Fiɛlɔ 2:8 - BAIBLO ALOO NGMAMI KLƆUKLƆU Ɔ

⁸ I bua sika hiɔ kɛ sika tsu nya, nɛ i tsu tó ngɛ matsɛmɛ a dɛ, kɛ ye nɔ yemi he ɔmɛ. Nyumuhi kɛ yihi babauu la kɛ jɔɔ ye bua, nɛ i ngɔ yihi babauu bɔ nɛ ma nyɛ.

Fiɛlɔ 2:8 ပူးပေါင်းရင်းမြစ်များ

Samuel II, 19:35

Jeha nyingmi kpaanyɔ nɛ i ye nɛ ɔ nɛ; nɛ nɔ́ ko ha we mi bua jɔmi hu. Anɛ i ngɛ lilɛ nɛ ma kɛ le nɔ́ nɛ i yeɔ, kɛ nɔ́ nɛ i nuɔ a ngɔmi lo? Aloo i ngɛ tue nɛ a kɛ buɔ lali a gbi tue lo? Mɛni he je nɛ e sa kaa ma ba pee tlomi kɛ fɔ ye nyɔmtsɛ matsɛ nɔ kɛ mwɔɔ?

Matsɛmɛ I, 10:10

Enɛ ɔ se ɔ, Sheba manyɛ ɔ ke Matsɛ Salomo ní nɛ ɔmɛ nɛ e hɛɛ kɛ ba a: sika tsu kilo akpe eywiɛ, tsopa kɛ e he via babauu, kɛ tɛ nɛ he jua wa. Tsopa kɛ e he via nɛ Sheba manyɛ ɔ ba ke Matsɛ Salomo ɔ, Salomo na we eko nɛ hiɛ kaa ja hyɛ.

Matsɛmɛ I, 10:14

Sika tsu nɛ baa Matsɛ Salomo dɛ mi daa jeha ji sika tsu kilo akpe nyingmi enyɔ kɛ etɛ;

Matsɛmɛ I, 10:21

Sika tsu a kɛ pee Matsɛ Salomo nyu numi kpluhi tsuo. Níhi nɛ ngɛ Lebanon hue tsu ɔ mi hu sika tsu ngmingmiingmi sɔuu lɛ a kɛ pee mɛ; sika hiɔ be mi, ejakaa a bui sika hiɔ he akɔtaa ngɛ Salomo be ɔ mi.

Matsɛmɛ I, 11:3

Salomo ngɔ matsɛmɛ a biyihi lafa kpaago, nɛ e su plãhi hu lafa etɛ. E yi ɔmɛ ha e yi mi plɛ kɛ je Mawu he,

Matsɛmɛ I, 14:27

Matsɛ Rehoboam pee akɔblee tsɛ̃ihi kɛ to a nane mi, nɛ e ngɔ mɛ ngɔ wo matsɛ we agbo nya buli ɔmɛ a nyatsɛmɛ ɔmɛ a dɛ.

Matsɛmɛ I, 9:14

Blɔɔ Hiram ngɔ sika tsu kilo akpe eywiɛ ngɔ mane Salomo momo.

Matsɛmɛ I, 9:28

A hlui lɛ kɛ ya Ofir zugba a nɔ, nɛ a ya ngɔ sika tsu kilo akpe nyɔngma kɛ eywiɛ ngɛ lejɛ ɔ kɛ ba ha Matsɛ Salomo.

Kronika I, 25:1

Matsɛ David kɛ asafoatsɛmɛ ɔmɛ ngɔ ní tsumi pɔtɛɛ komɛ ngɔ ha Levi weku nɛ ɔmɛ: Asaf, Heman, kɛ Yedutun. A ní tsumi ji a gba, nɛ a fia saku kɛ ngmlɛ ngɔ to he. Nihi nɛ a hla a, kɛ ní tsumihi pɔtɛɛ nɛ a ngɔ wo a dɛ ɔ ji nɛ ɔmɛ nɛ:

Kronika I, 25:6

Heman binyumu ɔmɛ tsuo fiaa ngmlɛ, kɛ saku kɛ sɔmɔɔ ngɛ Yawɛ we ɔ kaa bɔ nɛ a tsɛ ɔ faa mɛ ɔ. Asaf, Yedutun, kɛ Heman lɛɛ matsɛ ɔ nɛ faa mɛ loko a tsuɔ ní.

Kronika II, 9:11

Salomo kɛ tso ɔ eko pee kpokuhi ngɛ Yawɛ we ɔ, kɛ matsɛ we ɔ mi, nɛ e kɛ eko hu pee kpa sakuhi, kɛ bɛhi kɛ ha lali ɔmɛ. Tso ɔmɛ nɛ a ngɔ kɛ ba a, a nɛ a henɔ ko hyɛ ngɛ Yuda zugba a nɔ.

Fiɛlɔ 1:2

Ye juɛmi deɔ mi ke, wami nɛ ɔ, se nami ko be he; wami he be se nami. Lɛ tsuo peeɔ yaka!

Daniel 3:15

Yoo, nyɛ dla nyɛ he! Titimatihi, bɛhi, saku slɔɔtoslɔɔtohi, kɛ miɛ slɔɔtoslɔɔtohi maa pɛ. Ke nyɛ nu nɛ ní nɛ ɔmɛ ngɛ pɛe pɛ, nyɛ kpla si nɛ nyɛ ja amaga a nɛ i puɛ ɔ. Ke nyɛ pee ja a, e maa hi ha nyɛ. Se ke nyɛ kpla we si nɛ nyɛ ja amaga a, lɛɛ a ma sake nyɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi jamɛ a ngmlɛfia a nɔuu. Anɛ nyɛ susu kaa mawu ko ngɛ nɛ ma je nyɛ kɛ je ye dɛ mi lo?”

Daniel 3:5

Be tsuaa be nɛ nyɛ maa nu nɛ titimatihi, bɛhi, saku slɔɔtoslɔɔtohi, kɛ miɛ slɔɔtoslɔɔtohi ngɛ pɛe ɔ, nyɛ kpla si nɛ nyɛ ja sika tsu amaga a nɛ Matsɛ Nebukadnezar puɛ ngɔ ma si ɔ.

Daniel 3:7

Lɔ ɔ he ɔ, benɛ titimati ɔmɛ, bɛ ɔmɛ, kɛ saku slɔɔtoslɔɔto ɔmɛ bɔni pɛmi, nɛ a pue miɛ slɔɔtoslɔɔto ɔmɛ a nya pɛ je ma amɛ kɛ nihi nɛ tuɔ gbi slɔɔtoslɔɔto ɔmɛ tsuo ya kpla si nɛ a ja sika tsu amaga a nɛ Matsɛ Nebukadnezar puɛ ngɔ ma si ɔ.

Amos 6:5

Nyɛ suɔ kaa nyɛ maa po lahi kaa bɔ nɛ David pee ɔ, nɛ nyɛɛ fia la amɛ ngɛ kpa sakuhi a nɔ.