Fiɛlɔ 6:10 - BAIBLO ALOO NGMAMI KLƆUKLƆU Ɔ

¹⁰ Nɔ́ tsuaa nɔ́ nɛ ba a, a de to momo. Wɔ tsuo wa le kaa nɔmlɔ nɛ ngɛ nɛ ɔ, nɔ nɛ he wa pe lɛ ɔ, e kɛ lɛ nɔɛ kunɔ.

Fiɛlɔ 6:10 ပူးပေါင်းရင်းမြစ်များ

Mose I, 3:9

Yawɛ Mawu tsɛ nyumu ɔ nɛ e bi lɛ ke, “Jije o ngɛ?”

Hiob 33:13

Mɛni he je mɔ lɛ o kɛ lɛ ngɛ pɛe kaa e bui níhi nɛ e ngɛ pee ɔ ekoeko he akɔtaa kɛ tsɔɔ we nɔ ko?

Hiob 9:32

Nɔmlɔ adesa ji Mawu kaa imi jinɛ i ko ha lɛ heto, jinɛ i kɛ lɛ ko ya kojomi he ɔ nɛ wa ya hla munyu ɔ mi.

La 103:15

Nɔmlɔ adesa ngɛ kaa nga pɛ; e bɔɔ saminyayoo kaa nga nɔ mɔmɔ.

La 39:6

Ee, nɔmlɔ adesa ngɛ kaa nini; yaka dengme kɛkɛ lɛ e ngɛ gboe. E buaa níhi a nya, se e li nɔ nɛ ma ba ye.

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Fiɛlɔ 3:15

Nɔ́ nɛ ngɛ amlɔ nɛ ɔ, e ba hyɛ; nɔ́ nɛ maa ba hwɔɔ se ɔ, e ba hyɛ. Nɔ́ nɛ be momo ɔ, lɔ ɔ nɔuu Mawu ngɔɔ kɛ baa ekohu.

Fiɛlɔ 6:11

Munyu fuu ɔ, se nami be he.

Yeremia 49:19

Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja ma ba tlukaa, nɛ ma ba fie Edom bi ɔmɛ kɛ je a zugba a nɔ kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da nɛɛ?

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?