Fiɛlɔ 7:17 - BAIBLO ALOO NGMAMI KLƆUKLƆU Ɔ

¹⁷ Se kɛ̃ ɔ, o yi mi ko wa tsɔ, nɛ o ko je kuasia hulɔ. Mɛni he je o ma gbo nɛ́ o be sui lolo ɔ?

Fiɛlɔ 7:17 ပူးပေါင်းရင်းမြစ်များ

Samuel II, 6:20

Benɛ David ba su we mi, nɛ e ba fɔ e yi ɔmɛ, kɛ e bimɛ ɔmɛ ɔ, Saul biyo Mikal je kpo ba kpee lɛ; nɛ e de David ke, “Lɔ ɔ ji Israel matsɛ wo lɛ nitsɛ e hɛ mi nyami mwɔnɛ ɔ nɛ! Matsɛ hɛɛ e he gu ngɛ e tsɔli a mawayi ɔmɛ a hɛ mi kaa kuasia peeɔ nɔ!”

Hiob 22:16

Loko jamɛatsɛmɛ ɔmɛ a be maa su ɔ, pa nɛ hia kɛ bee ba sa mɛ kɛ a sipoku tsuo kɛ ho momo.

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

Abɛ Womi 10:27

Yawɛ gbeye yemi haa nɔ wami se kɛɔ; se yayami peeli lɛɛ a wami se kɛ we kulaa.

Ezekiel 16:20

“Jehanɛ hu o bimɛ, nyumuhi kɛ yihi nɛ o fɔ ha mi ɔ, o gbe mɛ kɛ sã bɔ kɛ ja amagahi. Anɛ anɔkuale nɛ o yi mi nɛ ɔ pi ha mo,

Ezekiel 8:17

Jehanɛ, Yawɛ de mi ke, “Nɔmlɔ adesa, tse o na enɛ ɔ hulɔ! Anɛ ní hiemi níhi nɛ Yuda ma a ngɛ pee ngɛ hiɛmɛ nɛ ɔ pi ha mɛ lolo lo? Hyɛ, a ngɛ yi wu tso níhi pee tsɔ ngɛ zugba a nɔ. Anɛ pi ye mi mi la nɛ a ngɛ woe wawɛɛ nɛ ɔ? A ngɔ ní nɛ ɔmɛ kɛ ba sɛ ye we ɔ mi nitsɛ tɔɔ! A ngɛ tsɔɔe kaa a bui mi fɛɛ, pi jã?

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.

Ni Tsumi 16:28

Se Paulo kpa ngmlaa wawɛɛ ke, “Koo ye o he awi; wɔ tsuo wa ngɛ hiɛ ɔ!”

Ni Tsumi 5:10

Amlɔ nɔuu ɔ, e tsɔ fia si ngɛ Petro nane nya, nɛ e gbo. Benɛ nihewi ɔmɛ ba su we ɔ mi ɔ, a na kaa e gbo; kɛkɛ nɛ a wo lɛ kɛ ho, nɛ a ya pu lɛ ngɛ e huno ɔ kasa nya.

Ni Tsumi 5:5

Benɛ Anania nu munyu nɛ ɔ, e tsɔ fia si, nɛ e gbo. Nihi tsuo nɛ nu sane nɛ ba a ye gbeye wawɛɛ nitsɛ.

Yakobo 1:21

Lɔ ɔ he ɔ, je mi bami yaya nɛ woɔ nɔ he mu ɔ, nyɛ kpa lɛ tsuo, nɛ nyɛ ko pee nyɛ sibi yi wu tso nihi hu. Nyɛɛ kɛ he si bami nɛ he munyu ɔ nɛ a du kɛ wo nyɛ mi ɔ, ejakaa lɔ ɔ nɛ ma he nyɛ klaa yi wami.

Samuel I, 25:38

Maa pee ligbi nyɔngma se ɔ, Yawɛ fia Nabal nɔ nɛ e gbo.