Fiɛlɔ 5:6 - BAIBLO ALOO NGMAMI KLƆUKLƆU Ɔ

⁶ Ko ha nɛ mo nitsɛ o nya mi munyu nɛ bu mo fɔ, nɛ o ba ye pɔpu, nɛ o de Mawu we osɔfo ɔ ke o nɔ́ be mi. Mɛni he je lɛ o ma ha nɛ Mawu mi mi nɛ fu mo? Níhi nɛ o gbo a he dengme ɔ, mɛni he je o ma ha nɛ Mawu nɛ kpata a hɛ mi?

Fiɛlɔ 5:6 ပူးပေါင်းရင်းမြစ်များ

Mose I, 48:16

Mawu bɔfo ɔ nɛ hyɛ ye nɔ, nɛ je mi kɛ je haomihi tsuo a mi ɔ, e gbaa nyumuwi nɛ ɔmɛ! Nyumuwi nɛ ɔmɛ nɛ a wo imi, kɛ nɛnɛ Abraham, kɛ tsaatsɛ Isak wa biɛ ɔmɛ a hɛ mi nyami daa! A fɔ, nɛ a he nɛ hiɛ babauu ngɛ zugba a nɔ!”

Abɛ Womi 23:17

Hyɛ nɛ o hɛ ko kɔ yayami peeli a nɔ, mohu ɔ, ye Yawɛ gbeye daa.

Fiɛlɔ 10:12

Ní lelɔ nya mi munyu haa nɛ e hɛ mi baa nyami. Se kuasia kɛ e munyu kpataa lɛ nitsɛ e hɛ mi.

Fiɛlɔ 3:14

I le kaa nɔ́ tsuaa nɔ́ nɛ Mawu pee ɔ maa hi si kɛ ya neneene; a be nyɛe nɛ a ngɔ nɔ́ ko kɛ piɛ he, loo a je nɔ́ ko ngɛ mi. Mawu lɛ pee jã, konɛ a ye lɛ gbeye.

Mose III, 4:2

ke e de Israel bi ɔmɛ ke, ke a ti nɔ ko pee nɔ́ ko nɛ a nyɛ nɛ e kɛ tɔ̃ Yawɛ mlaa amɛ eko nɔ, nɛ pi kaa nɔ ɔ je blɔ tɔ̃ ɔ, a ye blɔ nya tomi nɛ ɔmɛ a nɔ.

Mose III, 4:22

Ke nɔ yelɔ ko li e he be nɛ e tɔ̃ Yawɛ, e Mawu ɔ mlaa amɛ eko nɔ,

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Malaki 3:1

Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”

Mose IV, 15:25

Osɔfo ɔ maa da Israel ma kpekpemi ɔ tsuo nane mi, nɛ e maa pee kusumi kɛ kpata Yawɛ. A maa ngɔ a he yayami ɔmɛ ngɔ pa mɛ; ejakaa a li nɛ a pee. Enɛ ɔ he hu lɛ a ngɔ yayami pami bɔ ɔ, kɛ niye ní bɔ ɔ kɛ ba ha Yawɛ kaa a li nɛ a pee.

1 Korintobi 11:10

Enɛ ɔ he ɔ, e sa kaa yo nɛ ha e yi nɔ kaa okadi ha hiɔwe bɔfo ɔmɛ kɛ tsɔɔ kaa a ha lɛ he blɔ ke e sɔle, loo e fiɛ Mawu sɛ gbi ɔ.

1 Timoteo 5:21

Ngɛ Mawu, kɛ Kristo Yesu, kɛ bɔfo klɔuklɔu ɔmɛ tsuo a hɛ mi ɔ, i ngɛ mo kita kae nɛ o ye mlaa nɛ ɔmɛ a nɔ pɛpɛɛpɛ. Ke o ngɛ nɔ́ ko pee ɔ, koo hyɛ nɔ hɛ mi. Jehanɛ hu, ko ha nɛ nɔ ko ní peepee nɛ sa o hɛ mi pe nɔ kpa nɔ́.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Yakobo 1:26

Anɛ nyɛ ti nɔ ko susuu kaa e ngɛ Mawu jae bɔ nɛ sa lo? Jamɛ a nɔ ɔ, e kɔ e lilɛ mi. Ke e kɔɛ e lilɛ mi ɔ, tsa pi Mawu nɛ e ngɛ jae, se lɛ nitsɛ e he kɛkɛ nɛ e ngɛ sisie.

Yakobo 3:2

Wɔ tsuo wa pɔɔ tɔmi peemi babauu. Se ke nɔ ko tɔ we ngɛ munyu tumi mi ɔ, lɛɛ nɔmlɔ nɛ hi kɛ pi si ji lɛ, nɛ e ma nyɛ maa ye e nɔmlɔ tso ɔ tsuo nɔ hulɔ.

2 Yohane 1:8

Lɔ ɔ he ɔ, nyɛɛ hyɛ nyɛ he saminya, konɛ ní nɛ wa tsu ɔ, nyɛ ko je mi dɛ gu; se mohu nyɛ ná hiɔwo nɛ sa.