Fiɛlɔ 8:17 - BAIBLO ALOO NGMAMI KLƆUKLƆU Ɔ

¹⁷ Se ní tsumi nɛ Mawu ngɛ tsue ngɛ je nɛ ɔ mi ɔ lɛɛ nɔmlɔ be nya nae gblegbleegble. Ke o gbo dengme hluu po, o be nya nae. Ní leli nɛ e peeɔ mɛ kaa mɛɛ a le ɔ, mɛ po a nɛ nya.

Fiɛlɔ 8:17 ပူးပေါင်းရင်းမြစ်များ

Fiɛlɔ 3:11

E peeɔ nɔ́ tsuaa nɔ́ saminyayoo ngɛ e be mi. E ha nɔmlɔ juɛmi nɛ e kɛ leɔ níhi nɛ be momo, kɛ níhi nɛ maa ba hwɔɔ se. Se kɛ̃ ɔ, lɛ Mawu ɔ ní tsumi kɛ je sisije kɛ ya si nyagbe ɔ, lɔ ɔ lɛɛ nɔmlɔ juɛmi sui he.

Romabi 11:33

Niatsɛ mi niatsɛ ji Mawu! Hyɛ bɔ nɛ e nile, kɛ juɛmi hiɛ ha! Mɛnɔ le bɔ nɛ e toɔ e yi mi ha? Blɔ nɔ nɛ e guu kɛ tsuɔ ní ɔ, mɛnɔ le?

La 73:16

I hla bɔ nɛ ma pee nɛ ma kɛ nu nɔ́ nɛ ɔ sisi, se ye juɛmi sui he.

Yesaya 40:28

Anɛ o li lo? Anɛ o nui lolo lo? Yawɛ ji Mawu nɛ ngɛ daa kɛ daa; lɛ ji nɔ nɛ bɔ je ɔ tsuo. Pɔ tɔɛ lɛ, nɛ e gbɔjɔɔ we. Bɔ nɛ e juɛmi mi kuɔ ha a, nɔ ko nɔ ko be nyɛe maa nu sisi.

Hiob 5:9

Lɛ ji nɔ nɛ peeɔ ní nguanguahi nɛ wa juɛmi sui he, kɛ nyakpɛ ní hu babauu.

Fiɛlɔ 11:5

Níhi nɛ Mawu pee ɔ, o juɛmi su a he lo? Ke o juɛmi sui a he ɔ, lɛɛ kɛ o maa pee kɛ le bɔ nɛ wami he jeɔ sisi ngɛ yohɔyo mi mi kɛɛ?

La 40:5

Yawɛ, ye Mawu! O tsu nyakpɛ ní babauu ha wɔ; o to yi mi kpakpa babauu ngɛ wa he; mɛnɔ po kɛ mo sɔ? Ke i ke ma tu ní nɛ ɔmɛ tsuo a he munyu ɔ, i be nyɛe; ejakaa a he hiɛ tsɔ.

La 104:24

Yawɛ, hyɛ kaa o pee níhi babauu! Nile o kɛ pee lɛ tsuo pɛpɛɛpɛ. O nibɔ níhi hyi je ɔ mi tɔ.

Fiɛlɔ 1:13

I bɔ mɔde kaa níhi tsuo nɛ a peeɔ ngɛ je nɛ ɔ mi ɔ, ma ngɔ ye nile ɔ kɛ hla mi fitsofitso. Ní tsumi nɛ Mawu ngɔ ha nɔmlɔ adesa ke e tsu ngɛ je nɛ ɔ mi ɔ, haomi sɔuu; pi ní tsumi nɛ ngɔɔ.

Fiɛlɔ 7:13

Hyɛ Mawu nine nya ní tsumi! Nɔ́ nɛ Mawu ha nɛ e kpɛ̃ ɔ, mɛnɔ ma nyɛ maa pee lɛ nɛ e da?