Fiɛlɔ 5:13 - BAIBLO ALOO NGMAMI KLƆUKLƆU Ɔ

¹³ Nɔ́ yayami ko hu nɛ i na ngɛ je ɔ mi ji nɛ ɔ nɛ. Nihi buaa sika babauu nya, nɛ e ba peeɔ haomi ha mɛ.

Fiɛlɔ 5:13 ပူးပေါင်းရင်းမြစ်များ

Mose I, 19:14

Lot je kpo nɛ e ya de e ngatsɛmɛ ɔmɛ nɛ ba bi e biyi ɔmɛ a si ɔ ke, “Nyɛɛ pee esɔ nɛ nyɛɛ je hiɛ ɔ; Yawɛ yaa kpata ma a hɛ mi.” Se e pee e ngatsɛmɛ ɔmɛ kaa nɔ́ nɛ pe e kɛ mɛ ngɛ fiɛe.

Luka 16:19

“Nyumu niatsɛ ko hi si. E woɔ kploba tade nɛ ngɛ fɛu, nɛ he jua wa; nɛ daa nɛ ɔ, e yeɔ ní kpakpa, nɛ e naa bua jɔmi.

Zefania 1:18

Ligbi ɔ nɛ Yawɛ ma je e mi mi fumi ɔ kpo ɔ, nɔ́ ko nɔ́ ko be nyɛe ma he ma a yi wami: sika hiɔ jio, sika tsu jio. E kɛ e mi mi fumi ɔ ma kpata je ɔ tsuo hɛ mi kaa bɔ nɛ la sãã nɔ́ ɔ. E maa gbe níhi tsuo ngɛ je ɔ mi si kake too.

Fiɛlɔ 8:9

I na ní nɛ ɔmɛ tsuo, be mi nɛ i ngɛ níhi nɛ nimli adesahi peeɔ ngɛ je nɛ ɔ mi ɔ a he susue. Ni komɛ ngɔɔ blɔ nya nɛ a na a kɛ yeɔ a nyɛmimɛ awi.

Fiɛlɔ 4:8

Hyɛ kaa nɔ ko lɛ ngɛ. E be bi; e be nyɛmi ko; lɛ nɔ kake ngmelu pɛ lɛ ngɛ. Se daa nɛ ɔ, dengme nɔ kɛkɛ lɛ e ngɛ; e ní nɛ e na a pi ha lɛ. E bi we e he hyɛ ke dengme babauu nɛ e ngɛ gboe nɛ e yi e mi ngɔɔmi ko ɔ, mɛnɔ kulaa lɛ e ngɛ jamɛ a dengme ɔ gboe ha. Enɛ ɔ hu ji yaka nɔ ko; dengme gbomi gu nɛ bua jɔmi be mi.

Abɛ Womi 11:4

Ní babauu nɛ nɔ ko na a be nyɛe ma he e yi wami ngɛ kojomi ligbi ɔ nɔ. Nɔ́ nɛ ma nyɛ he e yi wami ji anɔkuale nɛ e yeɔ ɔ.

Abɛ Womi 1:32

Kuasiahi gboɔ, ejakaa a bui nile; a heɔ mɛ nitsɛmɛ a he yeɔ, nɛ nɔ́ nɛ ɔ kpataa a hɛ mi.

Abɛ Womi 1:19

Nihi tsuo nɛ guu awi yemi mi kɛ naa ní ɔ, bɔ nɛ a nyagbe ya baa ji nɛ ɔ nɛ; awi yemi mi nɔuu a gboɔ ngɛ.

Mose I, 14:16

Abram kpɔ ní ɔmɛ nɛ a ba ha a tsuo ngɛ he nyɛli ɔmɛ a dɛ. Jehanɛ, e wɔfase Lot, kɛ e ní ɔmɛ, kɛ e yi ɔmɛ, kɛ ni kpa amɛ nɛ a ba nuu ɔ hu, e nine su mɛ tsuo pɛpɛɛpɛ a nɔ.

Luka 19:8

Zakeo te da si nɛ e de Nyɔmtsɛ ɔ ke, “Nyɔmtsɛ, bu tue! Ma ngɔ ye níhi fa kɛ ha ohiatsɛmɛ. Ke i sisi nɔ ko ɔ, nɔ́ nɛ i kpɔ ngɛ e dɛ yaka a, ma ku ngɔ bɔ he si eywiɛ ha lɛ.”

Yesaya 2:20

Jamɛ a be ɔ, ni ɔmɛ ma sake amaga amɛ nɛ a kɛ sika tsu kɛ sika hiɔ pee nɛ a ma ja a ngɔ hɛ fɔ he ha jesihi kɛ apanihi.

Mose I, 19:26

Se Lot yo ɔ plɛ hyɛ e se, nɛ e plɛ pee ngo kpɔ.

Hiob 20:20

Akɛnɛ e li tɔ biɛ he je ɔ, nɔ́ tsuaa nɔ́ nɛ e na a, e yeɔ tsuatsuaatsua.

Fiɛlɔ 5:14

Tlukaa a, matahu ba poɔ mɛ, nɛ sika a tsuo hɛ mi kpataa. Kɛkɛ ɔ, nɔ́ ko pa píɛ nɛ a ma si ha a bimɛ.

Abɛ Womi 23:4

Ko gbo dengme ke doo ja o na ní. Ka kaa kikɛ nɛ ɔ, o hɛ mi nɛ ka si, nɛ o ye nɔ.

Abɛ Womi 27:24

ejakaa ní nami hí si kɛ yɛ neneene. Anɛ matsɛ yemi ko ngɛ nɛ be nyagbe lo?