Fiɛlɔ 5:8 - BAIBLO ALOO NGMAMI KLƆUKLƆU Ɔ

⁸ Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

Fiɛlɔ 5:8 ပူးပေါင်းရင်းမြစ်များ

Kronika II, 26:10

E ma mɔhi ngɛ nga a nɔ hulɔ, nɛ e tsua vuhi fuu, ejakaa e ngɛ lohwehi babauu ngɛ kɔ̃ ɔ mi, kɛ nga a nɔ. Akɛnɛ e suɔ humi he je ɔ, e wo e ma mi bi ɔmɛ he wami, nɛ a hu wai ngmɔhi ngɛ yoku ɔmɛ a nɔ, kɛ kɔ̃ ɔmɛ a mi.

Hiob 24:23

Mawu ma ha nɛ e maa hi si ngɛ tue mi jɔmi mi, se daa nɛ ɔ, e hɛngmɛ ngɛ e he.

La 12:5

Se Yawɛ ke, “Akɛnɛ a ngɛ ohiatsɛmɛ yi mi wae, nɛ dɛgutsɛmɛ ngɛ kɛmɛe he je ɔ, jehanɛ lɛɛ ma te si, nɛ ma ha mɛ he jɔmi nɛ a ngɛ hlae ɔ.”

La 55:9

Nyɔmtsɛ, ha nɛ ye he nyɛli ɔmɛ a yi mi tomi ɔmɛ nɛ pee yaka. Mo tsaka a gbi ɔ, nɛ o ko ha nɛ a nu a sibi sisi. Ejakaa yi mi wami, kɛ pɛ hyi ma a mi tɔ.

La 82:1

Mawu daa si ngɛ hiɔwe gua nguaa a mi. E ngɛ kojoli ɔmɛ a hɛ mi kae ke,

La 83:18

konɛ a le kaa mo Yawɛ, mo nɔ kake too lɛ o ngɛ he wami pe nɔ tsuaa nɔ ngɛ je ɔ mi tsuo.

La 95:3

Ejakaa Yawɛ ɔ, Mawu kpetekpleenyɛ ji lɛ; lɛ ji mawu ɔmɛ tsuo a matsɛ nguaa.

Abɛ Womi 22:16

Nɔ nɛ waa ohiatsɛmɛ yi mi nɛ e kɛ naa ní, aloo nɔ nɛ keɔ niatsɛmɛ ní ɔ, nyagbe ɔ, lɛ nitsɛ e ma ba ye ohia.

Abɛ Womi 24:12

Ko de ke o li he nɔ́ ko, ejakaa Mawu nɛ naa nɔmlɔ tsui mi ɔ lɛɛ e na, nɛ e le hulɔ. Nɛ e maa wo mo hiɔ ngɛ nɔ́ nɛ o pee ɔ he.

Abɛ Womi 8:17

Nihi nɛ suɔ mi ɔ, imi hu i suɔ mɛ; nɔ tsuaa nɔ nɛ hlaa ye se blɔ ɔ, e maa na mi.

Fiɛlɔ 3:16

Jehanɛ hu, i kpa si kaa ngɛ je nɛ ɔ mi ɔ, he nɛ sa kaa a ye dami sane, nɛ a pee nɔ́ nɛ da ngɛ ɔ, yi wu tso níhi mohu lɛ a peeɔ ngɛ lejɛ ɔ.

Fiɛlɔ 4:1

Jehanɛ se hu, i na kaa yi mi sɔuu lɛ a ngɛ wae ngɛ je ɔ mi. Nɔ́ nali ngɛ ya foe, nɛ nɔ ko be nɛ maa jɔɔ a bua. Bua wolɔ ko be mɛ, ejakaa nihi nɛ ngɛ mɛ yi mi wae ɔ, he wami ngɛ a dɛ.

Fiɛlɔ 5:9

Zugba a he se nami ɔ tsuo ba peeɔ nimli nɛ ɔmɛ a nɔ́. Jehanɛ se hu, ngmɔ ko ngmɔ ko be nɛ a tsu we tó ngɛ he.

Fiɛlɔ 7:7

Amimi yemi haa ní lelɔ peeɔ kuasia, nɛ nyɔ mi ní hemi puɛɔ nɔ je mi bami.

Fiɛlɔ 8:9

I na ní nɛ ɔmɛ tsuo, be mi nɛ i ngɛ níhi nɛ nimli adesahi peeɔ ngɛ je nɛ ɔ mi ɔ a he susue. Ni komɛ ngɔɔ blɔ nya nɛ a na a kɛ yeɔ a nyɛmimɛ awi.

Yesaya 10:12

Se Yawɛ ke, “Ke i gbe nɔ́ nɛ i ngɛ tsue ngɛ Zion yo ɔ nɔ, kɛ Yerusalem ɔ nya a, ma gbla Asiria matsɛ ɔ tue ngɛ e he nɔ womi, kɛ e fiami babauu ɔ he.”

Yesaya 3:15

Nyɛ be he blɔ kulaa kaa nyɛ waa ye ma a yi mi, loo nyɛ yeɔ ohiatsɛmɛ amimi. Imi Nyɔmtsɛ Tabohiatsɛ Mawu ɔ, lɛ i de.”

Yesaya 37:36

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli 185,000 ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Ezekiel 18:18

E tsɛ ɔ lɛɛ, e waa nihi yi mi, e kpɔ̃ɔ̃ e nyɛmi nɔ́ ngɛ e dɛ, nɛ e peeɔ nɔ́ nɛ dɛ ngɛ e ma a mi; lɔ ɔ he ɔ, e ma gbo ngɛ e yayami ɔmɛ a he.

Amos 6:12

Anɛ okpɔngɔhi ma nyɛ maa tu fo ngɛ tɛ sa nɔ lo? Dɛbi! Anɛ nɔ ko ma nyɛ ma hu wo mi kɛ na kpakplaa lo? Dɛbi! Se nyɛɛ lɛɛ nyɛ tsake dami sane yemi kɛ pee duɔ; nyɛ tsake nɔ́ nɛ da kɛ pee nɔ́ nɛ dɛ.

Mika 2:9

Nyɛ fie yi ɔmɛ ngɛ ye ma a mi kɛ je a we kpakpa amɛ a mi, nɛ a bimɛ ɔmɛ lɛɛ nyɛ kpɔ ye gbaami ɔmɛ tsuo ngɛ a dɛ.

Zakaria 8:6

“Ke e he maa wa ha nihi nɛ piɛ ngɛ ma a mi be nɛ ɔ mi kaa ní nɛ ɔmɛ ma nyɛ ba ma a mi ɔ, anɛ imi hu e he maa wa ha mi lo?

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Luka 1:32

E ma ba pee nɔmlɔ nguaa, nɛ a ma tsɛ lɛ ke Hiɔwe No ɔ Bi. Nyɔmtsɛ Mawu maa pee lɛ matsɛ kaa bɔ nɛ e pee e nɛ̃ David ɔ.

Luka 1:35

Bɔfo ɔ de lɛ ke, “Mumi Klɔuklɔu ɔ maa ba o nɔ; Hiɔwe No ɔ he wami ɔ maa ba o nɔ. Enɛ ɔ he je ɔ, bi klɔuklɔu ɔ nɛ o ma fɔ ɔ, a ma tsɛ lɛ Mawu Bi.

Luka 1:76

“Nɛ mo, ye bi, a ma tsɛ mo Hiɔwe No ɔ gbalɔ. O maa sɛ Nyɔmtsɛ ɔ hlami, nɛ o ma dla e blɔ ɔ kɛ to lɛ.

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.

Romabi 11:33

Niatsɛ mi niatsɛ ji Mawu! Hyɛ bɔ nɛ e nile, kɛ juɛmi hiɛ ha! Mɛnɔ le bɔ nɛ e toɔ e yi mi ha? Blɔ nɔ nɛ e guu kɛ tsuɔ ní ɔ, mɛnɔ le?

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

1 Petro 4:12

Nyɛmimɛ nɛ i suɔ, bɔ nɛ a ngɛ nyɛ hemi kɛ yemi ɔ kae, nɛ nyɛ ngɛ nɔ́ nae ɔ, e ko pee nyɛ nyakpɛ. Nyɛ ko susu kaa nɔ́ ko nɛ bɛ hyɛ nyɛ ngɛ nae ɔ.

1 Yohane 3:13

Ye nyɛmimɛ nɛ i suɔ, lɔ ɔ he ɔ, ke je ɔ ngɛ nyɛ nyɛe ɔ, nyɛ hɛ mi ko pee nyɛ yaa.