Fiɛlɔ 7:14 - BAIBLO ALOO NGMAMI KLƆUKLƆU Ɔ

¹⁴ Ke níhi a mi hi ha mo ɔ, nya. Ke haomi ba hu, kai kaa Mawu lɛ pee bua jɔmi ɔ kɛ haomi ɔ tsuo, bɔ nɛ pee nɛ nɔmlɔ adesa nɛ ko le nɔ́ nɛ maa ba hwɔɔ se.

Fiɛlɔ 7:14 ပူးပေါင်းရင်းမြစ်များ

Matsɛmɛ I, 8:47

moo bu o ma mi bi ɔmɛ a kue fami ɔ tue. Ke benɛ a ngɛ jamɛ a zugba a nɔ ɔ, a pia a he, nɛ a tsake a tsui, nɛ a jaje a he yayami ngɔ ha mo ɔ, moo bu a kue fami ɔ tue.

Hiob 2:10

Hiob he nɔ ke, “O ngɛ munyu tue kaa bɔ nɛ yihi kuasia amɛ a ti nɔ ko maa tu munyu pɛ. Ke Mawu ha wɔ nɔ́ kpakpa a, tse wa heɔ. Lɛ ke e ha wɔ nɔ́ yaya a, wa ko ngɔ lo?” Enɛ ɔ tsuo mi ɔ, Hiob pee we yayami; e de we nɔ́ ko kɛ si we Mawu.

La 119:71

E hi ha mi kaa o gbla ye tue, konɛ ma kase o mlaa amɛ.

La 40:3

E tsɔɔ mi la he nɛ ma la kɛ je wa Mawu ɔ yi. Nihi babauu maa na nɔ́ nɛ ɔ; a maa ye gbeye, nɛ a maa ngɔ a hɛ kɛ fɔ Yawɛ nɔ.

Fiɛlɔ 10:14

Kuasia tuɔ munyu babauu. Nɔ ko nɔ ko li hwɔɔ se sane; nɔ́ nɛ maa ba ngɛ wa gbenɔ se ɔ, mɛnɔ ma nyɛ ma de?

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Fiɛlɔ 12:8

Ye juɛmi deɔ mi ke wami nɛ ɔ, se nami ko be he; lɛ tsuo peeɔ yaka.

Fiɛlɔ 3:22

Lɔ ɔ he ɔ, i na kaa nɔ́ pɛ nɛ sa nɔmlɔ peemi ji kaa níhi nɛ e gbo a he dengme ɔ, e na a he bua jɔmi; e blɔ fa mi níhi ji lɔ ɔmɛ. Nɔ́ nɛ maa ba ngɛ nɔ ko gbenɔ se ɔ, blɔ ko be nɛ e kɛ maa le.

Fiɛlɔ 3:4

Ya fomi be ngɛ, nɛ muɔmi be ngɛ. Kɔmɔ yemi be ngɛ, nɛ domi be ngɛ.

Fiɛlɔ 5:17

Nɔmlɔ wami be ɔ tsuo ngɛ kaa diblii mi nyɛɛmi; kɔmɔ yemi, mi mi fumi, nine mi wu jemi, kɛ hiɔ sɔuu.

Fiɛlɔ 8:7

Wa ti nɔ ko nɔ ko li nɔ́ nɛ maa ba hwɔɔ se. Mɛnɔ lɛ ma nyɛ maa tsɔɔ be mi nɛ nɔ́ ko maa ba?

Fiɛlɔ 9:7

Yaa nɛ o ya ye ní, nɛ o na bua jɔmi. Yaa nu wai, nɛ o tsui nɛ nɔ o mi; o ní tsumi ɔ sa Mawu hɛ mi momo.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Yesaya 42:25

Lɔ ɔ he ɔ, e ha wa nu e mi mi fumi nɛ nya wa a he, nɛ ta nɛ nya wa ba tua wɔ. E mi mi la a mle kɛ wo Israel he kɛ kpe, se a li nɔ́ nɛ ngɛ nɔ yae ɔ; wa kase we nɔ́ ko kulaa kɛ ji mi.

Yeremia 23:20

Yawɛ mi mi fumi nɛ nya wa wawɛɛ nɛ ɔ se be poe kɛ yaa si e maa pee nɔ́ tsuaa nɔ́ nɛ e to ke e maa pee ɔ kɛ gbe nya. Be komɛ a se loko e ma a maa nu nɔ́ nɛ ɔ sisi saminya.”

Kɔmɔ Yemi 3:38

Kpakpa jio, yaya jio, Hiɔwe No ɔ lɛ deɔ loko e baa mi.

Mika 6:9

E hi kaa a ye Yawɛ gbeye. Yawɛ ngɛ Yerusalem dee ke, “Nyɛ nihi nɛ nyɛ ba bua nyɛ he nya ngɛ ma a mi, nyɛɛ bu tue!

Mateo 9:13

Nyɛɛ ya nɛ nyɛ ya hla ngmami nɛ ɔ sisi: ‘Mɔbɔ nami i ngɛ hlae, se pi bɔ sami!’ I bɛ nɛ ma ba tsɛ nihi nɛ peeɔ nɔ́ nɛ da, se mohu yayami peeli.”

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”

Mose V, 26:11

Mo nya ngɛ ní kpakpahi nɛ Yawɛ ha o kɛ o we ɔ he. Ha nɛ Levi no, kɛ nubwɔ nɛ kɛ mo ngɛ ɔ nɛ a piɛ o he kɛ nya.

Mose V, 28:47

Yawɛ gbaa nyɛ ngɛ blɔ tsuaa blɔ nɔ, se nyɛ sume nɛ nyɛ sɔmɔ lɛ kɛ bua jɔmi, kɛ nyami nɛ je tsui mi.

Mose V, 8:3

E ha hwɔ ye nyɛ, nɛ e ha nyɛ abolo nɛ je hiɔwe nɛ nyɛ nɛmɛ nɛ hyɛ ɔ nɛ nyɛ ye. E pee enɛ ɔ, konɛ nyɛ na nɛ nyɛɛ le kaa pi abolo pɛ nɛ haa nɔmlɔ yi naa wami, se mohu munyu tsuaa munyu nɛ jeɔ Yawɛ nya mi ɔ nɛ haa nɔ yi naa wami.

Mose V, 8:5

Nyɛ na nɛ nyɛɛ le kaa bɔ nɛ tsɛ tsɔseɔ e bi ɔ, ja Yawɛ, nyɛ Mawu ɔ ngɛ nyɛ tsɔsee ɔ nɛ.

Yakobo 5:13

Ke amanehlu ba nyɛ ti nɔ ko nɔ ɔ, e sɔle. Ke nyɛ ti nɔ ko bua jɔ ɔ, e la yi jemi la.