Fiɛlɔ 3:19 - BAIBLO ALOO NGMAMI KLƆUKLƆU Ɔ

¹⁹ Nɔ́ nɛ peeɔ nɔmlɔ adesa a, lɔ ɔ kɛ̃ lɛ peeɔ lohwe; nɔmlɔ gboɔ, nɛ lohwe hu gboɔ. Mumi kake ɔ nɔuu lɛ mɛ tsuo a muɔ. Nɔmlɔ pi lohwe ngɛ blɔ ko blɔ ko nɔ; ejakaa nɔmlɔ wami jio, lohwe wami jio, lɛ tsuo peeɔ yaka.

Fiɛlɔ 3:19 ပူးပေါင်းရင်းမြစ်များ

Samuel II, 14:14

Gbenɔ fɔɔ si kɛ ha wɔ tsuo; wa ngɛ kaa nyu nɛ a kpa pue si nɛ be hie muɔmi hu. Mawu lɛɛ e kpataa we susuma hɛ mi; se mohu e toɔ ga, konɛ nɔ ko nɛ a je lɛ we ɔ, e ko ba pee nɔmlɔ nɛ tlɔ nga pɛsɛpɛsɛ.

La 104:29

Ke o kua mɛ ɔ, a haoɔ. Ke o ngɔ a mumi ɔ, a gboɔ nɛ a kpaleɔ kɛ yaa zu mi he nɛ a je ɔ.

La 49:12

Nɔmlɔ adesa gboɔ kaa bɔ nɛ lohwehi tsuo gboɔ ɔ; e hɛ mi nyami ɔ kɛ lɛ hí si kɛ yɛ neneene.

La 49:13

Nihi nɛ ngɔɔ a hɛ kɛ fɔɔ mɛ nitsɛmɛ a he nɔ, kɛ ni nɛmɛ nɛ ní nami se pɛ a dii ɔ, bɔ nɛ a nyagbe maa ba ji nɛ ɔ nɛ:

La 49:20

Nɔmlɔ adesa gboɔ kaa bɔ nɛ lohwehi tsuo gboɔ ɔ, e we agboje ɔ kɛ lɛ hí si kɛ yɛ neneene.

Fiɛlɔ 1:14

Níhi tsuo nɛ a peeɔ ngɛ je nɛ ɔ mi ɔ, i na; nɛ i ngɛ dee ke lɛ tsuo yaka. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 1:17

I bɔ mɔde kaa ma hla slɔɔto nɛ ngɛ nile kɛ godo, aloo nile kɛ kuasia jemi a kpɛti. Se i na kaa nɔ́ nɛ ɔ hu ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 2:14

Ní lelɔ le he nɛ e yaa; kuasia lɛɛ e li. Se kɛ̃ ɔ, amanehlu kake ɔ nɔuu lɛ baa mɛ ni enyɔ ɔmɛ tsuo a nɔ.

Fiɛlɔ 2:16

Ní lelɔ ɔ, nɔ ko kaii we lɛ daa; kuasia hu, jã kɛ̃. Be bɔɔ kɛkɛ nihi a hɛ je mɛ tsuo a nɔ. Ní lelɔ gboɔ kaa bɔ nɛ kuasia gboɔ; slɔɔto be mi.

Fiɛlɔ 7:2

E hi kaa o maa ya we mi he nɛ a ngɛ kɔmɔ yee ngɛ, pe kaa o maa ya he nɛ a tsɛ ní yemi ngɛ. Ejakaa e hia kaa nihi nɛ ngɛ wami mi kɛ mwɔɔ ɔ, a kai be tsuaa be kaa gbenɔ ji wɔ tsuo wa nyagbe.

Fiɛlɔ 9:12

Nɔmlɔ adesa li e be. Be yayami ba naa nɔ tlukaa kaa bɔ nɛ lo duɔ ya, aloo kaa bɔ nɛ lohwe pɛlitsɛ duɔ klama a.

Fiɛlɔ 9:2

Sane nɛ maa ba nɔ kake nɔ ɔ, lɔ ɔ kɛ̃ lɛ maa ba nɔ kpa hu nɔ; dalɔ jio, yayami peelɔ jio; nɔmlɔ kpakpa jio, nɔmlɔ yayami jio; nɔ nɛ he tsɔ jio, nɔ nɛ he tsɔ we jio; nɔ nɛ sãã bɔ jio, nɔ nɛ sɛ̃ bɔ jio; nɔ́ nɛ maa ba nɔ kake nɔ ɔ, lɔ ɔ kɛ̃ lɛ maa ba nɔ kpa hu nɔ. Nɔmlɔ kpakpa kɛ yayami peelɔ ɔ, slɔɔto be a kpɛti; kita kalɔ kɛ nɔ nɛ sume kaa e ma ka kita hu, jã nɔuu.

Mose IV, 16:29

ke nimli nɛ ɔmɛ gbo mɛ nitsɛmɛ a gbenɔ, aloo a gbo ngɛ oslaa nya kaa bɔ nɛ nimli adesahi tsuo gboɔ ɔ, lɛɛ tsa pi Yawɛ nɛ tsɔ mi.