Fiɛlɔ 8:16 - BAIBLO ALOO NGMAMI KLƆUKLƆU Ɔ

¹⁶ Be tsuaa be nɛ i hla kaa ma le ní, nɛ ma na níhi nɛ yaa nɔ ngɛ je nɛ ɔ mi ɔ, i naa kaa o ma nyɛ maa hi si nyɔ kɛ pia nɛ mahe hwɔmi be mi.

Fiɛlɔ 8:16 ပူးပေါင်းရင်းမြစ်များ

Mose I, 31:40

Latsa tsaa mi piani, nɛ fĩɛ yee mi nyɔ mi; nɛ be komɛ ɔ, mahe jee ye hɛ mi.

La 127:2

Yaka gu nyɛ teɔ si makɛ mla, nɛ gbɔkuɛ hu nyɛ ya hwɔ we si mla. Nyɛ gboɔ dengme loko nyɛ naa nɔ́ ko bɔɔ pɛ nyɛ yeɔ, se nɔ nɛ Mawu suɔ e sane ɔ, e haa e hwɔɔ mahe bɔ nɛ sa.

Fiɛlɔ 1:13

I bɔ mɔde kaa níhi tsuo nɛ a peeɔ ngɛ je nɛ ɔ mi ɔ, ma ngɔ ye nile ɔ kɛ hla mi fitsofitso. Ní tsumi nɛ Mawu ngɔ ha nɔmlɔ adesa ke e tsu ngɛ je nɛ ɔ mi ɔ, haomi sɔuu; pi ní tsumi nɛ ngɔɔ.

Fiɛlɔ 1:14

Níhi tsuo nɛ a peeɔ ngɛ je nɛ ɔ mi ɔ, i na; nɛ i ngɛ dee ke lɛ tsuo yaka. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 1:17

I bɔ mɔde kaa ma hla slɔɔto nɛ ngɛ nile kɛ godo, aloo nile kɛ kuasia jemi a kpɛti. Se i na kaa nɔ́ nɛ ɔ hu ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 2:23

Níhi nɛ nɔmlɔ adesa tsuɔ e wami be ɔ tsuo peeɔ haomi kɛ kɔmɔ yemi sɔuu. Nyɔ mi po e juɛmi ha we lɛ he jɔmi. Enɛ ɔ hu ji yaka nɔ́ ko.

Fiɛlɔ 4:8

Hyɛ kaa nɔ ko lɛ ngɛ. E be bi; e be nyɛmi ko; lɛ nɔ kake ngmelu pɛ lɛ ngɛ. Se daa nɛ ɔ, dengme nɔ kɛkɛ lɛ e ngɛ; e ní nɛ e na a pi ha lɛ. E bi we e he hyɛ ke dengme babauu nɛ e ngɛ gboe nɛ e yi e mi ngɔɔmi ko ɔ, mɛnɔ kulaa lɛ e ngɛ jamɛ a dengme ɔ gboe ha. Enɛ ɔ hu ji yaka nɔ ko; dengme gbomi gu nɛ bua jɔmi be mi.

Fiɛlɔ 5:12

Apaatsɛ ɔ, e ye ní bɔɔ jio, e ye fuu jio, e hwɔɔ mahe bɔ nɛ sa. Se niatsɛ lɛɛ e ní babauu ɔ ha we nɛ e hwɔɔ mahe.

Fiɛlɔ 7:25

Jehanɛ, i ba bɔni ní kasemi, kɛ níhi a si kpami. I pee ye yi mi kaa ma na nile, nɛ ma na ye ní bimi ɔmɛ a heto. Nɔ́ nɛ i na ji kaa yi mi wami ɔ, e ji kuasia jemi, nɛ biɛmi hu godo.

Fiɛlɔ 8:7

Wa ti nɔ ko nɔ ko li nɔ́ nɛ maa ba hwɔɔ se. Mɛnɔ lɛ ma nyɛ maa tsɔɔ be mi nɛ nɔ́ ko maa ba?

Fiɛlɔ 8:9

I na ní nɛ ɔmɛ tsuo, be mi nɛ i ngɛ níhi nɛ nimli adesahi peeɔ ngɛ je nɛ ɔ mi ɔ a he susue. Ni komɛ ngɔɔ blɔ nya nɛ a na a kɛ yeɔ a nyɛmimɛ awi.