Fiɛlɔ 7:5 - BAIBLO ALOO NGMAMI KLƆUKLƆU Ɔ

⁵ E hi kaa ní lelɔ ma ka o hɛ mi, pe kaa kuasia ma je o yi.

Fiɛlɔ 7:5 ပူးပေါင်းရင်းမြစ်များ

La 141:5

Ha nɛ dalɔ nɛ gba mi ma, nɛ e ngɔ e mi mi himi ɔ kɛ ka ye hɛ mi; se ko ha nɛ yayami peeli nɛ a je ye yi; ejakaa be tsuaa be ɔ, i faa kue kɛ siɔ a yayami ɔmɛ.

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.

Abɛ Womi 13:18

Nɔ nɛ sume tsɔsemi ɔ, e yeɔ ohia, nɛ e hɛ mi pueɔ si. Se nɔ nɛ kplɛɛɔ nɛ a kaa e hɛ mi ɔ, a buɔ lɛ.

Abɛ Womi 27:6

Ke o huɛ plaa mo ɔ, nɔ́ kpakpa ko e ngɛ hlae ha mo; se o he nyɛlɔ lɛɛ pe e maa fua mo babauu kɛkɛ.

Abɛ Womi 17:10

Ke a ka nɔ nɛ kɔɔ sane se hɛ mi ɔ, e naa he se babauu pe kuasia nɛ a fia e se mi kpa si lafa sɔuu.

Abɛ Womi 13:13

Nɔ nɛ bui ga womi tue ɔ, lɛ nitsɛ e hɛ mi lɛ ma kpata. Nɔ nɛ yeɔ mlaa gbeye ɔ, e maa ye e he.

Abɛ Womi 9:8

Ko ka he fɛu yelɔ hɛ mi, nɛ e ba nyɛ mo; ka ní lelɔ mohu hɛ mi nɛ e maa suɔ mo.

La 69:12

Nihi nɛ hii si ngɛ agbo nya a, ye he munyu sɔuu a hii tue, nɛ dã deli ɔmɛ hu imi la a hii woe.

Abɛ Womi 6:23

Mlaahi nɛ a wo mo, kɛ nihi nɛ a tsɔɔ mo ɔ tsuo ngɛ kaa la ha mo. O hɛ mi nɛ a ka, aloo o tue nɛ a gbla a, lɔ ɔ maa tsɔɔ mo bɔ nɛ o maa hi si ngɛ je mi ha.

Abɛ Womi 25:12

Ke ní lelɔ ka o hɛ mi nɛ o bu tue ɔ, e ngɛ kaa june kpakpa nɛ e ke mo.

Fiɛlɔ 7:4

Daa nɛ ɔ, ní lelɔ ngɛ gbenɔ he susue, se kuasia lɛɛ e susumi pɛ ji bua jɔmi.

Fiɛlɔ 9:17

Ní lelɔ munyu blɛuu ngɔɔ ngɛ tue mi pe ngmlaa nɛ nɔ yelɔ ko kpaa ngɛ kuasiahi a kpɛti.

Fiɛlɔ 12:11

Ní leli a munyuhi ngɛ kaa tso kɛ e nya piɔpiɔ nɛ lohwe hyɛli kɛ tsɔ́ɔ́ a lohwehi. Abɛhi nɛ a bua nya a, a he ngɛ se nami wawɛɛ kaa plɛɛkohi nɛ a je blɔ ka kɛ wo tso mi. Wɔ tsuo wa hyɛlɔ kake too nɛ ji Mawu ɔ, lɛ nɛ e ha wɔ kikɛmɛ a abɛ nɛ ɔmɛ.