Fiɛlɔ 6:9 - BAIBLO ALOO NGMAMI KLƆUKLƆU Ɔ

⁹ E hi kaa o bua nɛ jɔ nɔ́ nɛ o ngɛ ɔ he, pe kaa daa nɛ ɔ, o ko suɔ nɛ o na nɔ́ kpa mohu. Enɛ ɔ hu ji yaka nɔ́ ko. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 6:9 ပူးပေါင်းရင်းမြစ်များ

Hiob 31:7

Ke i je blɔ kpakpa a nɔ kɛ ya nyɛɛ níhi nɛ ye tsui suɔ a se, nɛ i kɛ nɔ́ nɛ ɔ peemi ble ye he ɔ,

Fiɛlɔ 1:14

Níhi tsuo nɛ a peeɔ ngɛ je nɛ ɔ mi ɔ, i na; nɛ i ngɛ dee ke lɛ tsuo yaka. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 1:17

I bɔ mɔde kaa ma hla slɔɔto nɛ ngɛ nile kɛ godo, aloo nile kɛ kuasia jemi a kpɛti. Se i na kaa nɔ́ nɛ ɔ hu ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 1:2

Ye juɛmi deɔ mi ke, wami nɛ ɔ, se nami ko be he; wami he be se nami. Lɛ tsuo peeɔ yaka!

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

Fiɛlɔ 2:11

Jehanɛ, i susu ye nine nya ní tsumi ɔmɛ tsuo a he, kɛ dengme nɛ i gbo ngɛ a he ɔ, nɛ i na kaa lɛ tsuo peeɔ yaka. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ; se nami ko be he.

Fiɛlɔ 4:4

Jehanɛ, i na kaa nɔ́ nɛ he je nɛ nihi gboɔ dengme wawɛɛ konɛ a ya nɔ ɔ ji kaa a hɛ kɔɔ a nyɛmimɛ a nɔ. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 5:18

Hyɛ, nɔ́ nɛ i na kaa e hi, nɛ e sa kɛkɛ ji kaa nɔmlɔ nɛ ye ní, nɛ e nu ní, nɛ e na bua jɔmi. Wami be bɔɔ nɛ Mawu ha nɔmlɔ ngɛ je nɛ ɔ mi ɔ, dengme tsuo nɛ e gbo ɔ, e ye e mi ngɔɔmi; e blɔ fa mi nɔ́ ji lɔ ɔ nɛ.

Fiɛlɔ 6:2

Mawu ma ha nɔ ko sika, kɛ ní babauu, hɛ mi nyami, kɛ nɔ́ tsuaa nɔ́ nɛ nɔ ɔ tsui suɔ. Se e ha we lɛ he wami nɛ e kɛ ye ngɔɔmi ɔ, nɛ nɔ kpa mohu ma ba ye. Nɔ́ nɛ ɔ ji yaka dengme gbomi, kɛ he hiami.

Yeremia 2:20

Nyɔmtsɛ Yawɛ ke, “Israel, blema lokoo lɛ o je o he kɛ je ye he wami sisi; o de ke o be mi jae hu fɛɛ. O kpla si ha amagahi ngɛ yoku tsuaa yoku nɛ ya hiɔwe nɔ, kɛ tso tsua tso nɛ bɔ kusuu sisi.