Fiɛlɔ 3:22 - BAIBLO ALOO NGMAMI KLƆUKLƆU Ɔ

²² Lɔ ɔ he ɔ, i na kaa nɔ́ pɛ nɛ sa nɔmlɔ peemi ji kaa níhi nɛ e gbo a he dengme ɔ, e na a he bua jɔmi; e blɔ fa mi níhi ji lɔ ɔmɛ. Nɔ́ nɛ maa ba ngɛ nɔ ko gbenɔ se ɔ, blɔ ko be nɛ e kɛ maa le.

Fiɛlɔ 3:22 ပူးပေါင်းရင်းမြစ်များ

Fiɛlɔ 2:24

Lɛɛ nɔ́ nɛ sa adesa peemi ji kaa e ye ní, nɛ e nu ní, nɛ e na bua jɔmi kɛ je e dengme gbomi ɔ mi. Se kɛ̃ ɔ, i na kaa enɛ ɔ hu je Mawu ngɔ.

Fiɛlɔ 10:14

Kuasia tuɔ munyu babauu. Nɔ ko nɔ ko li hwɔɔ se sane; nɔ́ nɛ maa ba ngɛ wa gbenɔ se ɔ, mɛnɔ ma nyɛ ma de?

Fiɛlɔ 8:7

Wa ti nɔ ko nɔ ko li nɔ́ nɛ maa ba hwɔɔ se. Mɛnɔ lɛ ma nyɛ maa tsɔɔ be mi nɛ nɔ́ ko maa ba?

Fiɛlɔ 6:12

Mɛnɔ lɛ le nɔ́ nɛ hi ha nɔmlɔ ngɛ e wami be bɔɔ nɛ ɔ mi? Nɔmlɔ wami pi nɔ́ ko kulaa; e ngɛ kaa nini nɛ bee kɛ yaa. Mɛnɔ ma nyɛ ma de nɔ ko nɔ́ nɛ maa ba ngɛ je ɔ mi ngɛ e gbenɔ se?

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

Mateo 6:34

Lɔ ɔ he ɔ, nyɛ ko hao nyɛ he ha hwɔɔ; ejakaa hwɔɔ hu ma kɛ lɛ nitsɛ e haomihi babauu. Haomihi nɛ baa daa ligbi ɔ, e hia we kaa waa ngɔ ekpa ko kɛ ba piɛ ligbi ko nɔ́ he hu.

Daniel 12:13

“Mo Daniel, ye anɔkuale kɛ yaa si nyagbe. O ma ba gbo, se o maa te si ekohu, nɛ nyagbe ligbi ɔ, o nine maa su o blɔ fa mi nɔ́ ɔ nɔ.”

Fiɛlɔ 9:12

Nɔmlɔ adesa li e be. Be yayami ba naa nɔ tlukaa kaa bɔ nɛ lo duɔ ya, aloo kaa bɔ nɛ lohwe pɛlitsɛ duɔ klama a.

Fiɛlɔ 8:15

Lɔ ɔ he ɔ, i na kaa e sa kaa nɔmlɔ adesa nɛ na bua jɔmi; ejakaa nɔ́ ko pa be je nɛ ɔ mi ha lɛ, pe kaa e ye ní, nɛ e nu ní, nɛ e na bua jɔmi. Ke nɔmlɔ ngɛ dengme gboe ngɛ je nɛ ɔ mi, ngɛ wami bɔɔ nɛ Mawu ha lɛ ɔ mi ɔ, nɔ́ nɛ e ma nyɛ maa pee ji nɛ ɔ nɛ.

Hiob 14:21

Ke e gbo ɔ, e bimɛ a hɛ mi ba nyami jio, e bimɛ a hɛ mi pue si jio, e li.

Mose V, 28:47

Yawɛ gbaa nyɛ ngɛ blɔ tsuaa blɔ nɔ, se nyɛ sume nɛ nyɛ sɔmɔ lɛ kɛ bua jɔmi, kɛ nyami nɛ je tsui mi.

Mose V, 12:18

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ, nyɛɛ ye bɔ sami ní nɛ ɔmɛ ngɛ Yawɛ, nyɛ Mawu ɔ hɛ mi pɛ, ngɛ he kake ɔ nɛ e to nɛ a ja lɛ Yawɛ, nyɛ Mawu ɔ ngɛ ɔ. Nyɛɛ kɛ bua jɔmi nɛ pee nɔ́ tsuaa nɔ́ ngɛ Yawɛ, nyɛ Mawu ɔ hɛ mi ngɛ lejɛ ɔ.

Mose V, 12:7

Nyɛɛ kɛ nyɛ we ɔmɛ tsuo maa ye ní ngɛ lejɛ ɔ, nɛ nyɛ bua maa jɔ niba ní kpakpahi nɛ Yawɛ, nyɛ Mawu ɔ kɛ gbaa nyɛ dengme gbomi nɔ ha nyɛ ɔ a he.

Fiɛlɔ 2:18

Dengme babauu nɛ i gbo ngɛ je nɛ ɔ mi ɔ, i pa sume hu; ejakaa i le kaa níhi tsuo nɛ i bua nya a, ma si kɛ ha nɔ nɛ ma ba ye ye ní ɔ.

Fiɛlɔ 7:14

Ke níhi a mi hi ha mo ɔ, nya. Ke haomi ba hu, kai kaa Mawu lɛ pee bua jɔmi ɔ kɛ haomi ɔ tsuo, bɔ nɛ pee nɛ nɔmlɔ adesa nɛ ko le nɔ́ nɛ maa ba hwɔɔ se.

Fiɛlɔ 9:6

A gbo kɛ a suɔmi, ninyɛ, kɛ hɛkɔ ɔ tsuo. Níhi nɛ yaa nɔ ngɛ je nɛ ɔ mi ɔ, mɛɛ lɛɛ a pa be mi nɛ a peeɔ hu.