Fiɛlɔ 3:14 - BAIBLO ALOO NGMAMI KLƆUKLƆU Ɔ

¹⁴ I le kaa nɔ́ tsuaa nɔ́ nɛ Mawu pee ɔ maa hi si kɛ ya neneene; a be nyɛe nɛ a ngɔ nɔ́ ko kɛ piɛ he, loo a je nɔ́ ko ngɛ mi. Mawu lɛ pee jã, konɛ a ye lɛ gbeye.

Fiɛlɔ 3:14 ပူးပေါင်းရင်းမြစ်များ

Samuel II, 22:31

Mawu nɛ ɔ lɛɛ e blɔ ɔmɛ tsuo da; e siwo ɔmɛ hu anɔkuale sɔuu! E ngɛ kaa tsɛ̃i kɛ ha nɔ tsuaa nɔ nɛ ba saa we ngɛ e ngɔ.

La 33:11

Se Yawɛ yi mi tomi ɔmɛ ngɛ daa; e susumi ɔmɛ ngɛ kɛ yaa neneene.

La 64:9

Nɔ tsuaa nɔ maa ye gbeye. A maa sɛɛ nyakpɛ níhi nɛ Mawu tsu, nɛ a ma susu a he saminya.

La 76:10

Edom bi nɛ a mi mi fu ɔ, niinɛ, a ma je o yi kɛ̃. Nɛ ni nɛmɛ nɛ maa piɛ ngɛ Harmat ɔ maa ye o nyami be ɔmɛ.

Abɛ Womi 19:21

Nɔmlɔ adesa peeɔ e juɛmi ngɛ níhi babauu a he, se Yawɛ yi mi tomi ɔ pɛ lɛ baa mi.

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Abɛ Womi 30:6

Koo ngɔ nɔ́ ko kɛ piɛ Mawu munyu ɔmɛ a he. Ke o pee ja a, Mawu ma ka o hɛ mi, nɛ nihi tsuo maa na kaa lakpatsɛ ji mo.”

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Fiɛlɔ 5:6

Ko ha nɛ mo nitsɛ o nya mi munyu nɛ bu mo fɔ, nɛ o ba ye pɔpu, nɛ o de Mawu we osɔfo ɔ ke o nɔ́ be mi. Mɛni he je lɛ o ma ha nɛ Mawu mi mi nɛ fu mo? Níhi nɛ o gbo a he dengme ɔ, mɛni he je o ma ha nɛ Mawu nɛ kpata a hɛ mi?

Fiɛlɔ 5:7

Nlami babauu kɛ munyu fuu ɔ, nɔ́ ko nɔ́ ko be mi; lɛ tsuo peeɔ yaka. Moo lɛɛ ye Mawu gbeye.

Fiɛlɔ 7:18

E hi kaa o maa pɛtɛ ga womi nɛ ɔ he nɛ o be he ngmɛɛe. Nɔ nɛ yee Mawu gbeye ɔ, e maa ye manye kɛ̃.

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

Daniel 8:8

Enɛ ɔ se ɔ, to akpakpo ɔ ba wo e he nɔ wawɛɛ nitsɛ, nɛ e bui nɔ́ ko nɔ́ ko. Se benɛ e he wami ɔ ba he si ɔ, e koli ɔ ku. Kɛkɛ nɛ koli agboagbo eywiɛ ba puɛ ngɛ lɔ ɔ nane mi; koli ɔmɛ plɛ a nyahi ngɔ kpee he munomunohi.

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Ni Tsumi 4:28

A ba bua a he nya, konɛ a pee níhi tsuo ngɛ o he wami nya kaa bɔ nɛ o to ngɔ fɔ si kaa a pee ɔ.

Ni Tsumi 5:39

Se ke Mawu dɛ mi nɛ e je ɔ, nyɛ be Mawu nɔ nyɛe maa ye. Nyɛ ko ba pee nyɛ he kaa nihi nɛ a kɛ Mawu ngɛ ta hwue!” Kpe ngua a ngɔ Gamaliel ga womi ɔ.

Romabi 11:36

Ejakaa Mawu lɛ bɔ níhi tsuo; lɛ nɛ ngɛ he wami ngɛ nɔ́ tsuaa nɔ́ nɔ; nɛ mɛ tsuo a woɔ e hɛ mi nyami kɛ yaa neneene! Amen!

Efesobi 3:11

Blema lokoo nɛ Mawu to e yi mi kaa e ma tsu nɔ́ ko kaa kikɛ nɛ ɔ, nɛ e gu wa Nyɔmtsɛ Kristo Yesu nɔ nɛ e ha nɛ e ba mi.

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.

Tito 1:2

Wa ngɛ hɛ kɛ nɔ fɔmi kaa enɛ ɔ ma ha wɔ neneene wami. Mawu nɛ yi lakpa a wo si kaa e ma ha wɔ kikɛmɛ a neneene wami nɛ ɔ be nɛ a na we nɛ a bɔ nɔ́ ko nɔ́ ko.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”