Fiɛlɔ 2:3 - BAIBLO ALOO NGMAMI KLƆUKLƆU Ɔ

³ Ngɛ ye ní lemi ɔ kulaa se ɔ, i pee ye yi mi kaa ma nu dã, nɛ ma fiɛ, konɛ ye nɔ gbagba nɛ te. I susu kaa nɔ́ nɛ hi, nɛ sa nɔmlɔ adesa peemi ngɛ je mi e wami be ɔ tsuo ji nɛ ɔ nɛ.

Fiɛlɔ 2:3 ပူးပေါင်းရင်းမြစ်များ

Mose I, 47:9

Yakob he nɔ ke, “I ye jeha lafa kɛ nyingmi etɛ. Ye nɛmɛ ɔmɛ lɛɛ slo mɛ; mɛɛ lɛɛ a se kɛ ngɛ je mi.”

Hiob 14:14

Ke nɔmlɔ gbo ɔ, e kpaleɔ kɛ baa ekohu jinɛ i ko mlɛ kɛ yaa si ye haomi be nɛ ɔ se maa po, nɛ be kpakpa ma ba na mi.

La 104:15

O haa lɛ dã nɛ ma ha lɛ bua jɔmi, nu nɛ ma ha nɛ e he womi nɔ ma tsɔ, kɛ niye ní nɛ maa wo lɛ he wami.

Abɛ Womi 20:1

Wai sisiɔ nɔ; dã nɛ nya wa haa nɛ nɔ peeɔ basabasa. Nɔ nɛ ngɔɔ e he kɛ haa dã a, e li nɔ́.

Fiɛlɔ 1:17

I bɔ mɔde kaa ma hla slɔɔto nɛ ngɛ nile kɛ godo, aloo nile kɛ kuasia jemi a kpɛti. Se i na kaa nɔ́ nɛ ɔ hu ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 10:19

A tsɛɔ ní yemi konɛ a fiɛ nɛ a muɔ; dã haa nɔ bua jɔmi, se sika lɛ peeɔ nɔ́ tsuaa nɔ́.

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Fiɛlɔ 2:24

Lɛɛ nɔ́ nɛ sa adesa peemi ji kaa e ye ní, nɛ e nu ní, nɛ e na bua jɔmi kɛ je e dengme gbomi ɔ mi. Se kɛ̃ ɔ, i na kaa enɛ ɔ hu je Mawu ngɔ.

Fiɛlɔ 5:18

Hyɛ, nɔ́ nɛ i na kaa e hi, nɛ e sa kɛkɛ ji kaa nɔmlɔ nɛ ye ní, nɛ e nu ní, nɛ e na bua jɔmi. Wami be bɔɔ nɛ Mawu ha nɔmlɔ ngɛ je nɛ ɔ mi ɔ, dengme tsuo nɛ e gbo ɔ, e ye e mi ngɔɔmi; e blɔ fa mi nɔ́ ji lɔ ɔ nɛ.

Fiɛlɔ 6:12

Mɛnɔ lɛ le nɔ́ nɛ hi ha nɔmlɔ ngɛ e wami be bɔɔ nɛ ɔ mi? Nɔmlɔ wami pi nɔ́ ko kulaa; e ngɛ kaa nini nɛ bee kɛ yaa. Mɛnɔ ma nyɛ ma de nɔ ko nɔ́ nɛ maa ba ngɛ je ɔ mi ngɛ e gbenɔ se?

Fiɛlɔ 7:18

E hi kaa o maa pɛtɛ ga womi nɛ ɔ he nɛ o be he ngmɛɛe. Nɔ nɛ yee Mawu gbeye ɔ, e maa ye manye kɛ̃.

Fiɛlɔ 7:25

Jehanɛ, i ba bɔni ní kasemi, kɛ níhi a si kpami. I pee ye yi mi kaa ma na nile, nɛ ma na ye ní bimi ɔmɛ a heto. Nɔ́ nɛ i na ji kaa yi mi wami ɔ, e ji kuasia jemi, nɛ biɛmi hu godo.

Fiɛlɔ 8:15

Lɔ ɔ he ɔ, i na kaa e sa kaa nɔmlɔ adesa nɛ na bua jɔmi; ejakaa nɔ́ ko pa be je nɛ ɔ mi ha lɛ, pe kaa e ye ní, nɛ e nu ní, nɛ e na bua jɔmi. Ke nɔmlɔ ngɛ dengme gboe ngɛ je nɛ ɔ mi, ngɛ wami bɔɔ nɛ Mawu ha lɛ ɔ mi ɔ, nɔ́ nɛ e ma nyɛ maa pee ji nɛ ɔ nɛ.

Mateo 6:24

“Nɔ ko be nyɛe ma sɔmɔ nyɔmtsɛmɛ enyɔ; eko ɔ, e maa nyɛ nɔ kake, nɛ e maa suɔ nɔ kake; aloo e maa pee nɔ kake suɔmi nya ní, nɛ nɔ kake ɔ lɛɛ e be lɛ bue fɛɛ. O be nyɛe ma sɔmɔ Mawu kɛ sika tsuo.

Efesobi 5:18

Nyɛ ko de dã, ejakaa e kɛ sakasaka peemi lɛ nyɛɛɔ. Mohu ɔ, nyɛ ha nɛ mumi ɔ nɛ hyi nyɛ.

Manyadali 9:13

Se wai tso de mɛ ke, ‘Anɛ ma si ye wai nɛ haa mawuhi, kɛ nimli adesahi tsuo bua jɔmi ɔ, nɛ ma ya ye tsohi a nɔ matsɛ lo?’

Samuel I, 25:36

Benɛ Abigail kpale e se kɛ ba we ɔ mi ɔ, o nɛ Nabal nɛ ngmɛ okplɔɔ kaa matsɛ. Nabal de dã kpɔtɔɔ, nɛ e bua jɔ e he, lɔ ɔ he ɔ, Abigail bɔɛ lɛ amaniɛ ko kɛ ya si je na.