɛ gbɛ kɛ je ma a he; nɛ nɔ tsuaa nɔ ho e ma mi ya. Yoab kpale kɛ ba matsɛ ɔ ngɔ ngɛ Yerusalem.

Fiɛlɔ 2:16

Ní lelɔ ɔ, nɔ ko kaii we lɛ daa; kuasia hu, jã kɛ̃. Be bɔɔ kɛkɛ nihi a hɛ je mɛ tsuo a nɔ. Ní lelɔ gboɔ kaa bɔ nɛ kuasia gboɔ; slɔɔto be mi.

Abɛ Womi 21:22

Gbogbo nɛ katsɛmɛ fiaa kɛ bɔleɔ a mɔ, nɛ lɔ ɔ nɔ a ngɔɔ a hɛ ngɔ fɔɔ ɔ, ní lelɔ kuɔɔ nɛ e kpataa ma a hɛ mi.

Fiɛlɔ 8:10

Jehanɛ, i na yayami peeli komɛ nɛ ke pee ɔ, a baa he klɔuklɔu ɔ. Benɛ a gbo nɛ a ya pu mɛ ɔ, a huɛmɛ ɔmɛ a hɛ je a yayami ɔmɛ a nɔ, nɛ a bɔni a yi jemi mohu ngɛ ma mi he nɛ a pee yayami ɔmɛ ngɛ ɔ. Nɔ́ nɛ ɔ hu dɛ.

Fiɛlɔ 7:19

Nile woɔ ní lelɔ he wami kulaa pe ma nɔ yeli nyɔngma nɛ ngɛ ma ko mi.