Fiɛlɔ 7:16 - BAIBLO ALOO NGMAMI KLƆUKLƆU Ɔ

¹⁶ Lɔ ɔ he ɔ, koo pee o he dalɔ, aloo ní lelɔ tsɔ. Mɛni he je lɛ o ma kpata mo nitsɛ o hɛ mi?

Fiɛlɔ 7:16 ပူးပေါင်းရင်းမြစ်များ

Romabi 12:3

I kɛ dloomi nɛ Mawu dloo mi ɔ ngɛ nyɛ tsuo dee ke, nyɛ ti nɔ ko kó bu lɛ nitsɛ e he tsɔ pe bɔ nɛ sa kaa e buu e he. Se mohu e pee e he humi kaa bɔ nɛ hemi kɛ yemi nɛ Mawu ha lɛ ɔ tsɔɔ kaa e pee ɔ.

Abɛ Womi 25:16

Ke o na hwo ɔ, ye bɔ nɛ maa su o nya pɛ, konɛ e ko de mo nɛ o ba vie ngɔ pue si.

Kolosebi 2:18

Nyɛ ko ha nɛ nihi nɛ buu a he kaa mɛɛ lɛɛ a hi pe nihi tsuo ɔ nɛ a bu nyɛ kaa nyɛɛ lɛɛ nyɛ be nɔ́ ko mi. A deɔ ke mɛɛ a naa nina pɔtɛɛ komɛ, nɛ a nyɛɔ nyɛ nɔ ke nyɛɛ kɛ he si bami nɛ ja bɔfohi. Kikɛmɛ a nimli nɛ ɔmɛ woɔ a he nɔ yaka gu.

Kolosebi 2:23

Niinɛ, ni komɛ susuɔ kaa kikɛmɛ a mlaa nɛ ɔmɛ tsɔɔ nile nɛ haa nɔ nitsɛ fiiɔ si ngɛ jami mi. A buá peeɔ a he humi, nɛ a waa nɔmlɔ tso ɔ yi mi kɛ tsɔɔ kaa Mawu lɛ a ngɛ jae. Anɔkuale mi ɔ, mlaa nɛ ɔmɛ nyɛ we nɛ a tsiɔ nɔmlɔ tso ɔ we akɔnɔ nya.

1 Korintobi 3:18

Nyɛ ti nɔ ko nɔ ko kó sisi e he. Ke nyɛ ti nɔ ko susuu kaa lɛɛ e le ní pe nɔ tsuaa nɔ ɔ, é pee e he kuasia. Kɛkɛ ɔ, e maa pee ní lelɔ nitsɛnitsɛ.

Fiɛlɔ 12:12

Ye bi, ha nɛ ma wo mo ga nɛ ɔ hulɔ. Womi ngmami be nyagbe; ni kasemi fuu haa nɛ pɔ tɔɔ nɔmlɔ tso ɔ.

Mose I, 3:6

Yo ɔ na kaa tso ɔ ngɛ fɛu; e na kaa tso ɔ yiblii ɔ maa ngɔ, nɛ e ma ha nɛ nɔ maa le ní. Lɔ ɔ he ɔ, e tsɔ eko nɛ e ye, nɛ e ha e huno ɔ hu eko nɛ e ye.

Luka 18:12

I haa hwɔ si enyɔ ngɛ otsi mi, nɛ i haa mo níhi tsuo nɛ i naa a mi dlami nyɔngmanyɔngma mi kakaaka.’

Abɛ Womi 23:4

Ko gbo dengme ke doo ja o na ní. Ka kaa kikɛ nɛ ɔ, o hɛ mi nɛ ka si, nɛ o ye nɔ.

1 Timoteo 4:3

Kikɛmɛ a nɔ sisili nɛ ɔmɛ deɔ ke Kristo we bi be he blɔ kaa a sɛɛ gba si himi mi; kɛ jehanɛ hu, niye ní komɛ ngɛ nɛ e sɛ kaa a yeɔ. Se wɔ nɛ wa heɔ Kristo yeɔ saminya a, wa le anɔkuale ɔ kaa Mawu bɔ niye ní tsuo ha wɔ kaa waa ye faa, nɛ waa na lɛ si ngɛ he.

Filipibi 3:6

Ye hɛ dɔ wawɛɛ kɛ wa asafo ɔ yi mi. Ke mlaa a nɔ yemi nɔ a guu kɛ dlaa nɔ kɛ Mawu a kpɛti ɔ, lɛɛ piami ko piami ko be ye he.

1 Korintobi 3:20

Ngmami ɔ kpa hu ke, “Nyɔmtsɛ ɔ le kaa ní leli a yi mi tomi peeɔ yaka.”

Romabi 11:25

Ye nyɛmimɛ, anɔkuale laami sane ko ngɛ nɛ i suɔ kaa nyɛɛ le, bɔ nɛ pee nɛ nyɛ ko susu kaa nyɛ hɛ mi lɛ tɛ̃. Sane ɔ ji kaa Israel bi ɔmɛ ɔ, pe a ha a wa tue be kuku kɛkɛ kɛ yaa si ma je li ɔmɛ tsuo ma ba le Mawu.

Mateo 9:14

Pee se ɔ, Yohane kaseli ɔmɛ ba Yesu ngɔ, nɛ a ba bi lɛ ke, “Mɛni he je waa kɛ Farisi bi ɔmɛ haa hwɔ, nɛ o kaseli ɔmɛ lɛɛ a hɛ hwɔ ɔ?”

Hiob 28:28

Mawu de nɔmlɔ ke, “Nyɔmtsɛ ɔ gbeye yemi ɔ, lɔ ɔ ji nile; yayami he jemi ɔ, lɔ ɔ ji juɛmi.”

Hiob 11:12

Ke nga mi tejihi a hɛ mi ba si ɔ, kuasiahi maa le nɔ.

Kpojemi 18:19

A kɛ zu wo a yi mi, nɛ a wo yana, nɛ a nya awe. A kpa ngmlaa, nɛ a de ke, “Tsaoo! Akuanyɛ ha ma kpetekpleenyɛ ɔ! Lɛtsɛmɛ tsuo nɛ yeɔ jua ngɛ wo hɛ mi ɔ gu ní babauu nɛ e na a nɔ ba plɛ niatsɛmɛ. Nɛ ngmlɛfia kake too mi ɔ, ní babauu nɛ e na a tsuo bɔ lɛ!”

Romabi 10:2

Ejakaa i ngɛ odase ngɛ he kaa a hɛ dɔɔ wawɛɛ ngɛ Mawu he, se blɔ nɔ nɛ a kɛ ma ja lɛ ɔ nɛ a li.

Mateo 23:38

Lɔ ɔ he ɔ, a maa je o sɔlemi we ɔ he, nɛ e maa fɔ si gu.

Mateo 23:29

“Nyɛ mlaa tsɔɔli, kɛ Farisi bi! Musu tloo nyɛ! Osatotsɛmɛ! Nyɛ fiaa yɔkɔhi kɛ haa gbali ɔmɛ. Nyɛ dlaa dali ɔmɛ a yɔkɔ ɔmɛ a he saminyawiiwi,

Mateo 23:5

Ke a ngɛ nɔ́ ko pee ɔ, kikɛ nɛ ɔ a hɛ ngɛ si poe nɛ a ngɛ hyɛe kaa nihi maa na mɛ lo. Lohwe he womihi nɛ a ngma Mawu munyu ngɛ a nɔ nɛ a fiɔ ngɛ a hɛ nya, kɛ a nine he ɔ, hyɛ bɔ nɛ a bli gbabagbabaa ha! Dekehi hu nɛ ngɛ a tade klɔii ɔmɛ a nya a, hyɛ bɔ nɛ lɔ ɔmɛ hu ka gagaaga ha!