Fiɛlɔ 3:2 - BAIBLO ALOO NGMAMI KLƆUKLƆU Ɔ

² Fɔmi be ngɛ, nɛ gbenɔ be ngɛ; ní dumi be ngɛ, nɛ ní kpami be ngɛ.

Fiɛlɔ 3:2 ပူးပေါင်းရင်းမြစ်များ

Hebribi 9:27

Mawu to kaa adesa nɛ gbo si kake, nɛ lɔ ɔ se ɔ, a kojo lɛ.

Hiob 14:5

Nɔmlɔ adesa wami se kɛmi, kɛ hlami abɔ nɛ e maa ye ngɛ je mi ɔ, a to ngɔ fɔ si momo. Mo nitsɛ o ma nɔ́ nɛ ɔ nya si momo, nɛ e be hie tsakemi.

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.

Luka 1:20

O he we ye sɛ gbi ɔ yi; se kɛ̃ e maa ba mi ngɛ be nɛ sa mi. Akɛnɛ o he we yi he je ɔ, o nya ma ma, nɛ o be nyɛe maa tu munyu hu kɛ yaa su ligbi ɔ nɛ si nɛ i wo mo ɔ maa ba mi.”

Mateo 15:13

Yesu he nɔ ke, “Tso tsuaa tso nɛ pi Tsaatsɛ nɛ ngɛ hiɔwe ɔ nɛ ma a, a maa hia.

Yohane 16:21

Ke yo ngɛ kɔe nɛ e ma fɔ ɔ, e haoɔ, ejakaa e dengme gbomi be ɔ su; se ke e fɔ pɛ, dengme tsuo nɛ e gbo ɔ, e hɛ jeɔ nɔ; ejakaa e naa bua jɔmi kaa e fɔ bi kɛ wo je ɔ mi.

Yesaya 38:1

Jamɛ a be ɔ mi ɔ, Matsɛ Hezekia ba nu hiɔ, nɛ e miɔ nɛ e ma gbo. Kɛkɛ nɛ gbalɔ Yesaya, Amoz binyumu ɔ ya nɛ e ya de lɛ ke, “Bɔ nɛ Yawɛ de ji nɛ ɔ nɛ: ‘Moo to o níhi blɔ nya ngɛ o we ɔ mi, ejakaa o yi be wami nae; o ma gbo!’ ”

Hiob 7:1

Nɔmlɔ adesa wami si himi ngɛ kaa ta; nɔmlɔ ngɛ kaa apaa yelɔ ngɛ je nɛ ɔ mi.

Ni Tsumi 7:20

Jamɛ a be ɔ mi nɔuu nɛ a fɔ Mose, binyumuyo kɛ e he fɛu. A hyɛ e nɔ ngɛ e tsɛ we ɔ nyɔhiɔ etɛ;

Ni Tsumi 7:17

“Benɛ be ɔ nɛ Mawu maa ye si nɛ e wo Abraham ɔ nɔ ɔ su ɔ, jamɛ a be ɔ, wa nyɛmimɛ ɔmɛ a he ba hiɛ babauu.

Yohane 7:30

Kɛkɛ nɛ a pee kaa a maa nu Yesu amlɔ nɔuu, se nɔ ko nɔ ko nyɛ we nɛ e ta e he, ejakaa e be ɔ sui lolo.

Luka 1:36

Na nɛ o le kaa o weku no Elizabet, nɛ bwɔ ɔ hu hɛɛ hɔ. Sa a, a le lɛ kaa yosa; se amlɔ nɛ ɔ, e hɛɛ mi nyɔhiɔ ekpa.

Luka 1:13

Se bɔfo ɔ de lɛ ke, “Zakaria, koo ye gbeye! Mawu nu o kue fami ɔ. O yo Elizabet ma fɔ binyumu ha mo, nɛ o maa wo lɛ biɛ ke Yohane.

Mateo 13:41

Nɔmlɔ Bi ɔ maa tsɔ e hiɔwe bɔfo ɔmɛ, nɛ a ma ba bua nimli nɛ ɔmɛ a nya ngɛ e matsɛ yemi ɔ mi: ni nɛmɛ nɛ haa nihi a nane kpataa, kɛ yayami peeli tsuo.

Yeremia 45:4

“Se imi Yawɛ, nɔ́ nɛ i ma a, lɔ ɔ nɔuu i ngɛ kue ɔ nɛ; nɔ́ nɛ i du ɔ, lɔ ɔ i ngɛ hiae ɔ nɛ. Bɔ nɛ ma pee je ɔ tsuo ji nɛ ɔ nɛ.

Yeremia 1:10

Mwɔnɛ ligbi nɛ ɔ, i ha mo he wami ngɛ je mahi, kɛ matsɛ yemihi a nɔ; o maa hia, o maa kũɔ, o ma puɛ, o ma kpata hɛ mi, o maa ma, nɛ o ma du.”

Yesaya 54:1

Yerusalem, jinɛ o ngɛ kaa yosa, se jehanɛ lɛɛ o ma nyɛ ma la nɛ o ma hwɔ lele. Jehanɛ lɛɛ o ma fɔ bimɛ babauu pe yo nɛ e kɛ e huno ngɛ tsu nya daa!

Yesaya 38:5

ke e ya nɛ e ya de Hezekia ke, “Imi Yawɛ, o nɛ̃ David Mawu ɔ, i nu o kue fami ɔ, nɛ i na o hɛ mi vo nyu ɔ. Ma ngɔ jeha nyɔngma kɛ enuɔ ngɔ piɛ o wami ligbi ɔmɛ a he ha mo.

La 113:9

E haa yosa fɔɔ bi; e plɛɔ peeɔ bimɛ a nyɛ, nɛ e bua jɔɔ e he saminya. A je Yawɛ yi.

La 52:5

Mawu hu maa ngɔ mo ngɔ fia si ja nɔuu kɛ maa ya neneene. E ma sá mo kɛ je o we ɔ mi; e ma je mo kɛ je hɛ kali a zugba a nɔ.

Hiob 14:14

Ke nɔmlɔ gbo ɔ, e kpaleɔ kɛ baa ekohu jinɛ i ko mlɛ kɛ yaa si ye haomi be nɛ ɔ se maa po, nɛ be kpakpa ma ba na mi.

Matsɛmɛ II, 4:16

nɛ Elisha de lɛ ke, “Hwɔɔ se jeha be nɛ ɔ mi ɔ, o maa hɛɛ binyumu ngɛ o kɔni bɔkɔ mi.” Yo ɔ de lɛ ke, “Dɛbi! Ye nyɔmtsɛ, koo mlɔɔ mi; Mawu nɔmlɔ ji mo!”

Matsɛmɛ I, 13:2

Kɛkɛ nɛ Yawɛ fa gbalɔ ɔ, nɛ e kpa ngmlaa ngɔ wo bɔ sami la tɛ ɔ ke, “Bɔ sami la tɛ! Bɔ sami la tɛ! Bɔ nɛ Yawɛ de ji nɛ ɔ nɛ: a ma fɔ binyumu ko ngɛ David we ɔ mi, nɛ a ma tsɛ e biɛ ke Yosia. E ma ba gbe osɔfo ɔmɛ nɛ a ngɛ tsopa kɛ e he via sãe ngɛ o nɔ ɔ, nɛ e maa sã nimlihi a wuhi ngɛ o nɔ.”

Samuel I, 2:5

Ni nɛmɛ nɛ tɔ hyɛ ɔ, a bɔni apaa yemi nɛ a kɛ na a nya mi ngma; ni nɛmɛ nɛ hwɔ ye mɛ ɔ, a hwɔ ɔ se po. Yosa a ba fɔ bimɛ kpaago, nɛ bimɛ a nyɛ ɔ ba pee kaa yo nɛ fɔ we hyɛ.

Mose V, 34:5

Yawɛ tsɔlɔ Mose gbo ngɛ lejɛ ɔ, ngɛ Moab zugba a nɔ kaa bɔ nɛ Yawɛ de to ɔ.

Mose I, 47:29

Benɛ Yakob gbenɔ be su ɔ, e tsɛ e bi Yosef, nɛ e de lɛ ke, “Ke o suɔ nɛ o sa ye hɛ mi ɔ, ngɔɔ o nine kɛ wo ye fiɔ enyɔ ɔmɛ a kpɛ, nɛ o ka mi kita kaa o maa ye mi anɔkuale, nɛ o be mi pue ngɛ Egipt zugba a nɔ.

Mose I, 17:21

Se o binyumu Isak nɛ Sara ma fɔ ha mo hiɛmɛ nɛ ɔ jeha a, ma ma ye somi ɔ nɔ mi ha lɛ.”

Abɛ Womi 24:27

Ke o maa po we ɔ, hu o ngmɔ ɔ kekle, nɛ o na nɔ́ ko kɛ je mi kɛ to, loko o po we ɔ.

Yesaya 28:24

Ngmɔ hulɔ ɔ, anɛ humi kɛkɛ e hii hue daa nɛ, nɛ e du we ní lo? Pe e hii zugba a tsuae kpamisa, nɛ e hii hɛ mi dlae kɛkɛ lo?