Fiɛlɔ 2:26 - BAIBLO ALOO NGMAMI KLƆUKLƆU Ɔ

²⁶ Nihi nɛ peeɔ Mawu suɔmi nya ní ɔ, Mawu haa mɛ nile, ga, kɛ bua jɔmi. Se yayami peeli lɛɛ, e haa a tsuɔ ní, nɛ a buaa níhi a nya, konɛ e ngɔ ngɛ a dɛ kɛ ha ni nɛmɛ nɛ peeɔ lɛ, Mawu ɔ suɔmi nya ní. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 2:26 ပူးပေါင်းရင်းမြစ်များ

Abɛ Womi 13:22

Nɔmlɔ kpakpa siɔ gbosi ní kɛ haa e bibimɛ. Se yayami peeli a ní ɔ, dali lɛ a bua nya ha.

Abɛ Womi 28:8

Nɔ nɛ paa sika ha nɔ nɛ e heɔ hekpa babauu ɔ, pe e ngɛ e juetli ɔ nya buae kɛ ha nɔ nɛ naa ohiatsɛmɛ mɔbɔ.

Yohane 16:24

Kɛ ba si piɔ ɔ, nyɛ bi we nɔ́ ko hyɛ ngɛ ye biɛ mi. Nyɛ bi, nɛ a maa pee ha nyɛ; kɛkɛ ɔ, nyɛ ma na bua jɔmi babauu.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Hiob 32:8

Se, Mawu Ope mumi ɔ nɛ ngɛ nɔmlɔ adesa mi ɔ, lɛ nɛ e haa nɔmlɔ nile.

Mose I, 7:1

Yawɛ de Noa ke, “Yaa sɛ lɛ ɔ mi; mo, kɛ nihi nɛ ngɛ o we ɔ mi ɔ tsuo; ejakaa i na kaa mo pɛ ji nɔ nɛ peeɔ nɔ́ nɛ da ngɛ je ɔ mi tsuo.

Fiɛlɔ 1:14

Níhi tsuo nɛ a peeɔ ngɛ je nɛ ɔ mi ɔ, i na; nɛ i ngɛ dee ke lɛ tsuo yaka. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Hiob 38:36

Mɛnɔ lɛ ha nɔmlɔ adesa nile? Mɛnɔ kɛ juɛmi wo nɔmlɔ yi mi?

La 39:6

Ee, nɔmlɔ adesa ngɛ kaa nini; yaka dengme kɛkɛ lɛ e ngɛ gboe. E buaa níhi a nya, se e li nɔ nɛ ma ba ye.

La 51:6

O suɔ nɛ ma ye mo anɔkuale kɛ pi si; lɔ ɔ he ɔ, ngɔɔ o nile kɛ wo ye mi tɔ.

Abɛ Womi 2:6

Yawɛ lɛ haa nɔ nile; lɛ nɛ e tsɔɔ nɔ nile, kɛ nɔ́ sisi numi.

Fiɛlɔ 1:13

I bɔ mɔde kaa níhi tsuo nɛ a peeɔ ngɛ je nɛ ɔ mi ɔ, ma ngɔ ye nile ɔ kɛ hla mi fitsofitso. Ní tsumi nɛ Mawu ngɔ ha nɔmlɔ adesa ke e tsu ngɛ je nɛ ɔ mi ɔ, haomi sɔuu; pi ní tsumi nɛ ngɔɔ.

Fiɛlɔ 2:25

Ke pi Mawu he ɔ, mɛnɔ maa ye ní, nɛ mɛnɔ ma na bua jɔmi?

Fiɛlɔ 3:10

Ní tsumi kpakpataa nɛ Mawu ha nɔmlɔ ke e tsu ɔ, i na.