Fiɛlɔ 2:11 - BAIBLO ALOO NGMAMI KLƆUKLƆU Ɔ

¹¹ Jehanɛ, i susu ye nine nya ní tsumi ɔmɛ tsuo a he, kɛ dengme nɛ i gbo ngɛ a he ɔ, nɛ i na kaa lɛ tsuo peeɔ yaka. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ; se nami ko be he.

Fiɛlɔ 2:11 ပူးပေါင်းရင်းမြစ်များ

Mose I, 1:31

Mawu na nɔ́ tsuaa nɔ́ nɛ e pee ɔ, nɛ a muɔ e hɛ saminya. Nɛ je jɔ, nɛ je na; nɛ e pee ligbi nɛ ji ekpa.

La 89:47

Mo kai kaa ye wami be ɔ ngɛ kuku. Mɛni he je lɛ o bɔ nɔmlɔ adesa yaka gu ɔ?

Mose II, 39:43

Mose ya nɛ e ya hyɛ nɔ́ tsuaa nɔ́, nɛ e na kaa a tsu ní ɔ pɛpɛɛpɛ kaa bɔ nɛ Yawɛ fa lɛ ɔ. Nɛ Mose gbaa mɛ.

Fiɛlɔ 1:14

Níhi tsuo nɛ a peeɔ ngɛ je nɛ ɔ mi ɔ, i na; nɛ i ngɛ dee ke lɛ tsuo yaka. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 1:17

I bɔ mɔde kaa ma hla slɔɔto nɛ ngɛ nile kɛ godo, aloo nile kɛ kuasia jemi a kpɛti. Se i na kaa nɔ́ nɛ ɔ hu ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 1:3

Dengme tsuo nɛ nɔmlɔ adesa gboɔ ngɛ je nɛ ɔ mi ɔ, mɛni se e naa?

Fiɛlɔ 3:9

Ní tsulɔ ɔ, mɛni se e naa kɛ jee e dengme gbomi ɔ mi?

Fiɛlɔ 5:10

Nɔ nɛ suɔ sika a, sika tɔɛ lɛ; nɔ nɛ suɔ nɛ e na ní ɔ, ní babauu gbi e nya. Enɛ ɔ hu ji yaka nɔ́ ko.

Fiɛlɔ 5:16

Sane nɛ ɔ he wa! Bɔ nɛ nɔ ko ba a, jã e maa kpale kɛ ya. Lɛɛ mɛni se e na mɔ, kaa e ba gbo yaka dengme?

Habakuk 2:13

Ma amɛ nɛ o ye a nɔ ɔ, ní tsumi kpakpataa nɛ a tsu ɔ tsuo pee yaka. Níhi tsuo nɛ o bua nya a, la sã mɛ. Yawɛ Tabohiatsɛ ɔ lɛ tsu nɔ́ nɛ ɔ nɛ.

1 Timoteo 6:6

Se niinɛ, ní nami agbo ji Mawu jami, ke nɔ ko bua jɔ e níhi a he ɔ.