Fiɛlɔ 4:8 - BAIBLO ALOO NGMAMI KLƆUKLƆU Ɔ

⁸ Hyɛ kaa nɔ ko lɛ ngɛ. E be bi; e be nyɛmi ko; lɛ nɔ kake ngmelu pɛ lɛ ngɛ. Se daa nɛ ɔ, dengme nɔ kɛkɛ lɛ e ngɛ; e ní nɛ e na a pi ha lɛ. E bi we e he hyɛ ke dengme babauu nɛ e ngɛ gboe nɛ e yi e mi ngɔɔmi ko ɔ, mɛnɔ kulaa lɛ e ngɛ jamɛ a dengme ɔ gboe ha. Enɛ ɔ hu ji yaka nɔ ko; dengme gbomi gu nɛ bua jɔmi be mi.

Fiɛlɔ 4:8 ပူးပေါင်းရင်းမြစ်များ

Mose I, 2:18

Enɛ ɔ se ɔ, Yawɛ Mawu de ke, “E hí kaa nyumu ɔ nɔ kake too nɛ hi si; ma ha lɛ he piɛlɔ nɛ sa lɛ.”

La 39:6

Ee, nɔmlɔ adesa ngɛ kaa nini; yaka dengme kɛkɛ lɛ e ngɛ gboe. E buaa níhi a nya, se e li nɔ nɛ ma ba ye.

La 39:7

Nyɔmtsɛ, lɛɛ mɛni i pa ngɛ blɔe mɔ? Mo, o nɔ lɛ i ngɔ ye hɛ kɛ fɔ.

Abɛ Womi 27:20

Nɔmlɔ adesa hɛngmɛ tɔɛ gblee kɛ nɔ́ hyɛmi, kaa bɔ nɛ gbenɔ hii nɔ hɛ mi kpatae kpamisa nɛ e kpa we ɔ.

Fiɛlɔ 1:13

I bɔ mɔde kaa níhi tsuo nɛ a peeɔ ngɛ je nɛ ɔ mi ɔ, ma ngɔ ye nile ɔ kɛ hla mi fitsofitso. Ní tsumi nɛ Mawu ngɔ ha nɔmlɔ adesa ke e tsu ngɛ je nɛ ɔ mi ɔ, haomi sɔuu; pi ní tsumi nɛ ngɔɔ.

Fiɛlɔ 1:8

Nɔ́ tsuaa nɔ́ ngɛ je nɛ ɔ mi ɔ peeɔ pɔtɔ kɛ yaka nɛ hi kalemi; nɔ́ hyɛmi kɛ munyu tumi gbi nɔ nya.

Fiɛlɔ 2:21

Ejakaa be komɛ ɔ, nɔ ko maa ngɔ nile, kɛ ga kɛ tsu ní wawɛɛ nitsɛ. Kɛkɛ ɔ, e ma si ha nɔ ko nɛ gbo we nɔ́ ɔ he dengme ko kulaa nɛ e ba ye. Enɛ ɔ hu ji yaka dengme, kɛ yayami agbo.

Fiɛlɔ 2:23

Níhi nɛ nɔmlɔ adesa tsuɔ e wami be ɔ tsuo peeɔ haomi kɛ kɔmɔ yemi sɔuu. Nyɔ mi po e juɛmi ha we lɛ he jɔmi. Enɛ ɔ hu ji yaka nɔ́ ko.

Fiɛlɔ 4:7

I na nɔ́ kpa ko hu ngɛ je ɔ mi nɛ ji yaka dengme gbomi.

Fiɛlɔ 5:10

Nɔ nɛ suɔ sika a, sika tɔɛ lɛ; nɔ nɛ suɔ nɛ e na ní ɔ, ní babauu gbi e nya. Enɛ ɔ hu ji yaka nɔ́ ko.

Fiɛlɔ 5:9

Zugba a he se nami ɔ tsuo ba peeɔ nimli nɛ ɔmɛ a nɔ́. Jehanɛ se hu, ngmɔ ko ngmɔ ko be nɛ a tsu we tó ngɛ he.

Yesaya 5:8

Musu tloo nyɛ! Wehi babauu, kɛ zugbahi nyɛ ngɛ hee kɛ ngɛ ní nɛmɛ nɛ nyɛ ngɛ momo ɔ a he piɛe. E be kɛe kulaa nɛ nɔ kpa ko be he ko nae maa hi hu, nɛ e maa piɛ nyɛ pɛ ngɛ zugba a nɔ.

Yesaya 55:2

Mɛni he je nyɛ puɛɔ sika kɛ heɔ nɔ nɛ be nyɛ tɔe? Mɛni he je nyɛ ngɔɔ nyɛ ní tsumi mi hiɔwo kɛ heɔ nɔ́ nɛ tɔɛ nɔ? Nyɛɛ bu mi tue saminya nɛ nyɛɛ pee nɔ nɛ i ngɛ dee ɔ; kɛkɛ nyɛ maa ye ní kpakpahi nɛ nyɛ bua maa jɔ nyɛ he.

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Luka 12:20

Se Mawu de lɛ ke, ‘Kuasia! Nyɔ nɛ ɔ mi nɔuu i ngɛ o wami ɔ hee ngɛ o dɛ. Lɛɛ níhi nɛ o bua nya ngɔ to ɔ, mɛnɔ níhi nɛ a maa pee?’ ”

1 Yohane 2:16

Nɔ́ tsuaa nɔ́ nɛ ngɛ je nɛ ɔ mi ɔ, je ɔ mi e je. Níhi nɛ he lo ɔ dii se, níhi nɛ hɛngmɛ dii se, kɛ níhi nɛ nihi fĩaa kɛ fɔɔ nɔ ɔ, lɛ tsuo je je nɛ ɔ mi; ekoeko ji Tsɛ ɔ ngɔ.