Fiɛlɔ 6:6 - BAIBLO ALOO NGMAMI KLƆUKLƆU Ɔ

⁶ kulaa pe nɔ nɛ ye jeha akpe enyɔ, se je mi ngɔɔmi lɛɛ e yi eko ɔ. Mɛ tsuo pi he kake ɔ ko nɛ a yaa lo?

Fiɛlɔ 6:6 ပူးပေါင်းရင်းမြစ်များ

Fiɛlɔ 3:20

Mɛ tsuo he kake ɔ lɛ a yaa; mɛ tsuo zu mi lɛ a je, nɛ zu mi lɛ mɛ tsuo a maa kpale kɛ ya.

Hebribi 9:27

Mawu to kaa adesa nɛ gbo si kake, nɛ lɔ ɔ se ɔ, a kojo lɛ.

Hiob 30:23

Niinɛ, i le kaa o ngɔ mi kɛ yaa gbeje, he nɛ a to kɛ ha nɔ́ tsuaa nɔ́ nɛ hɛ ngɛ ɔ.

Yeremia 17:6

E ngɛ kaa tso nɛ ba be yi mi ngɛ nga kplanaa nɔ, tso nɛ ngɛ nga nɔ he nɛ gbli keketee, tso nɛ ngɛ ngo zɔ̃ zugba nɔ, he nɛ nɔ́ ko nɔ ko puɛ́ ngɛ. Nɔmlɔ kaa kikɛ nɛ ɔ be nɔ́ kpakpa ko nae gblegbleegble!

Yesaya 65:22

A be wehi poe nɛ ni kpahi ba hi mi, nɛ a be ngmɔ pee nɛ ni kpahi ba ye e mi ní. Bɔ nɛ tso nguahi a se kɛɔ ɔ, ja ye ma mi bi ɔmɛ a se maa kɛ ngɛ je mi. A ma ná mɛ nitsɛmɛ a nine nya ní tsumi mi ní maa ye, nɛ a bua maa jɔ a he saminya.

Yesaya 65:20

Ma he nɛ ɔ mi ɔ, bimwɔyo be gboe hu; nɔmoyo hu be gboe loko e be maa su. Ke a fɔ nɔ ko ɔ, ja e ye jeha lafa loko e ma gbo. Yayami peelɔ pɛ nɛ lɛɛ e be nae ja.

Fiɛlɔ 12:7

Wa nɔmlɔ tso ɔ maa kpale kɛ ya tabo zu mi he nɛ e je ɔ, nɛ mumi ɔ maa ya Mawu ngɔ. Mawu lɛ ha mumi ɔ nɛ.

Fiɛlɔ 6:3

Ke nɔ ko fɔ bimɛ lafa, nɛ e ye jeha babauu, se e yi je mi ngɔɔmi, nɛ jehanɛ se hu, benɛ e gbo ɔ, a pu we lɛ bɔ nɛ sa a, lɛɛ afani bi nɛ gbo loko a fɔ lɛ ngɛ jamɛatsɛ ɔ he.

La 34:12

Mɛnɔ lɛ suɔ kaa e na bua jɔmi ngɛ je mi? Mɛnɔ lɛ suɔ kaa e se nɛ kɛ ngɛ je mi, nɛ e fiɛ e yi nɔ?

Hiob 7:7

Nyɛ kai kaa ye wami ngɛ kaa kɔɔhiɔ kɛkɛ; ye bua jɔmi ɔ se po.

Hiob 1:21

Hiob de ke, “Maa fɔ mi kɛ ba he gu, nɛ ma kpale kɛ ya he gu. Yawɛ lɛ ha, nɛ Yawɛ lɛ ba ngɔ kɛ ho. A je Yawɛ biɛ ɔ yi!”

Mose I, 5:5

Adam ye jeha 930 nɛ e gbo.

Fiɛlɔ 2:14

Ní lelɔ le he nɛ e yaa; kuasia lɛɛ e li. Se kɛ̃ ɔ, amanehlu kake ɔ nɔuu lɛ baa mɛ ni enyɔ ɔmɛ tsuo a nɔ.

Fiɛlɔ 6:5

E nɛ́ pu hɛ mi, nɛ nɔ́ ko hu e li. Se e ngɛ tue mi jɔmi mi

Fiɛlɔ 7:2

E hi kaa o maa ya we mi he nɛ a ngɛ kɔmɔ yee ngɛ, pe kaa o maa ya he nɛ a tsɛ ní yemi ngɛ. Ejakaa e hia kaa nihi nɛ ngɛ wami mi kɛ mwɔɔ ɔ, a kai be tsuaa be kaa gbenɔ ji wɔ tsuo wa nyagbe.

Fiɛlɔ 9:2

Sane nɛ maa ba nɔ kake nɔ ɔ, lɔ ɔ kɛ̃ lɛ maa ba nɔ kpa hu nɔ; dalɔ jio, yayami peelɔ jio; nɔmlɔ kpakpa jio, nɔmlɔ yayami jio; nɔ nɛ he tsɔ jio, nɔ nɛ he tsɔ we jio; nɔ nɛ sãã bɔ jio, nɔ nɛ sɛ̃ bɔ jio; nɔ́ nɛ maa ba nɔ kake nɔ ɔ, lɔ ɔ kɛ̃ lɛ maa ba nɔ kpa hu nɔ. Nɔmlɔ kpakpa kɛ yayami peelɔ ɔ, slɔɔto be a kpɛti; kita kalɔ kɛ nɔ nɛ sume kaa e ma ka kita hu, jã nɔuu.