Fiɛlɔ 6:2 - BAIBLO ALOO NGMAMI KLƆUKLƆU Ɔ

² Mawu ma ha nɔ ko sika, kɛ ní babauu, hɛ mi nyami, kɛ nɔ́ tsuaa nɔ́ nɛ nɔ ɔ tsui suɔ. Se e ha we lɛ he wami nɛ e kɛ ye ngɔɔmi ɔ, nɛ nɔ kpa mohu ma ba ye. Nɔ́ nɛ ɔ ji yaka dengme gbomi, kɛ he hiami.

Fiɛlɔ 6:2 ပူးပေါင်းရင်းမြစ်များ

Matsɛmɛ I, 3:13

Jehanɛ, nɔ́ nɛ o bi we tete hu ma ha mo; o wami ligbi ɔmɛ tsuo ɔ, ma ha o ma na ní, nɛ o hɛ mi maa ba nyami bɔ nɛ matsɛmɛ ɔmɛ a ti nɔ ko nɔ ko kɛ mo be sɔe.

Kronika I, 29:25

Yawɛ wo Salomo nɔ gojoo; e ha nɛ e na biɛ ngɛ Israel tsuo, nɛ e hɛ mi ba nyami pe Israel matsɛmɛ ɔmɛ tsuo nɛ sɛ e hlami ɔ.

Kronika I, 29:28

E na ní babauu, nɛ a buu lɛ hulɔ. E bwɔ kotokoto loko e gbo, nɛ e bi Salomo ba ye matsɛ ngɛ e se.

Kronika II, 1:11

Mawu he nɔ nɛ e de Salomo ke, “O bi nɔ́ nɛ sa pɛ. O bi we ní nami, aloo june, aloo biɛ. O bi we ke a gbe o he nyɛli ha mo, aloo a ha nɛ o wami se nɛ kɛ. Mohu ɔ, o bi nile, kɛ nɔ́ sisi numi nɛ o kɛ ye ye ma a nɛ i wo mo matsɛ ngɛ a nɔ ɔ nɔ.

La 17:14

Jé mi kɛ je nihi nɛ ná je nɛ ɔ mi níhi tsuo nɛ a ngɛ hlae ɔ a dɛ mi. Ngɔɔ haomihi nɛ o ngɔ to ha mɛ ɔ kɛ gbla a tue. Ha nɛ a bimɛ ba na haomi ɔ bɔ nɛ sa, nɛ eko nɛ piɛ ha a bibimɛ.

La 39:6

Ee, nɔmlɔ adesa ngɛ kaa nini; yaka dengme kɛkɛ lɛ e ngɛ gboe. E buaa níhi a nya, se e li nɔ nɛ ma ba ye.

La 73:7

Yayami hyi a tsui mi; daa nɛ ɔ, a ngɛ ga yaya toe.

Fiɛlɔ 4:4

Jehanɛ, i na kaa nɔ́ nɛ he je nɛ nihi gboɔ dengme wawɛɛ konɛ a ya nɔ ɔ ji kaa a hɛ kɔɔ a nyɛmimɛ a nɔ. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 4:8

Hyɛ kaa nɔ ko lɛ ngɛ. E be bi; e be nyɛmi ko; lɛ nɔ kake ngmelu pɛ lɛ ngɛ. Se daa nɛ ɔ, dengme nɔ kɛkɛ lɛ e ngɛ; e ní nɛ e na a pi ha lɛ. E bi we e he hyɛ ke dengme babauu nɛ e ngɛ gboe nɛ e yi e mi ngɔɔmi ko ɔ, mɛnɔ kulaa lɛ e ngɛ jamɛ a dengme ɔ gboe ha. Enɛ ɔ hu ji yaka nɔ ko; dengme gbomi gu nɛ bua jɔmi be mi.

Fiɛlɔ 5:13

Nɔ́ yayami ko hu nɛ i na ngɛ je ɔ mi ji nɛ ɔ nɛ. Nihi buaa sika babauu nya, nɛ e ba peeɔ haomi ha mɛ.

Fiɛlɔ 5:16

Sane nɛ ɔ he wa! Bɔ nɛ nɔ ko ba a, jã e maa kpale kɛ ya. Lɛɛ mɛni se e na mɔ, kaa e ba gbo yaka dengme?

Fiɛlɔ 5:18

Hyɛ, nɔ́ nɛ i na kaa e hi, nɛ e sa kɛkɛ ji kaa nɔmlɔ nɛ ye ní, nɛ e nu ní, nɛ e na bua jɔmi. Wami be bɔɔ nɛ Mawu ha nɔmlɔ ngɛ je nɛ ɔ mi ɔ, dengme tsuo nɛ e gbo ɔ, e ye e mi ngɔɔmi; e blɔ fa mi nɔ́ ji lɔ ɔ nɛ.

Fiɛlɔ 5:19

Nɔ tsuaa nɔ nɛ Mawu ha lɛ sika, ní babauu, he wami, kɛ bua jɔmi ɔ, e na Mawu si; e na bua jɔmi ngɛ dengme nɛ e ngɛ gboe ɔ he. Mawu nike ní ji lɔ ɔ nɛ.

Yesaya 55:2

Mɛni he je nyɛ puɛɔ sika kɛ heɔ nɔ nɛ be nyɛ tɔe? Mɛni he je nyɛ ngɔɔ nyɛ ní tsumi mi hiɔwo kɛ heɔ nɔ́ nɛ tɔɛ nɔ? Nyɛɛ bu mi tue saminya nɛ nyɛɛ pee nɔ nɛ i ngɛ dee ɔ; kɛkɛ nyɛ maa ye ní kpakpahi nɛ nyɛ bua maa jɔ nyɛ he.

Kɔmɔ Yemi 5:2

Wa weto ní plɛ pee nibwɔhi a nɔ́. Wa we ɔmɛ hu ma se li lɛ ngɛ a mi.

Daniel 5:18

“Nɛnɛ, Mawu nɛ ngɛ hiɔwe lokoo ɔ pee o tsɛ Nebukadnezar matsɛ ngua, nɛ e ha lɛ he wami kɛ hɛ mi nyami.

Hosea 7:9

nɛ nibwɔ ɔmɛ butu ma a, se e li. Israel li tete kaa e nyagbe su ta.

Mose V, 28:33

Nyɛ zugba a nɔ niba ní nɛ nyɛ gbo he dengme ɔ hu, je ma ko nɛ nyɛ li ma ba ye lɛ tsuo; nyɛ be nɔ́ kpakpa ko nae, se a maa wa nyɛ yi mi, nɛ a maa pee nyɛ posoo kaa zugba zu.

Mose V, 28:43

“Jehanɛ, nibwɔhi nɛ ngɛ nyɛ zugba a nɔ ɔ maa ya nɔ ma plɔke; se nyɛɛ lɛɛ si kɛkɛ nyɛ maa hi gbee.

Manyadali 18:10

Ke nyɛ ya a, nyɛ maa na zugba agbo ko kɛ e mi nimli nɛ nɔ́ ko nɔ́ ko pee we mɛ kɔmɔ. Niinɛ, zugba, he nɛ je nɛ ɔ mi nɔ́ ko nɔ́ ko hia we ngɛ ɔ, jamɛ a zugba a ji zugba nɛ Mawu ngɔ kɛ wo nyɛ dɛ mi nɛ ɔ nɛ.”