Fiɛlɔ 5:11 - BAIBLO ALOO NGMAMI KLƆUKLƆU Ɔ

¹¹ He nɛ ní babauu ngɛ ɔ, ní yeli hu ngɛ lejɛ ɔ. Lɛɛ se nami nɛ niatsɛ ɔ naa pɛ ji kaa e le kaa nɔ́ ko ngɛ e dɛ.

Fiɛlɔ 5:11 ပူးပေါင်းရင်းမြစ်များ

1 Yohane 2:16

Nɔ́ tsuaa nɔ́ nɛ ngɛ je nɛ ɔ mi ɔ, je ɔ mi e je. Níhi nɛ he lo ɔ dii se, níhi nɛ hɛngmɛ dii se, kɛ níhi nɛ nihi fĩaa kɛ fɔɔ nɔ ɔ, lɛ tsuo je je nɛ ɔ mi; ekoeko ji Tsɛ ɔ ngɔ.

Habakuk 2:13

Ma amɛ nɛ o ye a nɔ ɔ, ní tsumi kpakpataa nɛ a tsu ɔ tsuo pee yaka. Níhi tsuo nɛ o bua nya a, la sã mɛ. Yawɛ Tabohiatsɛ ɔ lɛ tsu nɔ́ nɛ ɔ nɛ.

Abɛ Womi 23:5

Hɛngmɛfia pɛ sika a ma nyɛ laa mo; e maa pee kɔɔhiɔ nɛ e maa laa tlukaa kaa kɔle tee kɛ yaa hiɔwe.

Fiɛlɔ 6:9

E hi kaa o bua nɛ jɔ nɔ́ nɛ o ngɛ ɔ he, pe kaa daa nɛ ɔ, o ko suɔ nɛ o na nɔ́ kpa mohu. Enɛ ɔ hu ji yaka nɔ́ ko. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

Mose I, 13:2

Abram na ní kpɔtɔɔ; e ngɛ jijɔ, apletsi, na, sika hiɔ, kɛ sika tsu.

Mose I, 12:16

Sarai he ɔ, matsɛ ɔ hyɛ Abram nɔ saminya; Abram na jijɔhi, nahi, tejihi, nyɔguɛhi nyumuhi kɛ yihi, kɛ afukpɔngɔhi babauu.

Yeremia 17:11

Nɔ nɛ náá ní ngɛ blɔ nɛ dɛ nɔ ɔ, e ngɛ kaa bebee nɛ ya bu hlui nɔ nɛ e pɛ bi, nɛ pohu pi lɛ nɛ ngmɛ hlui ɔ. E nihe mi ɔ, e dɛ mi ma ba ta; nɛ e nyagbe be mi ɔ, e ma ba pee kuasia.

Fiɛlɔ 2:9

Niinɛ, i pee nɔmlɔ nguaa, nɛ i he biɛ kulaa pe nihi tsuo nɛ sɛ ye hlami ngɛ Yerusalem; ye nile ɔ hu se pui gblegbleegble.

Fiɛlɔ 5:12

Apaatsɛ ɔ, e ye ní bɔɔ jio, e ye fuu jio, e hwɔɔ mahe bɔ nɛ sa. Se niatsɛ lɛɛ e ní babauu ɔ ha we nɛ e hwɔɔ mahe.