Fiɛlɔ 2:16 - BAIBLO ALOO NGMAMI KLƆUKLƆU Ɔ

¹⁶ Ní lelɔ ɔ, nɔ ko kaii we lɛ daa; kuasia hu, jã kɛ̃. Be bɔɔ kɛkɛ nihi a hɛ je mɛ tsuo a nɔ. Ní lelɔ gboɔ kaa bɔ nɛ kuasia gboɔ; slɔɔto be mi.

Fiɛlɔ 2:16 ပူးပေါင်းရင်းမြစ်များ

Samuel II, 3:33

Matsɛ David la aywilɛho la nɛ ɔ kɛ nyɛ ya ha Abner: “Anɛ e sa kaa o gbo kaa kuasia gboɔ lo?

La 103:16

Ke kɔɔhiɔ fia kɛ be ngɛ lejɛ ɔ, kɛkɛ e hɛ mi kpata nɛ nɔ ko pa li lɛ hu.

La 49:10

Nɔ tsuaa nɔ le nɔ́ nɛ ɔ: ni lelɔ po gboɔ, nɛ kuasia nɛ be juɛmi hu gboɔ ja nɔuu. Mɛ tsuo a siɔ a ní ɔmɛ kɛ haa ni kpahi.

La 88:12

O nyakpɛ ní ɔmɛ ɔ, anɛ diblii mi lɛ a maa na ngɛ lo? Zugba a, he nɛ nihi a hɛ jee níhi a nɔ ngɛ ɔ, lejɛ ɔ lɛ a maa na o dami ɔ ngɛ lo?

Mose II, 1:6

Be ko se ɔ, Yosef kɛ e nyɛmimɛ ɔmɛ, kɛ jamɛ a yi nɔ bi ɔmɛ tsuo ba gbo.

Mose II, 1:8

Jehanɛ ɔ, matsɛ he ko ba bɔni tsɛ yemi ngɛ Egipt, nɛ lɛɛ e li Yosef.

Abɛ Womi 14:8

Ní lelɔ juɛmi tsɔɔ lɛ blɔ nɛ hi. Kuasiahi lɛɛ a juɛmi sisiɔ mɛ.

Fiɛlɔ 1:11

Níhi nɛ be ɔ, nɔ ko nɔ ko kaii we hu. Jã kɛ̃, níhi nɛ maa ba kɛ je be nɛ ɔ mi kɛ yaa a, yi nɔhi nɛ maa ba ngɛ se ɔ, mɛ hu a be kaie.

Fiɛlɔ 2:14

Ní lelɔ le he nɛ e yaa; kuasia lɛɛ e li. Se kɛ̃ ɔ, amanehlu kake ɔ nɔuu lɛ baa mɛ ni enyɔ ɔmɛ tsuo a nɔ.

Fiɛlɔ 2:15

I de ngɛ ye yi mi ke, “Haomi nɛ maa ba kuasia nɔ ɔ, lɔ ɔ nɔuu lɛ maa ba imi hu ye nɔ. Lɛɛ ye nile babauu ɔ, mɛni se i na ngɛ he mɔ?” I he nɔ ngɛ ye yi mi ke, “Enɛ ɔ hu ji yaka nɔ́ ko; e he be se nami.”

Fiɛlɔ 6:8

Mɛni ní lelɔ kɛ pe kuasia? Ohiatsɛ nɛ le e he nɔ hyɛmi ngɛ je mi ɔ, mɛni se lɛ e naa?

Fiɛlɔ 7:2

E hi kaa o maa ya we mi he nɛ a ngɛ kɔmɔ yee ngɛ, pe kaa o maa ya he nɛ a tsɛ ní yemi ngɛ. Ejakaa e hia kaa nihi nɛ ngɛ wami mi kɛ mwɔɔ ɔ, a kai be tsuaa be kaa gbenɔ ji wɔ tsuo wa nyagbe.

Fiɛlɔ 8:10

Jehanɛ, i na yayami peeli komɛ nɛ ke pee ɔ, a baa he klɔuklɔu ɔ. Benɛ a gbo nɛ a ya pu mɛ ɔ, a huɛmɛ ɔmɛ a hɛ je a yayami ɔmɛ a nɔ, nɛ a bɔni a yi jemi mohu ngɛ ma mi he nɛ a pee yayami ɔmɛ ngɛ ɔ. Nɔ́ nɛ ɔ hu dɛ.

Fiɛlɔ 9:15

Nyumu ko ngɛ ma a mi. Nɔ́ ko be e dɛ lɛɛ, se e le ní bɔ nɛ e kɛ e nile ɔ he ma a yi wami. Se nɔ ko nɔ ko susuu we e he.

Fiɛlɔ 9:5

Niinɛ, nihi nɛ a hɛ ngɛ ɔ le kaa a ma ba gbo; ni gbogboe ɔmɛ lɛɛ a li nɔ́ ko nɔ́ ko. Hiɔwo kpa ko hu a be; ejakaa nihi a hɛ je a nɔ pɛsɛpɛsɛ.

Malaki 3:16

Kɛkɛ nɛ nihi nɛ yeɔ Yawɛ gbeye ɔ kɛ a sibi tu munyu, nɛ Yawɛ bu tue nɛ e nu nɔ́ nɛ a ngɛ dee ɔ. Ngɛ e hɛ mi ɔ, a ngma nihi tsuo nɛ a yeɔ Yawɛ gbeye, nɛ a buɔ lɛ ɔ a biɛ.

Hebribi 9:27

Mawu to kaa adesa nɛ gbo si kake, nɛ lɔ ɔ se ɔ, a kojo lɛ.