Fiɛlɔ 8:8 - BAIBLO ALOO NGMAMI KLƆUKLƆU Ɔ

⁸ Nɔmlɔ adesa be he wami ngɛ e mumi nɔ; nɛ e be he wami ngɛ e gbenɔ be nɔ. Gbenɔ ngɛ kaa ta; nɔ ko be nyɛe maa tu nya fo. Yi wu tso ní peemi be nyɛe ma he nɔ ko yi wami.

Fiɛlɔ 8:8 ပူးပေါင်းရင်းမြစ်များ

Samuel II, 14:14

Gbenɔ fɔɔ si kɛ ha wɔ tsuo; wa ngɛ kaa nyu nɛ a kpa pue si nɛ be hie muɔmi hu. Mawu lɛɛ e kpataa we susuma hɛ mi; se mohu e toɔ ga, konɛ nɔ ko nɛ a je lɛ we ɔ, e ko ba pee nɔmlɔ nɛ tlɔ nga pɛsɛpɛsɛ.

Matsɛmɛ II, 7:15

Tsɔli ɔmɛ nyɛɛ Siria bi ɔmɛ a se kɛ ya su Yordan pa a nya tɔɔ. Benɛ a yaa a, a na tadehi, kɛ ní kpa komɛ nɛ Siria bi ɔmɛ sake ngɔ pue blɔ ɔ tue benɛ a ngɛ fo tue esɔesɔ ɔ. Tsɔli ɔmɛ kpale a se kɛ ba nɛ a ba bɔ matsɛ ɔ amaniɛ.

Hiob 14:5

Nɔmlɔ adesa wami se kɛmi, kɛ hlami abɔ nɛ e maa ye ngɛ je mi ɔ, a to ngɔ fɔ si momo. Mo nitsɛ o ma nɔ́ nɛ ɔ nya si momo, nɛ e be hie tsakemi.

Hiob 34:14

Ke Mawu kpɔ mumi nɛ haa nɔ wami ngɛ nɔmlɔ dɛ ɔ,

La 89:48

Te nɔmlɔ nɛ ngɛ je mi, nɛ lɛɛ e be gboe? Mɛnɔ ma nyɛ ma je e he kɛ je gbenɔ dɛ mi?

La 9:17

Nimli yayamihi, kɛ mahi tsuo nɛ a hɛ je Mawu nɔ ɔ, a nyagbe ji gbenɔ.

Abɛ Womi 12:3

Yayami peemi ha we nɛ nɔ yaa nɔ. Nɔ nɛ peeɔ kpakpa lɛɛ e daa si kpɛii.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

Fiɛlɔ 3:21

Mɛnɔ lɛ le kaa nɔmlɔ adesa mumi ɔ yaa hiɔwe, se lohwe lɛɛ e mumi ɔ, zu mi lɛ e yaa?

Fiɛlɔ 8:13

Yayami peeli lɛɛ e be hie ha mɛ gblegbleegble. Mɛɛ lɛɛ a wami ngɛ kaa nini. A se kɛ we ngɛ je mi, ejakaa a yi Mawu gbeye.

Fiɛlɔ 9:12

Nɔmlɔ adesa li e be. Be yayami ba naa nɔ tlukaa kaa bɔ nɛ lo duɔ ya, aloo kaa bɔ nɛ lohwe pɛlitsɛ duɔ klama a.

Yesaya 28:15

Nyɛ ngɛ fĩae ke nyɛɛ kɛ gbenɔ so, nɛ nyɛɛ kɛ gbeje pee kake. Nyɛ hɛ ngɛ nɔ kaa ke haomi ba a, e be nyɛ he sae kulaa; ejakaa nyɛ ngɔ nyɛ hɛ ngɔ fɔ lakpa, kɛ sisimi nɔ kaa nyɛ maa ye nyɛ he.

Yesaya 28:18

Ke e ba mi ja a, somi ɔ nɛ nyɛɛ kɛ gbenɔ so ɔ, a maa po mi; nɛ a maa gbɛ kake peemi nɛ ngɛ nyɛɛ kɛ gbeje nyɛ kpɛti ɔ. Haomi nɛ maa ba a, nyɛ be nya nyɛe maa da.

Yesaya 47:10

“Yayami nɛ o ngɛ pee ɔ peeɔ mo kaa o he mi jɔ mo. O susu kaa nɔ ko nɔ ko be mo nae. O ga, kɛ o nile ɔ ha o laa blɔ, nɛ o de o he ke, ‘Imi ji imi, nɛ ye se ɔ nɔ ko be hu.’

1 Korintobi 15:43

Ke a pu nɔmlɔ tso ɔ, e ngɛ tãi, nɛ e gbɔjɔ; se ke Mawu ma tle lɛ si kɛ ba wami mi ekohu ɔ, e maa hi fɛu, nɛ e he maa wa.

2 Korintobi 13:4

E ngɛ mi kaa benɛ a sɛu Kristo ɔ, e gbɔjɔ lɛɛ, se Mawu he wami ɔ nya a, e ba wami mi ekohu. Wɔ hu akɛnɛ waa kɛ Kristo pee kake ɔ, waa gbɔjɔɔ, se Mawu he wami nya a, wa ma nyɛ ma tsu nɔ́ nɛ sa nɛ waa kɛ nyɛ nɛ tsu ɔ.

Hebribi 9:27

Mawu to kaa adesa nɛ gbo si kake, nɛ lɔ ɔ se ɔ, a kojo lɛ.