Fiɛlɔ 3:13 - BAIBLO ALOO NGMAMI KLƆUKLƆU Ɔ

¹³ E sa kaa nɔ tsuaa nɔ nɛ ye ní, nɛ e nu ní; nɛ e na bua jɔmi kɛ je níhi nɛ e gbo a he dengme ɔ mi. Mawu nike ní ji lɔ ɔ nɛ.

Fiɛlɔ 3:13 ပူးပေါင်းရင်းမြစ်များ

La 128:2

O ma na o nya mi ngma bɔ nɛ sa kɛ je ní nɛ o tsuɔ ɔ mi; o bua maa jɔ, nɛ e maa hi ha mo.

La 34:12

Mɛnɔ lɛ suɔ kaa e na bua jɔmi ngɛ je mi? Mɛnɔ lɛ suɔ kaa e se nɛ kɛ ngɛ je mi, nɛ e fiɛ e yi nɔ?

Fiɛlɔ 2:24

Lɛɛ nɔ́ nɛ sa adesa peemi ji kaa e ye ní, nɛ e nu ní, nɛ e na bua jɔmi kɛ je e dengme gbomi ɔ mi. Se kɛ̃ ɔ, i na kaa enɛ ɔ hu je Mawu ngɔ.

Fiɛlɔ 2:3

Ngɛ ye ní lemi ɔ kulaa se ɔ, i pee ye yi mi kaa ma nu dã, nɛ ma fiɛ, konɛ ye nɔ gbagba nɛ te. I susu kaa nɔ́ nɛ hi, nɛ sa nɔmlɔ adesa peemi ngɛ je mi e wami be ɔ tsuo ji nɛ ɔ nɛ.

Fiɛlɔ 6:2

Mawu ma ha nɔ ko sika, kɛ ní babauu, hɛ mi nyami, kɛ nɔ́ tsuaa nɔ́ nɛ nɔ ɔ tsui suɔ. Se e ha we lɛ he wami nɛ e kɛ ye ngɔɔmi ɔ, nɛ nɔ kpa mohu ma ba ye. Nɔ́ nɛ ɔ ji yaka dengme gbomi, kɛ he hiami.

Fiɛlɔ 8:15

Lɔ ɔ he ɔ, i na kaa e sa kaa nɔmlɔ adesa nɛ na bua jɔmi; ejakaa nɔ́ ko pa be je nɛ ɔ mi ha lɛ, pe kaa e ye ní, nɛ e nu ní, nɛ e na bua jɔmi. Ke nɔmlɔ ngɛ dengme gboe ngɛ je nɛ ɔ mi, ngɛ wami bɔɔ nɛ Mawu ha lɛ ɔ mi ɔ, nɔ́ nɛ e ma nyɛ maa pee ji nɛ ɔ nɛ.

Fiɛlɔ 9:7

Yaa nɛ o ya ye ní, nɛ o na bua jɔmi. Yaa nu wai, nɛ o tsui nɛ nɔ o mi; o ní tsumi ɔ sa Mawu hɛ mi momo.

Mose V, 12:7

Nyɛɛ kɛ nyɛ we ɔmɛ tsuo maa ye ní ngɛ lejɛ ɔ, nɛ nyɛ bua maa jɔ niba ní kpakpahi nɛ Yawɛ, nyɛ Mawu ɔ kɛ gbaa nyɛ dengme gbomi nɔ ha nyɛ ɔ a he.

Mose V, 26:11

Mo nya ngɛ ní kpakpahi nɛ Yawɛ ha o kɛ o we ɔ he. Ha nɛ Levi no, kɛ nubwɔ nɛ kɛ mo ngɛ ɔ nɛ a piɛ o he kɛ nya.