Fiɛlɔ 6:8 - BAIBLO ALOO NGMAMI KLƆUKLƆU Ɔ

⁸ Mɛni ní lelɔ kɛ pe kuasia? Ohiatsɛ nɛ le e he nɔ hyɛmi ngɛ je mi ɔ, mɛni se lɛ e naa?

Fiɛlɔ 6:8 ပူးပေါင်းရင်းမြစ်များ

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

La 101:2

Ma ba ye je mi saminya, konɛ a ko na piami ko ngɛ ye he. Mɛni be po lɛ o maa ba ye ngɔ? Ma hi si ngɛ mumi mi he tsɔmi mi ngɛ ye we ɔ mi.

La 116:9

Lɔ ɔ he ɔ, ma ba ye je mi bɔ nɛ sa ngɛ Yawɛ hɛ mi, ngɛ hɛ kali a zugba a nɔ.

Abɛ Womi 19:1

Ohiatsɛ nɛ yeɔ anɔkuale ɔ, e hi pe kuasia nɛ yeɔ lakpa.

Fiɛlɔ 5:11

He nɛ ní babauu ngɛ ɔ, ní yeli hu ngɛ lejɛ ɔ. Lɛɛ se nami nɛ niatsɛ ɔ naa pɛ ji kaa e le kaa nɔ́ ko ngɛ e dɛ.

Fiɛlɔ 6:9

E hi kaa o bua nɛ jɔ nɔ́ nɛ o ngɛ ɔ he, pe kaa daa nɛ ɔ, o ko suɔ nɛ o na nɔ́ kpa mohu. Enɛ ɔ hu ji yaka nɔ́ ko. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.