Fiɛlɔ 5:2 - BAIBLO ALOO NGMAMI KLƆUKLƆU Ɔ

² Ke o maa tu munyu ko ɔ, mo susu he; o he ko sɔ kɛ wo Mawu si. Mawu ɔ, hiɔwe lɛ e ngɛ; moo lɛɛ zugba nɛ ɔ nɔ o ngɛ. Lɔ ɔ he ɔ, koo tu munyu fuu.

Fiɛlɔ 5:2 ပူးပေါင်းရင်းမြစ်များ

Mateo 6:7

“Ke nyɛ ngɛ sɔlee ɔ, nyɛ ko tu munyu putɛputɛɛ kaa bɔ nɛ wɔ jali peeɔ ɔ. Mɛɛ lɛɛ a susuu kaa ke a tu munyu fuu loko Mawu maa bu mɛ tue.

Abɛ Womi 10:19

Nɔ nɛ tuɔ munyu babauu ɔ, e kɛ we nɛ e peeɔ yayami. Ní lelɔ lɛɛ e hyɛɛ e lilɛ nɔ saminya.

Yesaya 55:9

Bɔ nɛ hiɔwe kɛ zugba a kpɛti kɛ ɔ, ja ye blɔ ɔmɛ, kɛ nyɛ blɔ ɔmɛ a kpɛti kɛ, nɛ ja nɔuu ye susumi ɔmɛ hu pã nyɛ susumi ɔmɛ.

Mateo 6:9

Lɔ ɔ he ɔ, nyɛɛ sɔle kaa kikɛ nɛ ɔ: ‘Wa Tsɛ nɛ ngɛ hiɔwe; O biɛ ɔ he nɛ tsɔ.

Fiɛlɔ 5:7

Nlami babauu kɛ munyu fuu ɔ, nɔ́ ko nɔ́ ko be mi; lɛ tsuo peeɔ yaka. Moo lɛɛ ye Mawu gbeye.

Mose I, 18:27

Abraham tu munyu ekohu ke, “Nyɔmtsɛ, i kpa mo pɛɛ nɛ o ngɔ kɛ pa mi kaa ma da o hɛ mi kɛ tu munyu. Zu kɛ la zu kɛkɛ ji mi, nɛ i be he blɔ nɛ i deɔ nɔ́ ko.

Yakobo 3:2

Wɔ tsuo wa pɔɔ tɔmi peemi babauu. Se ke nɔ ko tɔ we ngɛ munyu tumi mi ɔ, lɛɛ nɔmlɔ nɛ hi kɛ pi si ji lɛ, nɛ e ma nyɛ maa ye e nɔmlɔ tso ɔ tsuo nɔ hulɔ.

Fiɛlɔ 5:3

Haomi babauu kɛ dekla, aloo nlami basabasa baa; nɛ munyu fuu a kɛ yoɔ kuasia gbi.

Abɛ Womi 20:25

Mo susu o yi mi saminya loko o wo Mawu si, konɛ e ko ba pee klama nɛ maa du mo pee se.

Mose I, 28:20

Yakob ka Yawɛ kita ke, “Ke o kɛ mi maa hi si, nɛ o maa bu ye he ngɛ blɔ nɛ i ngɛ hiae nɛ ɔ nɔ, ke o ma ha mi ngma nɛ ma ye, kɛ tade nɛ ma wo;

La 115:3

Wa Mawu ɔ, hiɔwe e ngɛ; nɔ́ tsuaa nɔ́ nɛ e suɔ ɔ, lɔ ɔ e peeɔ.

Mose I, 18:32

Abraham de ke, “Nyɔmtsɛ, i kpa mo pɛɛ, o mi mi nɛ ko fu, ha ma tu munyu si kake nɛ ɔ pɛ. Alini, ke dali nyɔngma pɛ lɛ ngɛ ma a mi nɛɛ?” Yawɛ he nɔ ke, “Ke i na dali nyɔngma ngɛ lejɛ ɔ, i be ma a hɛ mi kpatae.”

Mose I, 18:30

Abraham de ke, “Nyɔmtsɛ, i kpa mo pɛɛ, o mi mi nɛ ko fu, ha ma de ekohu. Ke alini, dali nyingmi etɛ pɛ lɛ ngɛ ma a mi nɛɛ?” Yawɛ he nɔ ke, “Ke i na dali nyingmi etɛ ngɛ lejɛ ɔ, i be ma a hɛ mi kpatae.”

Manyadali 11:30

Yefta wo Yawɛ si ke, “Ke o ngɔ Amon bi ɔmɛ ngɔ wo ye dɛ mi,

Marko 6:23

E ka lɛ kita ke, “Nɔ́ tsuaa nɔ́ nɛ o ma bi mi ɔ, ma ha mo; ke ye matsɛ yemi ɔ mi fa tete po ma ha mo!”

Mose I, 28:22

Kaimi tɛ nɛ ɔ nɛ i ngɔ ma si kaa titima nɛ ɔ, maa pee he nɛ a ma ja mo ngɛ; nɛ nɔ́ tsuaa nɔ́ nɛ o ma ha mi ɔ, ma ngɔ e mi dlami nyɔngma mi kake kɛ ha mo.”

Mose III, 5:4

Ke nɔ ko ka kita nya mi gu kaa e maa pee nɔ́ ko, kpakpa jio, yaya jio, nɛ e li e he be ɔ, ke e ba na le ɔ, e yeɔ fɔ.

Fiɛlɔ 10:12

Ní lelɔ nya mi munyu haa nɛ e hɛ mi baa nyami. Se kuasia kɛ e munyu kpataa lɛ nitsɛ e hɛ mi.

Fiɛlɔ 10:13

E jeɔ sisi kɛ kuasia munyu tumi, nɛ e gbeɔ nya kɛ godo.