Fiɛlɔ 6:3 - BAIBLO ALOO NGMAMI KLƆUKLƆU Ɔ

³ Ke nɔ ko fɔ bimɛ lafa, nɛ e ye jeha babauu, se e yi je mi ngɔɔmi, nɛ jehanɛ se hu, benɛ e gbo ɔ, a pu we lɛ bɔ nɛ sa a, lɛɛ afani bi nɛ gbo loko a fɔ lɛ ngɛ jamɛatsɛ ɔ he.

Fiɛlɔ 6:3 ပူးပေါင်းရင်းမြစ်များ

Hiob 3:16

Mɛni he je i gbo we ngɛ muɔ nɔ, nɛ i ko nɛ́ pu la a?

Yeremia 22:19

A maa pu lɛ kaa bɔ nɛ a puɔ teji; a maa gbla lɛ kɛ ho, nɛ a ma ya sake lɛ kɛ fɔ Yerusalem agbo ɔmɛ a se.”

Fiɛlɔ 4:3

Se ni enyɔ nɛ ɔmɛ po a se ɔ, nihi nɛ a nɔ́ hi pe kulaa ji ni nɛmɛ nɛ a fɔ we mɛ lolo, nɛ mɛɛ a nɛ yi wu tso níhi nɛ a ngɛ pee ngɛ je ɔ mi ɔ.

Matsɛmɛ II, 9:35

Se benɛ a ho nɛ́ a ya pu lɛ ɔ, a nɛ e he nɔ́ ko nɔ́ ko; e yi koklodo, kɛ e nanehi, kɛ e ninehi pɛ nɛ a na.

Mose I, 47:9

Yakob he nɔ ke, “I ye jeha lafa kɛ nyingmi etɛ. Ye nɛmɛ ɔmɛ lɛɛ slo mɛ; mɛɛ lɛɛ a se kɛ ngɛ je mi.”

Mateo 26:24

Nɔmlɔ Bi ɔ ma gbo kaa bɔ nɛ a ngma ngɛ e he ɔ, se musu tloo nɔ nɛ maa tsɔɔ e se blɔ ɔ! Afani nɛ a fɔ we jamɛ a nɔmlɔ ɔ!”

Yeremia 36:30

Lɔ ɔ he ɔ, bɔ nɛ imi Yawɛ, i ngɛ mo, Yuda matsɛ, Yehoyakim dee ji nɛ ɔ nɛ: ‘O nina ko nina ko be Matsɛ David sɛ ɔ nɔ hie gblegbleegble. Ke o gbo ɔ, a ma sake o gbogboe ɔ kɛ fɔ he; piani ɔ, pu maa tsoo lɛ, nɛ nyɔ mi ɔ, kɔɔhiɔ nɛ mi jɔ yluduu maa fia lɛ.

Yeremia 8:2

A be wu nɛ ɔmɛ a nya buae, nɛ a be mɛ pue hulɔ; wu ɔmɛ maa pee kaa kuku ngɛ zugba a nɔ. A ma ka wu ɔmɛ ngɔ ha pu kɛ nyɔhiɔ kɛ dodoehi. Ní nɛ ɔmɛ ji níhi nɛ ma a suɔ saminya; ma a sɔmɔ mɛ, nɛ a bi ní ngɛ a ngɔ, nɛ a ja mɛ hulɔ.

Abɛ Womi 17:6

Bibimɛ ji nimowi a hɛ mi nyami, kaa bɔ nɛ bimɛ ngɛ ha fɔli ɔ.

La 58:8

Ha nɛ a gbo kaa ahua nɛ ngɛ mɔsɔ wue kɛ bee. Ha nɛ a gbo kaa bi nɛ e fɔmi be sui nɛ a fɔ lɛ, nɛ e nɛ pu hɛ mi.

Ester 7:10

Nɛ a ya sɛu Haman ngɛ tso nɛ e pee kɛ ha Mordekai ɔ nɔ. Kɛkɛ nɛ Matsɛ ɔ mi mi fumi ɔ se po.

Ester 5:11

E fĩa kɛ tsɔɔ mɛ bɔ nɛ e na ní kpɔtɔɔ ha, binyumuhi abɔ nɛ e ngɛ, bɔ nɛ matsɛ ɔ wó e nɔ gojoo ngɛ nɔ yemi he ɔ, kɛ bɔ nɛ e he hia pe matsɛ ɔ ganɔ ɔmɛ, kɛ tsɔli kpa amɛ tsuo.

Kronika II, 11:21

Yihi tsuo nɛ Rehoboam ngɔ ji nyɔngma kɛ kpaanyɔ, kɛ plãhi hu nyingmi ekpa. E ngɛ binyumuhi nyingmi enyɔ kɛ kpaanyɔ, kɛ biyihi nyingmi ekpa. Nɔ nɛ e suɔ pe kulaa ngɛ e yi ɔmɛ kɛ e plã amɛ a kpɛti ji Absalom biyo Maaka.

Kronika I, 28:5

E ha mi bimɛ babauu, nɛ e hla Salomo kɛ je ye binyumu ɔmɛ tsuo a kpɛti ke e ba hi matsɛ sɛ ɔ nɔ nɛ e ye Yawɛ nitsɛ ma, Israel ɔ nɔ.

Matsɛmɛ II, 10:1

Ahab ngɛ binyumuhi nyingmi kpaago ngɛ Samaria. Yehu ngma womi nɛ e tsɔ nɛ a kɛ ya ha Samaria ma nɔ yeli ɔmɛ, ma nimeli ɔmɛ, kɛ Ahab binyumu ɔmɛ a nɔ hyɛli ɔmɛ. Nɔ́ nɛ e ngma ngɛ womi ɔ mi ji,

Mose I, 33:5

Benɛ Esau na yi ɔmɛ kɛ jokuɛwi ɔmɛ ɔ, e bi ke, “Mɛnɔmɛ o kɛ nyɛɛ ɔ?” Yakob he nɔ ke, “Bimɛ nɛ Mawu kɛ dloo imi, o tsɔlɔ ɔ ji nɛ ɔmɛ nɛ.”

Fiɛlɔ 6:4

Bimwɔyo nɛ ɔ fɔmi peeɔ yaka dengme; e laa ngɛ diblii mi, nɛ nihi a hɛ jeɔ e nɔ.

Hiob 3:11

Mɛni he je i gbo we ngɛ maa mi mi? Mɛni he je i gbo we be nɛ a fɔ mi ɔ pɛ?