Fiɛlɔ 2:23 - BAIBLO ALOO NGMAMI KLƆUKLƆU Ɔ

²³ Níhi nɛ nɔmlɔ adesa tsuɔ e wami be ɔ tsuo peeɔ haomi kɛ kɔmɔ yemi sɔuu. Nyɔ mi po e juɛmi ha we lɛ he jɔmi. Enɛ ɔ hu ji yaka nɔ́ ko.

Fiɛlɔ 2:23 ပူးပေါင်းရင်းမြစ်များ

Mose I, 3:17

Nyumu ɔ lɛɛ Yawɛ Mawu de lɛ ke, “O ya bu o yo ɔ tue nɛ o ye tso ɔ yiblii ɔ nɛ i de nyɛ ke nyɛ ko ye ɔ. Nɔ́ nɛ o pee nɛ ɔ he je ɔ, i gbiɛ zugba zu ɔ; nga kɛ mio maa puɛ ngɛ nɔ, nɛ nga nɔ tsohi ji nɔ́ nɛ o maa ye. O ma tsu ní kpakpataa nɛ o maa nyla o hɛ mi latsa loko zugba a maa ba ní bɔ nɛ sa ha mo nɛ o ye. O maa pee enɛ ɔ daa kɛ yaa si a maa pu mo ngɛ zu ɔ nɛ i tĩ kɛ puɛ mo ɔ mi. Zu ji mo, nɛ o maa kpale kɛ ya zu mi ekohu.”

Mose I, 47:9

Yakob he nɔ ke, “I ye jeha lafa kɛ nyingmi etɛ. Ye nɛmɛ ɔmɛ lɛɛ slo mɛ; mɛɛ lɛɛ a se kɛ ngɛ je mi.”

Ester 6:1

Jamɛ a nyɔ ɔ mi ɔ, matsɛ ɔ nyɛ we nɛ e hwɔ mahe; lɔ ɔ he ɔ, e fa ke a ya ngɔ yi nɔ sanehi womi ɔ kɛ ba, nɛ a ba kane ha lɛ.

Hiob 14:1

Nɔmlɔ adesa wami be ngɛ kpiti kɛkɛ, se e mi haomi hiɛ babauu.

Hiob 5:7

Nɔmlɔ adesa nitsɛ lɛ hlaa haomi kɛ haa e he kaa bɔ nɛ la lilɛ tee kɛ yaa hiɔwe ɔ.

La 127:2

Yaka gu nyɛ teɔ si makɛ mla, nɛ gbɔkuɛ hu nyɛ ya hwɔ we si mla. Nyɛ gboɔ dengme loko nyɛ naa nɔ́ ko bɔɔ pɛ nyɛ yeɔ, se nɔ nɛ Mawu suɔ e sane ɔ, e haa e hwɔɔ mahe bɔ nɛ sa.

La 32:4

Mo Yawɛ, o gbla ye tue nyɔ kɛ pia, nɛ ye he wami tsuo ta kaa bɔ nɛ nyu taa pa mi latsa be mi ɔ.

La 90:15

Bɔ nɛ o ha nɛ wa na amanehlu wawɛɛ jeha komɛ nɛ be ɔ, ha nɛ wa na bua jɔmi, nɛ wa nya ja nɔuu ngɛ be nɛ wa ngɛ mi nɛ ɔ mi.

Fiɛlɔ 1:13

I bɔ mɔde kaa níhi tsuo nɛ a peeɔ ngɛ je nɛ ɔ mi ɔ, ma ngɔ ye nile ɔ kɛ hla mi fitsofitso. Ní tsumi nɛ Mawu ngɔ ha nɔmlɔ adesa ke e tsu ngɛ je nɛ ɔ mi ɔ, haomi sɔuu; pi ní tsumi nɛ ngɔɔ.

Fiɛlɔ 1:18

Ní lemi fuu ɔ, haomi sɔuu lɛ ngɛ mi. Ke nɔ ko le ní babauu ɔ, jã kɛ̃ lɛ e haomi hu hiɛ babauu.

Fiɛlɔ 2:11

Jehanɛ, i susu ye nine nya ní tsumi ɔmɛ tsuo a he, kɛ dengme nɛ i gbo ngɛ a he ɔ, nɛ i na kaa lɛ tsuo peeɔ yaka. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ; se nami ko be he.

Fiɛlɔ 5:12

Apaatsɛ ɔ, e ye ní bɔɔ jio, e ye fuu jio, e hwɔɔ mahe bɔ nɛ sa. Se niatsɛ lɛɛ e ní babauu ɔ ha we nɛ e hwɔɔ mahe.

Fiɛlɔ 5:17

Nɔmlɔ wami be ɔ tsuo ngɛ kaa diblii mi nyɛɛmi; kɔmɔ yemi, mi mi fumi, nine mi wu jemi, kɛ hiɔ sɔuu.

Fiɛlɔ 8:16

Be tsuaa be nɛ i hla kaa ma le ní, nɛ ma na níhi nɛ yaa nɔ ngɛ je nɛ ɔ mi ɔ, i naa kaa o ma nyɛ maa hi si nyɔ kɛ pia nɛ mahe hwɔmi be mi.

Daniel 6:18

Lɔ ɔ se ɔ, matsɛ ɔ kpale kɛ ho e we ɔ mi ya. E hwɔ we mahe jamɛ a nyɔ ɔ mi tsuo; e ha hwɔ, nɛ e kplɛɛ we kaa a je e hɛja.

Ni Tsumi 14:22

A wo nihi nɛ he ye ɔ he wami, konɛ a hemi kɛ yemi mi nɛ wa. A tsɔɔ mɛ hulɔ kaa, “E sa kaa waa gblee amanehlu babauu mi kɛ sɛ Mawu matsɛ yemi ɔ mi.”