Fiɛlɔ 3:11 - BAIBLO ALOO NGMAMI KLƆUKLƆU Ɔ

¹¹ E peeɔ nɔ́ tsuaa nɔ́ saminyayoo ngɛ e be mi. E ha nɔmlɔ juɛmi nɛ e kɛ leɔ níhi nɛ be momo, kɛ níhi nɛ maa ba hwɔɔ se. Se kɛ̃ ɔ, lɛ Mawu ɔ ní tsumi kɛ je sisije kɛ ya si nyagbe ɔ, lɔ ɔ lɛɛ nɔmlɔ juɛmi sui he.

Fiɛlɔ 3:11 ပူးပေါင်းရင်းမြစ်များ

Mose I, 1:31

Mawu na nɔ́ tsuaa nɔ́ nɛ e pee ɔ, nɛ a muɔ e hɛ saminya. Nɛ je jɔ, nɛ je na; nɛ e pee ligbi nɛ ji ekpa.

Hiob 11:7

Anɛ o ma nyɛ maa na Mawu níhi nɛ a mi kuɔ a nya kɛ pi si lo? Anɛ o ma nyɛ maa na Mawu Ope ɔ nya tami he lo?

Hiob 37:23

Mawu Ope ɔ loo, wa be nyɛe maa su e he. E ngɛ he wami, e yeɔ dami sane, nɛ e pee we nɔ́ nɛ dɛ kɔkɔɔkɔ.

Hiob 5:9

Lɛ ji nɔ nɛ peeɔ ní nguanguahi nɛ wa juɛmi sui he, kɛ nyakpɛ ní hu babauu.

La 104:24

Yawɛ, hyɛ kaa o pee níhi babauu! Nile o kɛ pee lɛ tsuo pɛpɛɛpɛ. O nibɔ níhi hyi je ɔ mi tɔ.

Abɛ Womi 16:4

Nɔ́ tsuaa nɔ́ nɛ Yawɛ pee ɔ, nɔ́ ko he kɛ̃ lɛ e pee ngɛ; yayami peeli tete po, a ngɛ kɛ ha hɛ mi kpatami.

Fiɛlɔ 1:13

I bɔ mɔde kaa níhi tsuo nɛ a peeɔ ngɛ je nɛ ɔ mi ɔ, ma ngɔ ye nile ɔ kɛ hla mi fitsofitso. Ní tsumi nɛ Mawu ngɔ ha nɔmlɔ adesa ke e tsu ngɛ je nɛ ɔ mi ɔ, haomi sɔuu; pi ní tsumi nɛ ngɔɔ.

Fiɛlɔ 11:5

Níhi nɛ Mawu pee ɔ, o juɛmi su a he lo? Ke o juɛmi sui a he ɔ, lɛɛ kɛ o maa pee kɛ le bɔ nɛ wami he jeɔ sisi ngɛ yohɔyo mi mi kɛɛ?

Fiɛlɔ 7:13

Hyɛ Mawu nine nya ní tsumi! Nɔ́ nɛ Mawu ha nɛ e kpɛ̃ ɔ, mɛnɔ ma nyɛ maa pee lɛ nɛ e da?

Fiɛlɔ 7:23

Nile lɛ i kɛ kpa ní nɛ ɔmɛ tsuo si. I to ye yi mi kaa ma kase ní, nɛ ma le ní. Se e ya yɛ nya.

Fiɛlɔ 7:29

Nɔ́ nɛ i na kɛkɛ ji kaa Mawu bɔ nɔmlɔ adesa nɛ e hi si saminya, se nɔmlɔ ba kase gɔdɔgɔdɔ si himi.

Fiɛlɔ 8:17

Se ní tsumi nɛ Mawu ngɛ tsue ngɛ je nɛ ɔ mi ɔ lɛɛ nɔmlɔ be nya nae gblegbleegble. Ke o gbo dengme hluu po, o be nya nae. Ní leli nɛ e peeɔ mɛ kaa mɛɛ a le ɔ, mɛ po a nɛ nya.

Mateo 11:27

“Tsaatsɛ tu níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ pɛ; nɔ ko nɔ ko li Tsɛ ɔ, ja Bi ɔ kɛkɛ, kɛ nihi nɛ Bi ɔ suɔ kaa e maa tsɔɔ mɛ Tsɛ ɔ.

Mateo 13:22

Wu nɛ ya pue mio mi ɔ daa si ha nihi nɛ nuɔ sɛ gbi ɔ, se je nɛ ɔ mi he nya gbami, kɛ sika suɔmi gbee sɛ gbi ɔ, nɛ e wui yiblii.

Marko 7:37

Ni ɔmɛ a nya kpɛ a he nitsɛnitsɛ, nɛ a de ke, “Nyumu nɛ ɔ peeɔ nɔ́ tsuaa nɔ́ saminya! E haa tue kpokutsɛmɛ nuɔ nɔ́, nɛ amuɛtihi hu tuɔ munyu!”

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

Romabi 11:33

Niatsɛ mi niatsɛ ji Mawu! Hyɛ bɔ nɛ e nile, kɛ juɛmi hiɛ ha! Mɛnɔ le bɔ nɛ e toɔ e yi mi ha? Blɔ nɔ nɛ e guu kɛ tsuɔ ní ɔ, mɛnɔ le?

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.