Fiɛlɔ 2:17 - BAIBLO ALOO NGMAMI KLƆUKLƆU Ɔ

¹⁷ Enɛ ɔ he je ɔ, je mi si himi ba gbe ye nya, ejakaa níhi nɛ a tsuɔ ngɛ je ɔ mi ɔ, ekoeko sɛ́ ye hɛ mi. Lɛ tsuo peeɔ yaka, kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 2:17 ပူးပေါင်းရင်းမြစ်များ

Fiɛlɔ 2:11

Jehanɛ, i susu ye nine nya ní tsumi ɔmɛ tsuo a he, kɛ dengme nɛ i gbo ngɛ a he ɔ, nɛ i na kaa lɛ tsuo peeɔ yaka. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ; se nami ko be he.

Yona 4:8

Benɛ pu te si ɔ, Mawu ha beleku kɔɔhiɔ ko nɛ dɔ la fia, nɛ pu ɔ sãã Yona yi mi, nɛ e miɔ nɛ e maa hɛli. Kɛkɛ nɛ e de ke, “E hi kaa ma gbo mohu pee kaa ma hi je mi.”

Fiɛlɔ 4:2

I susu kaa nihi nɛ gbo ɔ, a nɔ́ hi pe ni nɛmɛ nɛ a hɛ ngɛ ɔ.

Habakuk 1:3

Mɛni he je o ha i ngɛ yayami kɛ haomi hyɛe kikɛ nɛ ɔ? Kɛ pee kɛɛ nɛ o ngɛ nɔ́ nɛ dɛ nɛ ɔ hyɛe, nɛ o pui mi ɔ? Hɛ mi kpatami kɛ yi wu tso níhi bɔle mi kɛ kpe; pɛ kɛ kunɔ ngɛ he tsuaa he.

Yona 4:3

Lɔ ɔ he ɔ, Yawɛ, i kpa mo pɛɛ nɛ o gbe mi; e hi kaa ma gbo mohu pe kaa ma hi je mi.”

Ezekiel 3:14

Yawɛ he wami ba ye nɔ wawɛɛ nitsɛ; nɛ benɛ mumi ɔ wo mi kɛ yaa a, e dɔ mi, nɛ ye bua jɔɛ kulaa.

Fiɛlɔ 6:9

E hi kaa o bua nɛ jɔ nɔ́ nɛ o ngɛ ɔ he, pe kaa daa nɛ ɔ, o ko suɔ nɛ o na nɔ́ kpa mohu. Enɛ ɔ hu ji yaka nɔ́ ko. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 3:16

Jehanɛ hu, i kpa si kaa ngɛ je nɛ ɔ mi ɔ, he nɛ sa kaa a ye dami sane, nɛ a pee nɔ́ nɛ da ngɛ ɔ, yi wu tso níhi mohu lɛ a peeɔ ngɛ lejɛ ɔ.

Fiɛlɔ 2:22

Haomi nɛ baa nɔmlɔ nɔ, kɛ dengme babauu nɛ e gboɔ ngɛ je nɛ ɔ mi ɔ, mɛni se lɛ e naa?

Fiɛlɔ 1:14

Níhi tsuo nɛ a peeɔ ngɛ je nɛ ɔ mi ɔ, i na; nɛ i ngɛ dee ke lɛ tsuo yaka. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

La 89:47

Mo kai kaa ye wami be ɔ ngɛ kuku. Mɛni he je lɛ o bɔ nɔmlɔ adesa yaka gu ɔ?

Hiob 14:13

I na nɛ o ngɔ mi ya laa ngɛ gbeje kɛ yaa si o mi mi fumi ɔ se maa po; nɛ lɔ ɔ se ɔ, o maa to be nɛ a kɛ ma kai mi.

Matsɛmɛ I, 19:4

Se lɛ nitsɛ lɛɛ e nyɛɛ ligbi mluku kake kɛ ya nga a nɔ, nɛ e ya hi si ngɛ tso ko sisi, nɛ e ná nɛ e gbo. E sɔle ke, “Yawɛ, e hiɛ; moo gbe mi jehanɛ. E hi kaa ma gbo mohu; ejakaa ye nɛmɛ nɛ sɛ hlami ɔ, i hí pi mɛ.”

Mose IV, 11:15

Ke kikɛ nɛ ɔ o kɛ mi maa ye ɔ, lɛɛ ke o ngɛ ye he suɔmi ɔ, gbee mi amlɔ mohu, konɛ ma ko na nɔ́ kaa kikɛ nɛ ɔ ngɛ o dɛ mi ekohu.”

Fiɛlɔ 1:17

I bɔ mɔde kaa ma hla slɔɔto nɛ ngɛ nile kɛ godo, aloo nile kɛ kuasia jemi a kpɛti. Se i na kaa nɔ́ nɛ ɔ hu ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 4:3

Se ni enyɔ nɛ ɔmɛ po a se ɔ, nihi nɛ a nɔ́ hi pe kulaa ji ni nɛmɛ nɛ a fɔ we mɛ lolo, nɛ mɛɛ a nɛ yi wu tso níhi nɛ a ngɛ pee ngɛ je ɔ mi ɔ.