Fiɛlɔ 8:14 - BAIBLO ALOO NGMAMI KLƆUKLƆU Ɔ

¹⁴ Nɔ́ yayami ko nɛ yaa nɔ ngɛ je ɔ mi ji nɛ ɔ nɛ. Be komɛ ɔ, a ngɔɔ yayami peeli a tue gblami kɛ haa dali, nɛ a kɛ dali a ní kpakpahi a he hiɔwo mohu haa yayami peeli. I ngɛ dee ke nɔ́ nɛ ɔ hu dɛ blɔ.

Fiɛlɔ 8:14 ပူးပေါင်းရင်းမြစ်များ

Hiob 1:22

Enɛ ɔ tsuo mi ɔ, Hiob pee we yayami ko; e pia we Mawu.

Hiob 21:7

Mɛni he je yayami peeli a se kɛɔ ngɛ je mi? Mɛni he je a peeɔ nimli nguahi, nɛ a bwɔɔ kotokoto loko a gboɔ ɔ?

Hiob 27:12

Se tse nyɛ nitsɛmɛ nyɛ na ní nɛ ɔmɛ momo kɛ nyɛ hɛngmɛ. Lɛɛ mɛni he je lɛ nyɛ tsuo nyɛ ngɛ munyuhi nɛ a he be se nami tue kikɛ nɛ ɔ mɔ?

La 73:3

Ejakaa ye hɛ kɔ he nɔ woli, kɛ yayami peeli a nɔ benɛ i na kaa a ngɛ nɔ yae ngɛ je mi ɔ.

Fiɛlɔ 10:5

Nɔ́ ko nɛ i na ngɛ je nɛ ɔ mi nɛ dɛ, nɛ matsɛmɛ kɛ nɔ yeli pɔɔ peemi ji kaa

Fiɛlɔ 2:14

Ní lelɔ le he nɛ e yaa; kuasia lɛɛ e li. Se kɛ̃ ɔ, amanehlu kake ɔ nɔuu lɛ baa mɛ ni enyɔ ɔmɛ tsuo a nɔ.

Fiɛlɔ 4:4

Jehanɛ, i na kaa nɔ́ nɛ he je nɛ nihi gboɔ dengme wawɛɛ konɛ a ya nɔ ɔ ji kaa a hɛ kɔɔ a nyɛmimɛ a nɔ. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 4:8

Hyɛ kaa nɔ ko lɛ ngɛ. E be bi; e be nyɛmi ko; lɛ nɔ kake ngmelu pɛ lɛ ngɛ. Se daa nɛ ɔ, dengme nɔ kɛkɛ lɛ e ngɛ; e ní nɛ e na a pi ha lɛ. E bi we e he hyɛ ke dengme babauu nɛ e ngɛ gboe nɛ e yi e mi ngɔɔmi ko ɔ, mɛnɔ kulaa lɛ e ngɛ jamɛ a dengme ɔ gboe ha. Enɛ ɔ hu ji yaka nɔ ko; dengme gbomi gu nɛ bua jɔmi be mi.

Fiɛlɔ 7:15

Ye wami be ɔ he be se nami ko lɛɛ, se níhi tsuo nɛ ngɛ mi ɔ, i le. E pɔɔ mi bami kaa dalɔ hɛ mi kpataa, be mi nɛ yayami peelɔ mohu wami se kɛɔ.

Yeremia 12:1

Yawɛ, ke i ke i kɛ mo ma hla níhi a nya a, mo lɛ o nɔ́ da. Se kɛ̃ ɔ, i kɛ sane nɛ ɔ maa fɔ o hɛ mi. Mɛni he je lɛ nimli yayamihi yaa nɔ ɔ? Mɛni he je lɛ yiwutsotsɛmɛ a he mi jɔɔ mɛ ɔ?

Malaki 3:15

Amlɔ nɛ ɔ, wa naa paa kaa he woli ji nihi nɛ a gbaa mɛ saminya; yayami peeli ji ni nɛmɛ nɛ ngɛ plɔkee ngɛ je mi; a kaa Mawu, se nɔ́ ko pee we mɛ.’ ”