Fiɛlɔ 3:6 - BAIBLO ALOO NGMAMI KLƆUKLƆU Ɔ

⁶ Be ngɛ nɛ a hlaa nɔ́, nɛ be ngɛ nɛ nɔ́ laa. Be ngɛ nɛ a baa nɔ́ yi, nɛ be ngɛ nɛ a sakee nɔ́ kɛ fɔɔ he.

Fiɛlɔ 3:6 ပူးပေါင်းရင်းမြစ်များ

Ni Tsumi 27:19

Ligbi etɛne ɔ, mɛ nitsɛmɛ a je lɛ ɔ he ní ɔmɛ ekomɛ ngɔ pue wo ɔ mi.

Ni Tsumi 27:38

Benɛ a ti nɔ tsuaa nɔ ye ní bɔ nɛ e ma nyɛ ɔ, a je ngma a tsuo ngɔ wo wo ɔ mi, konɛ lɛ ɔ nɛ pee huyɛhuyɛ.

Mateo 19:29

Nɔ tsuaa nɔ nɛ ma si wehi, loo nyɛminyumuhi, loo nyɛmiyihi, loo e tsɛ, loo e nyɛ, loo bimɛ, loo zugba ngɛ ye he ɔ, a maa to lɛ nane mi totoe lafa, nɛ a ma ha lɛ neneene wami.

Fiɛlɔ 11:1

Mo sake o nɔ́ kpakpa ko ngɔ fɔ nyu hɛ, nɛ hwɔɔ se ko ɔ, o ma ba ná he se.

La 112:9

E keɔ ohiatsɛmɛ ní kɛ jeɔ e tsui mi faa. E naa mɔbɔ daa. E hɛ mi maa ba nyami, nɛ a maa bu lɛ.

Matsɛmɛ II, 5:26

Se Elisha de lɛ ke, “Anɛ benɛ nyumu ɔ kple si kɛ je e zugba lɛ ɔ mi nɛ e kɛ mo ba kpe ɔ, i be lejɛ ɔ ngɛ mumi mi lo? Anɛ be nɛ a kɛ heɔ sika, loo tadehi, loo oliv abɔɔhi, loo wai ngmɔhi, loo tohi, loo nahi, loo mawahi ji nɛ ɔ lo?

Yona 1:5

Lɛ hluili ɔmɛ ye gbeye, nɛ nɔ tsuaa nɔ kpa ngmlaa kɛ tsɛ e mawu. A je tlomi ɔmɛ kɛ wo wo ɔ mi konɛ lɛ ɔ nɛ pee huyɛhuyɛ ha mɛ. Se Yona lɛɛ e kple si kɛ ho lɛ ɔ sisi ya tɔɔ, nɛ e ya hwɔ si nɛ e hwɔ mahe vii.

Yesaya 2:20

Jamɛ a be ɔ, ni ɔmɛ ma sake amaga amɛ nɛ a kɛ sika tsu kɛ sika hiɔ pee nɛ a ma ja a ngɔ hɛ fɔ he ha jesihi kɛ apanihi.

Matsɛmɛ II, 8:9

Kɛkɛ nɛ Hazael pue nɔ kɛ ho Elisha ngɔ ya. E hɛɛ nike níhi nɛ ji Damasko ní kpakpa amɛ tsuo eko tsuaa eko afukpɔngɔ nyingmi eywiɛ yi tlomi kɛ ho. Benɛ e ya na Elisha a, e de lɛ ke, “O binyumu Benhadad, Siria matsɛ ɔ tsɔ mi ke ma ba bi mo ke hiɔ nɛ e ngɛ nue nɛ ɔ, e ma na he wami lo?”

Matsɛmɛ II, 7:15

Tsɔli ɔmɛ nyɛɛ Siria bi ɔmɛ a se kɛ ya su Yordan pa a nya tɔɔ. Benɛ a yaa a, a na tadehi, kɛ ní kpa komɛ nɛ Siria bi ɔmɛ sake ngɔ pue blɔ ɔ tue benɛ a ngɛ fo tue esɔesɔ ɔ. Tsɔli ɔmɛ kpale a se kɛ ba nɛ a ba bɔ matsɛ ɔ amaniɛ.

Fiɛlɔ 3:5

Be ngɛ nɛ a sakee tɛhi ngɔ pueɔ he, nɛ be ngɛ nɛ a buaa tɛhi a nya. Be ngɛ nɛ a fuaa nɔ atuu, nɛ be ngɛ nɛ a fua we nɔ atuu.

Fiɛlɔ 3:7

Be ngɛ nɛ a híaa nɔ́, nɛ be ngɛ nɛ a kpɛɔ nɔ́. Dii peemi be ngɛ, nɛ munyu tumi be ngɛ.