Fiɛlɔ 5:18 - BAIBLO ALOO NGMAMI KLƆUKLƆU Ɔ

¹⁸ Hyɛ, nɔ́ nɛ i na kaa e hi, nɛ e sa kɛkɛ ji kaa nɔmlɔ nɛ ye ní, nɛ e nu ní, nɛ e na bua jɔmi. Wami be bɔɔ nɛ Mawu ha nɔmlɔ ngɛ je nɛ ɔ mi ɔ, dengme tsuo nɛ e gbo ɔ, e ye e mi ngɔɔmi; e blɔ fa mi nɔ́ ji lɔ ɔ nɛ.

Fiɛlɔ 5:18 ပူးပေါင်းရင်းမြစ်များ

La 42:8

Piani ɔ, Yawɛ maa na mi mɔbɔ, konɛ nyɔ mi ɔ, ma la nɛ ma fa kue ha lɛ Mawu, ye yi baalɔ ɔ.

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

Fiɛlɔ 2:10

Nɔ́ tsuaa nɔ́ nɛ i ngɛ hlae ɔ, i naa. Nɔ́ tsuaa nɔ́ nɛ i suɔ kaa ma pee ɔ, i peeɔ; i tsi we ye nya kɛ ji bua jɔmi ko he. Ní tsumi nɛ he wa po, i naa he bua jɔmi. Niinɛ, kikɛmɛ a bua jɔmi nɛ ɔ pɛ ji ye se nami ngɛ dengme tsuo nɛ i gbo ɔ he.

Fiɛlɔ 2:24

Lɛɛ nɔ́ nɛ sa adesa peemi ji kaa e ye ní, nɛ e nu ní, nɛ e na bua jɔmi kɛ je e dengme gbomi ɔ mi. Se kɛ̃ ɔ, i na kaa enɛ ɔ hu je Mawu ngɔ.

Fiɛlɔ 2:3

Ngɛ ye ní lemi ɔ kulaa se ɔ, i pee ye yi mi kaa ma nu dã, nɛ ma fiɛ, konɛ ye nɔ gbagba nɛ te. I susu kaa nɔ́ nɛ hi, nɛ sa nɔmlɔ adesa peemi ngɛ je mi e wami be ɔ tsuo ji nɛ ɔ nɛ.

Fiɛlɔ 3:22

Lɔ ɔ he ɔ, i na kaa nɔ́ pɛ nɛ sa nɔmlɔ peemi ji kaa níhi nɛ e gbo a he dengme ɔ, e na a he bua jɔmi; e blɔ fa mi níhi ji lɔ ɔmɛ. Nɔ́ nɛ maa ba ngɛ nɔ ko gbenɔ se ɔ, blɔ ko be nɛ e kɛ maa le.

Fiɛlɔ 6:2

Mawu ma ha nɔ ko sika, kɛ ní babauu, hɛ mi nyami, kɛ nɔ́ tsuaa nɔ́ nɛ nɔ ɔ tsui suɔ. Se e ha we lɛ he wami nɛ e kɛ ye ngɔɔmi ɔ, nɛ nɔ kpa mohu ma ba ye. Nɔ́ nɛ ɔ ji yaka dengme gbomi, kɛ he hiami.

Fiɛlɔ 8:15

Lɔ ɔ he ɔ, i na kaa e sa kaa nɔmlɔ adesa nɛ na bua jɔmi; ejakaa nɔ́ ko pa be je nɛ ɔ mi ha lɛ, pe kaa e ye ní, nɛ e nu ní, nɛ e na bua jɔmi. Ke nɔmlɔ ngɛ dengme gboe ngɛ je nɛ ɔ mi, ngɛ wami bɔɔ nɛ Mawu ha lɛ ɔ mi ɔ, nɔ́ nɛ e ma nyɛ maa pee ji nɛ ɔ nɛ.

Fiɛlɔ 9:7

Yaa nɛ o ya ye ní, nɛ o na bua jɔmi. Yaa nu wai, nɛ o tsui nɛ nɔ o mi; o ní tsumi ɔ sa Mawu hɛ mi momo.

Yeremia 52:34

Jehanɛ se hu, matsɛ ɔ haa lɛ yemi kɛ buami sika ko daa ligbi kɛ ya si e gbenɔ be.

1 Korintobi 16:16

nyɛɛ ba nyɛ he si ha nihi kaa kikɛ nɛ ɔ, kɛ ni nɛmɛ tsuo nɛ i kɛ mɛ tsuɔ ní ɔ.

Mose V, 12:18

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ, nyɛɛ ye bɔ sami ní nɛ ɔmɛ ngɛ Yawɛ, nyɛ Mawu ɔ hɛ mi pɛ, ngɛ he kake ɔ nɛ e to nɛ a ja lɛ Yawɛ, nyɛ Mawu ɔ ngɛ ɔ. Nyɛɛ kɛ bua jɔmi nɛ pee nɔ́ tsuaa nɔ́ ngɛ Yawɛ, nyɛ Mawu ɔ hɛ mi ngɛ lejɛ ɔ.

Mose V, 12:7

Nyɛɛ kɛ nyɛ we ɔmɛ tsuo maa ye ní ngɛ lejɛ ɔ, nɛ nyɛ bua maa jɔ niba ní kpakpahi nɛ Yawɛ, nyɛ Mawu ɔ kɛ gbaa nyɛ dengme gbomi nɔ ha nyɛ ɔ a he.

Mose V, 26:11

Mo nya ngɛ ní kpakpahi nɛ Yawɛ ha o kɛ o we ɔ he. Ha nɛ Levi no, kɛ nubwɔ nɛ kɛ mo ngɛ ɔ nɛ a piɛ o he kɛ nya.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.