Fiɛlɔ 5:5 - BAIBLO ALOO NGMAMI KLƆUKLƆU Ɔ

⁵ Afani nɛ o wui si kulaa, pe kaa o maa wo si, nɛ o be nɔ yee.

Fiɛlɔ 5:5 ပူးပေါင်းရင်းမြစ်များ

Abɛ Womi 20:25

Mo susu o yi mi saminya loko o wo Mawu si, konɛ e ko ba pee klama nɛ maa du mo pee se.

Mose III, 5:4

Ke nɔ ko ka kita nya mi gu kaa e maa pee nɔ́ ko, kpakpa jio, yaya jio, nɛ e li e he be ɔ, ke e ba na le ɔ, e yeɔ fɔ.

Yona 2:9

Se imi lɛɛ ma la kɛ je o yi, ma sã bɔ ha mo, nɛ ma ye ye siwo ɔ nɔ; ejakaa mo Yawɛ pɛ ji nɔ nɛ heɔ nɔ yi wami.”

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Ni Tsumi 5:4

Benɛ zugba a ngɛ ɔ, o nɔ́; nɛ benɛ o jua a hu sika a mo nitsɛ o nɔ́. Mɛni he je o to o yi mi, nɛ o pee yayami kaa kikɛ nɛ ɔ? Nɔ́ nɛ o pee nɛ ɔ, pi adesa nɛ o ye lakpa, se Mawu!”

Mose V, 23:21

“Ke o wo Yawɛ, o Mawu ɔ si ɔ, ye nɔ; koo to tsle. Yawɛ hyɛɛ blɔ kaa o ye o siwo ɔ nɔ; nɛ ke o pee we ja a, e ji tɔmi.

Mose V, 23:22

Ke o wui Yawɛ si kulaa a, e pi tɔmi.

Manyadali 11:35

Benɛ Yefta na lɛ ɔ, e kɛ aywilɛho hía e tade ɔmɛ, nɛ e de ke, “Akuanyɛ! Ye biyo, o tsɔ ye tsui kpa! Hyɛ amanehlu nɛ o kɛ ba ye nɔ! I wo Yawɛ si, nɛ i be nyɛe ma kpale ye nya se.”