Fiɛlɔ 7:9 - BAIBLO ALOO NGMAMI KLƆUKLƆU Ɔ

⁹ Hyɛ nɛ o mi mi ko fu mlamlaamla, ejakaa kuasia lɛ ngɔɔ nɔ́ kɛ toɔ e tsui mi.

Fiɛlɔ 7:9 ပူးပေါင်းရင်းမြစ်များ

Mose I, 4:8

Pee se ɔ, Kain de e senɔ Habel ke, “Ha nɛ waa ho nga nɔ ya.” Benɛ a ngɛ nga a nɔ ɔ, Kain nu e senɔ ɔ nɛ e gbe lɛ.

Samuel II, 13:22

Absalom hu na ninyɛ agbo kɛ ha Amnon, nɛ e kɛ lɛ hiɔ nya kaa e nyɛ e nyɛmiyo Tamar nɔ pani nya, nɛ e kɛ lɛ hwɔ.

Samuel II, 13:28

Absalom fa e tsɔli ɔmɛ ke, “Ke Amnon nu wai nɛ e bua jɔ e he ɔ, nyɛɛ hi lɛ huɔe konɛ ke i de ke, ‘Nyɛɛ fia Amnon nɔ́,’ pɛ nɛ nyɛɛ gbe lɛ. Imi nɛ i fa nyɛ ɔ nɛ. Nyɛ ko ye gbeye! Nyɛɛ pee kã; nɛ nyɛ ha nɛ a na kaa nyumuhi ji nyɛ.”

Samuel II, 13:32

Se Yonadab, nɛ ji David nyɛminyumu Shimea bi ɔ de ke, “Ye nyɔmtsɛ nɛ e ko susu kaa a gbe matsɛbinyumu ɔmɛ tsuo; Amnon nɔ kake too pɛ ji nɔ nɛ a gbe ngɛ Absalom fami nya. Kɛ je be nɛ Amnon nu Absalom nyɛmiyo Tamar pani nya nɛ e kɛ lɛ hwɔ ɔ, kɛ je jamɛ a be ɔ tɔɔ Absalom to ga nɛ ɔ ngɛ Amnon he.

Samuel II, 19:43

Israel bi ɔmɛ he nɔ ke, “Wɛtso nyɔngma lɛ ngɛ Israel; nɛ matsɛ blɔ fa mi hu wa blɔ nya hiɛ pe nyɛ. Mɛni he je mɔ nɛ nyɛ nyɛɛ wɔ? Anɛ pi wɔ nɛ wa sɛ hlami kɛ de ke a ya ngɔ matsɛ ɔ kɛ ba lo?” A hɛɛ sane nɛ ɔ mi kɛ ya kɛ ba; se Yuda bi ɔmɛ a nya wa pe Israel bi ɔmɛ.

Abɛ Womi 14:17

Nihi nɛ a mi mi kɛ́ fumi peeɔ a níhi basabasa kaa kuasiahi. Se ní leli lɛɛ a toɔ a tsui si.

Abɛ Womi 14:29

Nɔ nɛ mi mi fu we mla a, ní lelɔ agbo ji lɛ. Nɔ nɛ be tsui ɔ, e jeɔ kuasia.

Abɛ Womi 16:32

Nɔ nɛ mi mi fu we mla a, e hi pe katsɛ; nɔ nɛ yeɔ e he nɔ ɔ, e hi pe tatsɛ nɛ ya ye ma ko nɔ kunimi.

Abɛ Womi 25:8

Nɔ bi nya sɔɛ ngɛ sane yemi he kɛ de nɔ́ nɛ e na. Ke o nya sɔ kɛ tu munyu, nɛ nyagbe ɔ, o nyɛmi ba pue o hɛ mi si ɔ, kɛ o maa pee kɛɛ?

Fiɛlɔ 7:10

Ko bi ke, “Mɛni he je blema ngɔɔ pe mwɔnɛmwɔnɛ ɔ?” Tsa pi nile gbi ji lɔ ɔ.

Yona 4:3

Lɔ ɔ he ɔ, Yawɛ, i kpa mo pɛɛ nɛ o gbe mi; e hi kaa ma gbo mohu pe kaa ma hi je mi.”

Yona 4:8

Benɛ pu te si ɔ, Mawu ha beleku kɔɔhiɔ ko nɛ dɔ la fia, nɛ pu ɔ sãã Yona yi mi, nɛ e miɔ nɛ e maa hɛli. Kɛkɛ nɛ e de ke, “E hi kaa ma gbo mohu pee kaa ma hi je mi.”

Yona 4:9

Se Mawu bi Yona ke, “E da ha mo kaa o mi mi fuɔ tso nɛ ɔ lo?” Yona he nɔ ke, “I ngɛ he blɔ kaa ye mi mi fuɔ kɛ ya siɔ gbenɔ mi po.”

Marko 6:19

Enɛ ɔ he ɔ, Herodia dɔ Yohane ninyɛ, nɛ e hlaa kaa e maa gbe lɛ, se e na we he blɔ, ejakaa Herode kplɛɛ we.

Marko 6:24

Lɔ ɔ he ɔ, jokuɛ yo ɔ je kpo nɛ e ya bi e nyɛ ke, “Mɛni ma bi?” E de lɛ ke, “Yohane nɔ sɔlelɔ ɔ yi!”

Yakobo 1:19

Ye nyɛmimɛ nɛ i suɔ, nyɛ hɛ nɛ hi enɛ ɔ nɔ. Ke nɔ ko ngɛ munyu tue ɔ, nyɛɛ bu tue; nyɛ he ko sɔ kɛ tu munyu, nɛ nyɛ mi mi hu ko fu mla.