Fiɛlɔ 8:13 - BAIBLO ALOO NGMAMI KLƆUKLƆU Ɔ

¹³ Yayami peeli lɛɛ e be hie ha mɛ gblegbleegble. Mɛɛ lɛɛ a wami ngɛ kaa nini. A se kɛ we ngɛ je mi, ejakaa a yi Mawu gbeye.

Fiɛlɔ 8:13 ပူးပေါင်းရင်းမြစ်များ

Hiob 14:2

Nɔmlɔ waa esɔesɔ, nɛ e gboɔ tlukaa kaa bɔ nɛ mɔmɔ hu puɛɔ nɛ e nglaa a. E ngɛ kaa nini; bɔɔ kɛkɛ e laa nɛ a nɛ lɛ hu.

Hiob 18:5

Ee, yayami peelɔ kane ɔ ma gbo, nɛ e la a be kpɛe hu gblegbleegble.

Hiob 20:5

yiwutsotsɛ hɛ mi nyami ɔ, e se kɛ we; nɛ nɔmlɔ nɛ li Mawu ɔ, e bua jɔmi peeɔ kuku kɛkɛ.

Hiob 21:30

Anɛ nyɛ li kaa ke amanehlu ba a, yiwutsotsɛmɛ lɛɛ a jeɔ mɛ kɛ jeɔ mi, nɛ a yeɔ a he lo?

La 11:5

Yawɛ kaa dali. Se yayami peeli, kɛ yiwutsotsɛmɛ lɛɛ e sume mɛ kulaa.

La 144:4

Nɔmlɔ adesa ngɛ kaa mumu nɛ a woɔ ɔ; e ligbi ɔmɛ ngɛ kaa hɔ̃ nɛ bee kɛ yaa.

La 37:1

Koo ye o tsui ngɛ yayami peeli a he; o hɛ ko kɔ nihi nɛ peeɔ yayami a nɔ.

La 39:5

Hyɛ kaa o pee ye wami be ɔ kpiti! Ye wami be ɔ tsuo pi nɔ́ ko kulaa ngɛ o hɛ mi. Niinɛ, adesa tsuo ngɛ kaa kɔɔhiɔ!

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

Fiɛlɔ 3:14

I le kaa nɔ́ tsuaa nɔ́ nɛ Mawu pee ɔ maa hi si kɛ ya neneene; a be nyɛe nɛ a ngɔ nɔ́ ko kɛ piɛ he, loo a je nɔ́ ko ngɛ mi. Mawu lɛ pee jã, konɛ a ye lɛ gbeye.

Fiɛlɔ 5:7

Nlami babauu kɛ munyu fuu ɔ, nɔ́ ko nɔ́ ko be mi; lɛ tsuo peeɔ yaka. Moo lɛɛ ye Mawu gbeye.

Fiɛlɔ 6:12

Mɛnɔ lɛ le nɔ́ nɛ hi ha nɔmlɔ ngɛ e wami be bɔɔ nɛ ɔ mi? Nɔmlɔ wami pi nɔ́ ko kulaa; e ngɛ kaa nini nɛ bee kɛ yaa. Mɛnɔ ma nyɛ ma de nɔ ko nɔ́ nɛ maa ba ngɛ je ɔ mi ngɛ e gbenɔ se?

Fiɛlɔ 7:15

Ye wami be ɔ he be se nami ko lɛɛ, se níhi tsuo nɛ ngɛ mi ɔ, i le. E pɔɔ mi bami kaa dalɔ hɛ mi kpataa, be mi nɛ yayami peelɔ mohu wami se kɛɔ.

Fiɛlɔ 7:18

E hi kaa o maa pɛtɛ ga womi nɛ ɔ he nɛ o be he ngmɛɛe. Nɔ nɛ yee Mawu gbeye ɔ, e maa ye manye kɛ̃.

Fiɛlɔ 8:8

Nɔmlɔ adesa be he wami ngɛ e mumi nɔ; nɛ e be he wami ngɛ e gbenɔ be nɔ. Gbenɔ ngɛ kaa ta; nɔ ko be nyɛe maa tu nya fo. Yi wu tso ní peemi be nyɛe ma he nɔ ko yi wami.

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Yesaya 30:13

Lɔ ɔ he ɔ, nyɛ yeɔ fɔ. Nyɛ ngɛ kaa gbogbo gojoo ko nɛ e mi gba kɛ je e yi mi kɛ ba ma si, nɛ kpa kasa, nɛ miɔ nɛ e ku kɛ pue si; tlukaa ngɛ hɛngmɛfia mi ɔ, e maa ku kɛ pue si bum!

Yesaya 57:21

Yiwutsotsɛmɛ be he jɔmi nae gblegbleegble.” Imi, Yawɛ lɛ i de.

Yesaya 65:20

Ma he nɛ ɔ mi ɔ, bimwɔyo be gboe hu; nɔmoyo hu be gboe loko e be maa su. Ke a fɔ nɔ ko ɔ, ja e ye jeha lafa loko e ma gbo. Yayami peelɔ pɛ nɛ lɛɛ e be nae ja.

Yeremia 44:10

Se kɛ ba si mwɔnɛ ligbi nɛ ɔ, nyɛ bɛ nyɛ he si. Nyɛ wui ye hɛ mi nyami, nɛ mlaahi tsuo nɛ i wo nyɛ, kɛ nyɛ nɛmɛ ɔmɛ ɔ, nyɛ yi mlaa amɛ a nɔ.

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Yohane 5:29

nɛ a maa je kpo kɛ je a yɔkɔ ɔmɛ a mi. A ti ni nɛmɛ nɛ pee kpakpa a, a maa te si, nɛ a maa hi si kɛ maa ya neneene; se ni nɛmɛ nɛ pee yayami ɔ lɛɛ a maa te si, konɛ a kojo mɛ.

Yakobo 4:14

Nyɛ ti ni nɛmɛ nɛ deɔ ja a, nyɛɛ bu tue. Anɛ nyɛ le hwɔɔ se je nami mi sane? Nyɛ ngɛ kaa afua nɛ woɔ be kpiti, kɛkɛ a nɛ́ lɛ hu.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.