Fiɛlɔ 5:1 - BAIBLO ALOO NGMAMI KLƆUKLƆU Ɔ

¹ Ke o yaa Mawu we ɔ, hyɛ o he nɔ saminya. E hi kaa o ma ya kase ní ngɛ lejɛ ɔ, pe nɔ́ nɛ o ma ya sã bɔ kaa bɔ nɛ kuasiahi peeɔ ɔ; ejakaa a li kaa a ngɛ yayami pee.

Fiɛlɔ 5:1 ပူးပေါင်းရင်းမြစ်များ

Yakobo 1:19

Ye nyɛmimɛ nɛ i suɔ, nyɛ hɛ nɛ hi enɛ ɔ nɔ. Ke nɔ ko ngɛ munyu tue ɔ, nyɛɛ bu tue; nyɛ he ko sɔ kɛ tu munyu, nɛ nyɛ mi mi hu ko fu mla.

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

Abɛ Womi 21:27

Yayami peelɔ bɔ ɔ, Yawɛ sume kulaa, hluu nɛ a de ke yi mi tomi yayami piɛ bɔ ɔ he.

La 89:7

A buu mo ngɛ ni klɔuklɔuhi a kpe ɔ mi; mɛ tsuo pɛpɛɛpɛ a yeɔ mo gbeye.

Yoshua 5:15

Yawɛ tabo ɔ nyatsɛ ɔ de Yoshua ke, “Je o tokota a; zugba klɔuklɔu nɔ o daa si ngɛ ɔ nɛ.” Nɛ Yoshua pee ja.

Mose II, 3:5

Mawu de lɛ ke, “Koo hɛ mo kɛ su hiɛ ɔ! Je o tokota a, ejakaa zugba klɔuklɔu nɔ o daa si ngɛ ɔ nɛ!”

Hebribi 10:26

Amlɔ nɛ ɔ nɛ wa na le anɔkuale ɔ nɛ kɔɔ sane kpakpa a he ɔ, ke wa je blɔ ngɛ yayami pee kɛ mwɔɔ ɔ, bɔ kpa ko be nɛ a maa sã kɛ je yayami ɔ.

1 Korintobi 11:22

Anɛ nyɛ be nyɛ nitsɛmɛ nyɛ wehi nɛ nyɛ maa ye ní, nɛ nyɛ maa nu ní ngɛ lejɛ ɔmɛ lo? Aloo pe nyɛ ngɛ hlae nɛ nyɛɛ gbe Mawu asafo ɔ he guɛ, nɛ nyɛ pue ni nɛmɛ nɛ be nɔ́ ko ɔ a hɛ mi si? Kɛ ma de nyɛ kɛɛ? Ma je nyɛ yi lo? Dɛbi, i be nyɛ yi jee!

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

Ni Tsumi 17:11

Beroya bi ɔmɛ a tue wɛ kaa Tesalonika bi ɔmɛ. Mɛɛ lɛɛ a he munyu ɔ ye kɛ a tsui tsuo, nɛ daa nɛ ɔ, a kpaa ngmami ɔmɛ a mi kaa níhi nɛ Paulo de a ngɛ mi ja lo.

Ni Tsumi 10:33

Lɔ ɔ he ɔ, amlɔ nɔuu ɔ, i tsɔ nihi o ngɔ; nɛ o pee saminya kaa o ba. Amlɔ nɛ ɔ nɛ wɔ tsuo wa ba bua ngɛ Nyɔmtsɛ hɛ mi ngɛ hiɛmɛ nɛ ɔ, nɔ́ tsuaa nɔ́ ko nɛ Nyɔmtsɛ ɔ de mo ɔ, wa suɔ nɛ waa maa nu.”

Mose III, 10:3

Kɛkɛ nɛ Mose de Aaron ke, “Enɛ ɔ ji nɔ́ nɛ Yawɛ de ɔ nɛ. E ke, ‘Nihi nɛ hɛ mɛ kɛ su ye he ɔ, ma tsɔɔ mɛ bɔ nɛ i ngɛ klɔuklɔu ha, nɛ a maa wo ye hɛ mi nyami ngɛ ma a tsuo hɛ mi.’ ” Se Aaron de we nɔ́ ko.

Kronika II, 26:16

Se benɛ Uzia tsɛ yemi ɔ ba he si ɔ, e wo e he nɔ, nɛ nɔ́ nɛ ɔ ha nɛ e hɛ mi kpata. E ya sã tsopa kɛ e he via ngɛ tsopa kɛ e he via sami la tɛ ɔ nɔ ngɛ Yawɛ we ɔ, nɛ e kɛ nɔ́ nɛ ɔ tɔ̃ Yawɛ, e Mawu ɔ nɔ.

Mose II, 30:18

“Moo pee akɔblee kã kɛ e sisi akɔblee kla. Ngɔɔ kɛ ma kpe he bo tsu ɔ kɛ bɔ sami la tɛ ɔ a kpɛti, nɛ o yɛ nyu kɛ wo mi.

Hiob 22:12

Niinɛ, Mawu ngɛ hiɔwe lokoo! Se dodoehi nɛ ngɛ hiɔwe lokoo ɔ, anɛ Mawu lɛɛ e hyɛ we mɛ kaa nɔ́ nɛ zugba lɛ a ngɛ lo?

Abɛ Womi 10:19

Nɔ nɛ tuɔ munyu babauu ɔ, e kɛ we nɛ e peeɔ yayami. Ní lelɔ lɛɛ e hyɛɛ e lilɛ nɔ saminya.